بنات حجي عمران الفصول الاربعة

البارت 11

#بنات_حجي_عمران
#الفصول_الاربعة
#للكاتب _ محمد_ ابو جود
#البارت_الحادي_عشر
#ما_حدث_في_سنة_و_ثلاث_اشهر

مرات العيون البارده تأذيك
مو شرط التحبه عيونه حراگه
وانه بجرفك البارد ضعت دمعه بريح
مثل گلبك الضيع گلبي بفراگه .

نور : ضل الكل كاعد للصبح محد نام ثاني يوم محد تريك بس جاي يشربون شوية و اجو شيخ بهاء و زلم من العشيرة كبار تقريبا بيهم 15 رجال

سمر : من اجة شيخ بهاء و الزلم جنة مخبوصين بالجاي صينية تروح و صينية ترجع و بالكوة متحملة اشوف حيدر كدامي

اجة جعفر اخذ صينية جاي و بيبي لبابة كلتلة صيحلي احمد ابن بدرية شوية و اجة احمد

احمد : ها جدة صحتيني

بيبي لبابة : جبت الي كلتلك عليه

احمد : اي جبتهن

بيبي لبابة : حد موسك زين يا احمد

احمد ابتسم و كال اي جدة تدللين الف طلب مثل هل طلب

سمر : راح احمد دخل للأستقبال شوية و اندكت ألباب ركضت من شباك المطبخ اشوف منو اجة انصدمت والله من شفت كدامي منهل و ربيعة و باسم و ولد باسم  4 شباب مشوربين و ولد جاسم 5 شباب

درت وجهي الزلم كلها طلعت من الاستقبال و ما خلو منهل و لا الولد يدخلون للأستقبال خلوهم واكفين بالحوش اجت بيبي لبابة و طلعت للحوش تمشي على عكازتهة وكفت كدام منهل و كلتلة

(( طبعاً قسماً بالله كل الي مكتوب حقيقة وصلني من البطلات مع ادلة و القصة كلها حقيقة 100‎%‎ ما ضفت اي شي خيالي))

بيبي لبابة : ها يمنهل هاي تالي الخوة ابنك يكتل ابني ... ضلو ساكتين محد حجة شي

كلنا البنات ضلينا واكفات ع الشباك نباوع و عماتي لبسن عبيهن و طلعن للحوش

بيبي لبابة صاحت يلة يا احمد سوي الكلتلك عليه و انت يا سامي جيبلي نعال الحمام

راح سامي جاب نعال الحمام لبستة بيبي و احمد راح للدراجة مالتة طلع منها علاكة فتحها و طلع شفرة موس و اجة وكف كدام منهل و باوع لبيبي

بيبي لبابة : ابدي بعد امك ابدي

سمر : نباوع من الشباك اشلون احمد زين شارب منهل بالموس كلش جلد وجهة انوب زين شارب باسم و زين شارب ولد باسم انوب ولد جاسم كلهم زلم بيت منهل جردهم من شواربهم

شيخ بهاء : هذا اول عقاب الكم اي واحد من بيت منهل نلكة فد يوم بوجهة شارب ينكتل لان الشوارب للزلم مو الكم

بيبي لبابة : تقربت على منهل و جرت عكالة و ذبتة بالكاع و داست عليه بنعال الحمام

بيبي لبابة : هذا مقدار و قيمة عكالك يا منهل