Unicode
မျက်နှာပေါ် ကို အသေးစိတ်ခြယ်သ ပေးနေသည့် အပျိုတော်တွေကြောင့် ဝမ်ရိပေါ် တစ်ယောက်စိတ်ရှုပ်နေသည်။ မိန်းကလေးဟန်ဆောင်ရတာ တကယ်ကိုမလွယ်တာပဲ။ ဖန်းဖန်းကြောင့်သာ မဟုတ်ရင် သူဒီလိုဒုက္ခတွေ ခံနေရမှာမဟုတ်ဘူး။ ဟင်း..ဝမ်ဖန်းဖန်း ဆိုးလိုက်တဲ့ညီမ။
"မိဖုရား က အရမ်းလှတာပဲ"
အပျိုတော်တွေရဲ့စကားကြောင့် ဝမ်ရိပေါ် ဒေါသထွက်သွားကာ သတိမထားလိုက်ပဲ မျက်မှောင်ကြုံ့လိုက်မိသည်။ အပျိုတော်က သူ့ မျက်နှာအပြောင်းအလဲကို ကြည့်ကာ ထိတ်လန့်သွားတာကို သတိထားမိမှ မျက်နှာကို ပြန်ပြင်လိုက်သည်။
"အဝတ်အစား ကို ကိုယ့်ဘာသာကိုယ် လဲမှာမို့ ထွက်သွားပေးပါ"
"အဆင်ပြေပ ပါ့မလား မိဖုရား...မင်္ဂလာဝတ်စုံ က တစ်ယောက်ထဲ ဝတ်ဖို့ အဆင်မပြေလောက်ပါဘူး"
ဝမ်ရိပေါ်က ရှည်လျှားကာ အထပ်ထပ် ဖြစ်နေသည့် မင်္ဂလာဝတ်စုံ ကို ကြည့်ကာ သက်ပြင်းချပြီး
"အတွင်းဝတ်တွေ ကိုယ့်ဘာကိုယ်ဝတ်မယ်..ကျန်တာ မင်းတို့ ဝတ်ပေး"
"အမိန့်တော်အတိုင်းပဲ...ခစ်ခစ်..ဒါနဲ့ မိဖုရားက အရမ်းရှက်တက်တာပဲနော်..ဒီပုံစံနဲ့ ဒီည မင်းကြီးရှေ့မှာ ဘယ်လိုလုပ်မလဲ "
အပျိုတော်တွေစကားကြောင့် ဝမ်ရိပေါ် နားရွက်ဖျားတွေ ရဲသွားသည်။ ဒီညက မင်္ဂလာဦးညပဲ။ဘယ်လိုပဲ ဖြစ်ဖြစ် ဟန်လူမျိုးတွေနဲ့ စစ်ပွဲ မပြီးခင် သူကယောကျာၤးလေးဆိုတာ ရှောင်းဘုရင် သိလို့မဖြစ်ဘူး။ ဟင်း...ဒီည မူလအစီအစဉ်က အောင်မြင်ပါစေပဲ ဆုတောင်းရမှာပဲ။
...............
အနီရောင် မင်္ဂလာဝတ်စုံ နဲ့ သူရှိရာ တစ်လှမ်းချင်းလျှောက်လာနေသည့် ဝမ်မင်းသမီးကို ရှောင်းဘုရင် က သေချာ ကြည့်ရှုနေမိသည်။ အင်း...ဝမ်မင်းသမီးက လမ်းလျှောက်တာကလဲ မိန်းကလေးသိပ်မဆန်ဘူးပဲ။ အနားရောက်လာသည့် ဝမ်မင်းသမီးကို လက်ကမ်းပေးတော့ ချက်ချင်းမဆွဲပဲ သူ့ကို မော့ကြည့်လာသည်။ ဇာပဝါးအနီပါးပါးအောက်က ခပ်ရေးရေးမြင်နေရသည့် မျက်ဝန်း တွေစူးရဲလွန်းလှသည်။ သူစူးစိုက်ကြည့်လိုက်တော့မှ မျက်လွှာကို ပြန်ချကာ လက်ပြန်ကမ်းလာသည်။ ဆုပ်ကိုင်လိုက်မိတဲ့ လက်ဖဝါးပြင်ဟာ တခြားမိန်းကလေးနဲ့ မတူ နူးညံ့မှု့မရှိပဲ ကြမ်းရှရှ ဖြစ်နေသည်။ ထူးဆန်းလိုက်တာ။ မင်းသမီး တစ်ပါးရဲ့ လက်က ဘာလို့ မနူးညံ့ ရတာလဲ။
