Right Time wrong Identity (COMPLETED)

Chapter 6

Dedicated to; Mysterial_Moon

Pahapon na at napag pasyahan kong lumusong na sa tubig. Kulay asul parin ang langit pero hindi na gaanong  mainit. Kahit hapon na  marami paring naliligo , iba ibang tao.

Tuwang tuwa ang mga kaibigan ko ng lumusong ako. Puros asaran at daldalan parin kahit na naliligo na. Maraming naka swimsuit na babae  ang napapalingon sa mga kaibigan kong lalake. Hindi ko maitatanggi iyon dahil magaganda ang hubog ng mga katawan nila.

Nagbabad ako buong hapon. Hindi ko tinantanan ang dagat. Busy narin ang mga kaibigan ko sa kanikanilang kwento.

Umupo ako sa buhangin ng mapagod akong makipag paligsahan sa alon. Habang tanaw tanaw ang ibang imbitado na syang naandoon sa kubo...Hindi ko alam pero hinanap sya ng mga mata ko. Nang mapagtantong wala sya doon tsaka  ko nilibot ang paningin ko.

Tumigil ang paningin ko ng makita ko sya doon sa may kalayuang  kubo. Hindi ko napansin yon kanina kasi malayo yon kumpara kung saan kami. Lalo akong nabahala ng Makita ko si Doc Ezra na nakakapit sa kanyang damit at mukang pinpigilan syang umalis.

Timing?

Hindi ko alam kung anong mararamdaman ko. Naisip kong kaya lang sya nandito ay dahil nandoon ang doktorang ito. Hindi ko alam kung anong mayroon sa dalawang yon pero nakaramdam ako ng sakit sa aking puso.

Pinilit kong libangin ang sarili ko at iiwas ang paningin sa kanya. Pero kahit anong pilit ko hindi lilipas ang isang minuto ay babalik at babalik ako.

Hanggang sa mag Gabi na. Nakapag bihis na kami at nag tipon tipon sa gitna ng bonfire sa lilim ng buhangin. Masaya lalo na ng binigay namin ang regalo namin Kay Aldi.

Hindi kami nakabili ng cake para sa kanya. masyadong malayo at kakain ng oras. Kaya regalo nalang. Binili namin  nung isang araw sa mall pagkatapos ng class.

"Here! Regalo naming mga girls"  Sabi ni Riva na syang may pakana ng kalokohang ito.

Tumatawa kami simula palang dahil alam na namin kung ano ang laman non.

"Ano to?, I'm sure nag aksaya nanaman kayo ng pera!" Tawa ni Aldi habang kuryosong kinakalog ang kahon

Totoong masasayang ang pera namin pero wala yon. Birthday nya Kaya para sa kanya talaga yon. Tandang tanda ko pa kung gaano kami katawa at kahiya nung binili namin yon. Halos mabaliw kami sa kakatanong kung saan mayroon non. Hindi ko alam kung ano nalang ang naiisip ng mga sales lady saamin.

"Come on! Make it fast! Ang daldal mo!, Open it!" Excited na sigaw ni Keli at nakahanda na ang camera. Ganon din kami.

Sandali pang tumingin ng masama  saamin si Aldi na para bang may ginawa kaming labag sa batas,  tsaka Isa isang tinanggal ang pagkakabalot ng regalo.

Kahit Hindi pa lubusang natatanggal ang balot. Tawa na kami ng tawa. May tatlo pang regalo na nakabalot galing sa iba naming kaibigan. Yun ngalang hindi kami sigurado kung seryosong regalo bayon. Alam ng lahat na kapag may birthday ang Isa walang maayos na regalo.

"I knew it! Mga kaibigan ko talaga kayo!" Sigaw ni ni Aldi at ibinato saamin ang kahon ng regalo.

Tumatawang tumayo ito at parang baliw na sumayaw sayaw habang hawak ang hindi kalakihang  teady bear na  hugis ari ng lalaki.

Tumayo kami at nakisayaw kasabay ng sigawan. Hindi ko pinansin ang paligid. Basta ang alam ko masaya ako para sa kaibigan ko.

"Stop it para kayong baliw" Maya mayay hila ni Gavin sa braso ko at pinaupo. Ganon din ang ginawa nya Kay Aldi at Riva.