بنات حجي عمران الفصول الاربعة

البارت 19

#بنات_حجي_عمران
#الفصول_الاربعة
#للكاتب _ محمد_ ابو جود
#البارت_التاسع_عشر  

يلتمن علية مشتتات البال و انفضهن نفض و انهض ولا جني

انا مو عريان و انفضهن نفض و انهض ولا جني انا التمن علية مشتتات البال خذن ثلثين عمري و كبرن سني

سحر : شويا و راحن النسوان و ام رسلان كل شويا تصلي على محمد و للعصر اجة حيدر اخذ نور و ورد هم اجة فؤاد اخذها صعدنا فوك لليل دك موبايل سمر ردت عليها شوية و كامت و لطمت على خدها و هي تحجي بالتلفون كالت

سمر : ولج منين حامل يمعزاية

سحر : شكو منو هاي

سمر : هاي المعزاية نور حامل

سحر : يا عمري انطينياها ... اخذت الموبايل من سمر و حجيت ويا نور و اثنينة نبجي كلتلها بيت صبري فرحو

نور : ولج لو شايفة حيدر حتى نزلت دموعة والله من الفرحة و خالتي جليلة حتى هلهلت ولج فرحانة ولا توقعتهم هيج يفرحون

سحر : اي يا عمري الف الف مبروك الله يكومج بالسلامة

سمر : صافنة على سحر و هي تبجي من فرحتها ما ادري اني فرحانة لو لا بس اتمنيت نور حامل بس كون من واحد محترم زين مو حيدر بس شسوي ما بيدي حيلة نزلت كلتلهم كلهم فرحو و عمو خابر نور و من واحد لواحد يباركولها و كلها فرحانة ثاني يوم عمو حازن سوا عزيمة ع الغدا بهل مناسبة عزم بيت صبري

سحر : راح يجون بيت صبري عيب سلمي عليهم

سمر : والله ولا اسلم و الا عناد و اكسر عينهم يجون و اوكف كدامهم و ما اسلم و ان شاء الله بحق العباس كون جليلة تذبلها حجاية علينا الا اكتلها

عايدة : هههههه لا ولج زحمة لخاطر نور سلمي عليهم بعدين ترى السالفة راحت و انست

سمر : اني ما نسيت

سحر : خرب بليسج اذا تقفلين

سمر : ثاني يوم اجو بيت صبري عمو حازم جان طالع هوا و جعفر اتقصدت وكفت بالمطبخ دخلو كلهم سلمو ما رديت السلام عمو صبري كال

عمو صبري : اشلونج بابا سمر

سمر : باوعتلة بطرف عيني و درت وجهي و كلت اذا مرتك و ابنك البجر كدامي اشلون اكون

سكينة : شنو هل اسلوب بالكلام المفروض عندج أخلاق من تحجين ويا عمج

جوري : عاد الا انتي ينطيج العافية لا تحجين بالاخلاق معروفة و مفضوحة خلي الطابق مستور

جليلة : صدك ما عدجن ادب اثنينجن يا ما تستحن

سمر : جلولة شنو رأيج نتعارك انتي و سكينة و اني و جوري و نشوف منو يكتل

فردوس : يا سمر شبيجن جورية كافي

جوري : والله عاد اني محروك گلبي اريد اغسل العار