#بنات_حجي_عمران
#الفصول_الاربعة
#للكاتب _ محمد_ ابو جود
#البارت_العشرون
سمر : غلست ما نزلت خاف اترزل من عمو حازم ضليت فوك ثاني يوم يلة نزلت و سويت نفسي ماكو شي هههههه بس كان بالي يم نور خاف شدو وياها هناك
كلت لسحر
"اتصلي على نور شوفي الاخبار هناك شكو ماكو"
اتصلت عليها سحر
سحر
اتصلت على نور بس بالكوة كاتمة الضحكة شوية و ردت علية
نور
"هلو حبي سحورة "
سحر....
"اشلونج نورة بس حبيت اسئل شخبار الوضع هناك ابيت صبري"
نور "اسكتي يمعودة انتن فتحتن باب لحرب طاحنة ما اضنها تخمد بين جليلة و سمر"
سحر "ههههه بس خرب متت من الضحك البارحة شنو من عركة صارت ذابح و مذبوح"
نور "اكلج شنو قصدها جوري من كلت لعمو صبري انتبه لتربية جلال"
سحر "ما ادري ليش صاير شي"
نور "لا هيج بس اكو حسبة ابالي"
سحر "ما ادري والله بس شنو الي ابالج"
نور "مو مال تلفون كون نكعد يلة نحجي"
سحر : ضلينا نحجي شوية اني و نور و سديتة من عدها و سمر جانت مخلية اذنها يم الموبايل
كلتلها
" جوري قصدها شي من كالت لصبري ربي جلال ما ادري انتبه لتربية جلال "
ردت سمر
"لا ما قصدها شي ليش "
رديت
" سمر والله بديت اخاف منج لا تلعبين شاطي و باطي ترى لو صارت مشكلة بسببج زحمة تصير بوجه عمو حازم "
ردت سمر
" ترى ما عندي شي شبيج"
سمر : اتوترت من سؤال و صعدت اول ما دخلت للغرفة كلت لجوري
"اكلج ترى سحر و نور مخليات ابالهن كلمتج من كلتي لصبري خلي التربية لابنك جلال شوفة شمسوي "
ردت جوري
" اووووف لج ما جاي تدخل عقلي جلال مسوي علاقة ويا سكينة مرت اخوه "
سحر : عزا و صخام شنو هل كلام
سمر : درت وجهي لكيت سحر واكفة بالباب و ايدها على خدها
كلتلها
" سحر تعاي ادخلي افهمج الموضوع لا تخبصينها علينا "
ردت سحر
" يمعزايات شتفهمني ولجن جلال بعلاقة ويا مرت اخو يمة ربي سترك انتن متأكدات "
جوري : بديت احجيلها كلشي اشلون من طلعت و شفتهم بوضع مخزي
سحر : فاتحة حلكي على كلام جوري حسيت نفسي اختنكت الهوى ضل ما يدخلي اختنكت حيل جريت دشداشتي من يم صدري شكيتها اريد بس اتنفس اشكد ما اختنكت الدنيا افترت بية طحت من الجرباية للكاع تخربطت و لا متوقعة هيج الاخ يسوي باخو معقولة وصلنا لهل دنائة النفس
YOU ARE READING
بنات حجي عمران الفصول الاربعة
General Fictionبنات حجي عمران الفصول الاربعة رواية تحمل في داخلها اسرار و كثير من الطيات
