بنات حجي عمران الفصول الاربعة

البارت الثالث

#بنات_حجي_عمران
#الفصول_الاربعة
#للكاتب _ محمد_ ابو جود
#البارت_الثالث

- موش انته البالي ولا انته المقصود ،
- مدري شلون رهمت وانته صرت انته !

- عطا السعيدي ،

سمر : كنت متمددة ع الجرباية دخلت حنين وجهة اصفر

حنين : اكلج سمر شو البنات ما اجن اتأخرن انتن مو طلعتن سوا

سمر : رفعت راسي و كلتلها لحد هسة ما وصلن

حنين : لا ماكو و اني موبايلي بس ترميشة ردت ارمش على سحر يطلعلي مغلق

سمر : كمت من الجرباية مخروعة سحبت موبايلي اتصلت على سحر مغلق

رجعت اتصلت على نور دك بس رفضتني سمعت صوت السيارة بالباب شفت من الشباك البنات وصلن نزلت ركض لكيت بس عمة فردوس بالمطبخ دخلن البنات قبل لا احجي حجت فردوس

فردوس : صدك جذب وينجن اتأخرتن كلوبنة طاحت

نور : بعد ما نزلت سمر من السيارة و اخذت تكسي و راحت ضليت اسوق صفنت معقولة مبين علية اني احب حيدر رغم اني ما حاجية لاحد عليه ضليت افكر بيني و بين نفسي و ما حسيت الا لمن انكلبت دراجة كدامنة و سحر صرخت حيل فوراً وكفت السيارة و متت رعب من شكل الولد الانكلب لان تفلش تفليش
شغلت السيارة و وكفت على جهة ما كدرت اسوق جسمي يرجف رجعت راسي ع الكشن اجر نفسي

سحر : عزا العزاهم يتخبلون بهل دراجات و هاي تاليهة شوف حتى موبايلي وكع مني انوب طفى حظي ما يشتغل

نور : جريت نفس و شغلت السيارة بعد ما ضلينة واكفات بالعشر دقايق سقت على كيفي لان بعدها الخوفة بية وصلت للبيت اتصلت علية سمر انطيتهة رفض

فردوس : يلة الحمدلله على سلامتجن لا تحجن لامجن هسة تاكللها رعبة ع الخالي بلاش

سمر : واكفات بالمطبخ و دخل ابوية و قيصر ما حسسناهم بشي سلمو و دخلو جوة كعدنا نجهز بالزلاطة و الخظرة قبل لا يجون عمامي رحنا صلينة اندكت الباب راحت عمة فردوس فتحتة سمعت صوت بيبي لبابة و عمامي حازم و صبري جوة نزلن البنات سلمن و اني شوية و نزلت جانو كاعدين بالصالة

سمر : حي الله لبابة ست الصباية و زينة الشباب

حجية لبابة : خايبة ميلي تضحكين علية

سمر : لا يعمري ترى صدك بعدج شباب كل عمرج 80 سنة

الكل : هههههه بطلي مداهر

سمر : رحت سلمت على عمو صبري طبيعي و رحت لعمو حازم كلت هلا بحزوم اشلونك

عمي حازم : ولج عمج اني مو صديقج

سمر : كعدت بصفة و حضنتة كلتلة شعندي غيرك لو يصير جان دزيت عمامي يخطبونك

عني حازم : طيح حظج على هل سالفة الفاكسة