بنات حجي عمران الفصول الاربعة

البارت 25

#بنات_حجي_عمران
#الفصول_الاربعة
#للكاتب _ محمد_ ابو جود
#البارت_الخامس_و_العشرون

, والله نذراً عليه لو عادُوا  او رجعُوا لـ ازرعـ طريق المقابر ورداً و ريحاناً ,

سمر : ضلت نور داخلة غيبوبة تسع ايام و الاطفال عايدة ترضع اميرة ويا جنة و ثناء عدها ولد عمرة سنة و نص فرضعت امير ويا ابنها تسع ايام حالنا حال خوف و قلق

لحد اليوم العاشر واكفة بالمستشفى اني و بهاء و الياس لمستني نسمة هواء باردة دقايق و طلعت الدكتورة

الدكتورة
" البقية بحياتكم نور ماتت "

اني و بهاء و الياس ضلينا صافنين ع الدكتورة ثواني و كسر حاجز الصمت بهاء

بهاء حجة بهمس
" ش شنو "

الدكتورة
" سوينا كلشي بيدنا لكن ارادة الله اكبر "

بهاء ركض لغرفة نور و الياس لحكة اتقدمت بخطوات ثكيلة لحد باب الغرفة شفت بهاء يهز بيها و يصرخ و الياس كامشة

بهاء
" نور لاا لا لاااااااا نوووور منو لاولادج كومي انتظرتج كل هاي السنين حتى تصيرين حلالي كوميييي نوووور "

رجعت خطوات ليورة و مشيت بالممر بعيد عن نور و بعيد عن صرخات بهاء امشي و اني صافنة و تايهة طلعت خارج المستشفى امشي جثة بلا روح انضربت بواحد بالشارع و طحت للكاع على وجهي ركضن بنات اثنين كومني عفتهم و مشيت و اني صافنة بخطوات تعبانة ثكيلة امشي بلا وعي و بلا أنتباه و كلام الدكتورة يتردد بأذني يتردد كلامها القاسي على مسامعي

البقية بحياتكم نور ماتت

مشيت لحد ما وصلت البيت عمي حازم المستشفى قريبة عليهم دكيت الباب فتحتة ورد

ورد
" هسة ردت اجيكم للمستشفى شنو اخبار نور "

ما رديت عليها طبيت للمطبخ ما لكيت احد مشيت لغرفة بيبي كلها كاعدات يمها

ورد
" شبيج سمر صاير شي "

دخلت لغرفة بيبي كلها باوعتلي خالة منيرة عمة فردوس ام بهاء ثناء عايدة جوري سحر ام رسلان كلها باوعتلي و يمكن شكلي خلاهم يخافون يسئلوني وكفت كدام بيبي و طحت على اركبي ركضن علية كلهن

عمة فردوس
" ولج سمر شبيج لا تهدين حيلي "

حطيت راسي بحضن بيبي و كلت
" لعد و اني الي انهد حيلي و عمري "

جوري بجت و كالت
" سمر نور شبيها "

سمر
" راحت راحت تلم شملها بامي و ابوية و بنتها زهراء عافت اثنين اولاد لخاطر تنجمع بزهراء بنتها "

كلها ضلت تعيط و عايدة تخربطت اني صفنت كل الي جنت اريدة بوقتها يرجع بية الوقت لـ 2010 يوم عقد ورد اتمنيت يرجع هل يوم الا ابقى بالبيت ويا اهلي و اموت وياهم و لا هل حزن و القهر