(ဥက္ကဌရဲ့အရင်ယောက်ျားကပြောတယ် သူကအနက်ရောင်ကြာပွင့်လေးပါတဲ့)

အခန်း(၁၅၅) မြေအောက်ခန်းထဲမှာဖမ်းပြီး ထာဝရပိတ်လှောင်ထားမယ်

အခန်း(၁၅၅) မြေအောက်ခန်းထဲမှာဖမ်းပြီး ထာဝရပိတ်လှောင်ထားမယ်

ကုလင်ရဲ့အမေးကြောင့် ကျိုးယွမ်ဖုန်းရဲ့မျက်ဝန်းတွေက လေးနက်သွားပြီး သူက ပြုံးရင်းပင် ပြန်ဖြေလိုက်သည်။

"အင်း အဲ့လိုခံစားမိတာလား။ လေယာဉ်ပေါ်က အနံ့ဖြစ်မှာပါ။"

"ကျွန်တော် မယုံဘူး။ အနံ့က အကို တစ်ခြားတစ်ယောက်နဲ့ရှိနေတယ်' ဆိုတဲ့ အနံ့မျိုးပဲ ".....

"မင်း ဒီကုမ္ပဏီကို ပြန်လာတာလား။ " ကုလင်ရဲ့စကားကိုကြားဖြတ်ပြီး ကျိုးယွမ်ဖုန်းကိုကြည့်ကာ ကုယျန်ရှန်းက သုန်သုန်မှုန်မှုန်နှင့် မေးလိုက်သည်။

"ခနလောက်ပဲ ပြန်လာတာပါ။ တစ်ချို့ကိုယ်ရေးကိုယ်တာ ကိစ္စလေးတွေကို ဖြေရှင်းဖို့ "

ကျိုးယွမ်ဖုန်းက ဆိုဖာမှာထိုင်လိုက်ပြီး ကုယျန်ရှန်းရဲ့တွန့်ဆုတ်နေတဲ့ အမူအရာကိုကြည့်ကာ တစ်ခုခုပြောစရာရှိနေမှန်း အလိုလို ခန့်မှန်းမိလိုက်သည်။

"ကုလင် .... မင်း အရင်သွားနှင့် "

ကုလင်ထွက်သွားပြီးနောက် ကျိုးယွမ်ဖုန်းက သက်ပြင်းချလိုက်ပြီး ကုယျန်ရှန်းကို မေးလိုက်သည်။

"မင်း ငါ့ကို မေးစရာ ဘာမှမရှိဘူးလား။ "

"ငါ ချန်းလုံအန်းကို ကုကျွမ်းဆီ ပို့ထားတယ်။ မင်းနဲ့ အမေက ငါ့ကို ဘာလို့ ဖုံးကွယ်ထားခဲ့တာလဲ။ " မျက်ဝန်းထဲ လျှံကျနေတဲ့ခံစားချက်တွေကို ပြန်လည်သိမ်းဆည်းပြီး မှုန်ကုပ်နေသော မျက်နှာထားဖြင့် ကုယျန်ရှန်း မေးလိုက်သည်။

ထိုစကားကြောင့် ကျိုးယွမ်ဖုန်းရဲ့ခေါင်းက ဆတ်ကနဲလှည့်လာပြီး တအံ့တဩနှင့် မေးလိုက်သည်။

"မင်း .... အရင်ကဖြစ်ခဲ့တာတွေကို သိသွားပြီလား။ အကုန်လုံးကို သိသွားပြီလား။ "

"အကုန်လုံးဖြစ်မယ်လို့ ထင်တာပဲ .... ဒါပေမယ့် ချန်းလုံအန်း ငါ့ကို ဖုံးကွယ်ထားတာ ရှိအုံးမလားတော့ ငါလည်း သေချာမပြောနိုင်သေးဘူး။ "

"မင်းကို ဖုံးကွယ်ထားဖို့ ငါတို့လည်း မရည်ရွယ်ခဲ့ပါဘူး။ နျဲ့နျန်က မင်းဆီက တာဝန်ဆိုတဲ့ တုံ့ပြန်မှုတွေကို မလိုချင်တာကြောင့် အခုလို လုပ်ခဲ့ရတာ။ သူက မင်း သူ့ကိုတကယ်ချစ်လာတာကိုပဲ လိုချင်ခဲ့တာ .. အဲ့တာကြောင့် လွန်ခဲ့တဲ့နှစ်တွေတုန်းက သူ အများကြီးကြိုးစားခဲ့တယ် ဒါပေမယ့် ချန်းလုံအန်းပြန်ရောက်လာတော့ မင်းက လွန်လွန်ကြူးကြူးတွေလုပ်ခဲ့တယ်‌လေ။ အဲ့တာတွေကြောင့်လည်း သူ့ကို ပိုပြီး ဝေးကွာသထက် ဝေးကွာအောင် လုပ်သလိုဖြစ်ခဲ့တယ်။ "