Unicode
ဒီနေ့တော့ နေရီက ညို့ကို ခေါ်ကာ ဗိုလ်ချုပ်ဈေးထဲ အတူတူဈေးဝယ်ထွက်ဖြစ်ကြသည်။
" ညိုက အသားနည်းနည်းညိုတော့ အသားဆောင်အောင် ဒီအဝါရောင်လေးယူလိုက်မယ်နော်"
" ဒီအဖြူပွင့်လေးလည်းယူဦးမယ် ။ ညိုနဲ့ဆိုသိပ်လိုက်မှာ"
"ဒီအနီရဲရဲလေးလည်း လှတယ်မလားညို ၊ တို့နှစ်ယောက်ဆင်တူဝတ်ရင်ကောင်းမလား၊ နွားလိုက်ခွေရင်တော့ လွတ်အောင်ပြေးမှဘဲ "နေရီရီက အထည်ဆိုင်ထဲက ပိတ်စတွေကို ဟိုဟာဆိုလည်းညိုနဲ့လိုက်တယ်ဆို ဝယ်လိုက်၊ ဒီဟာဆိုလည်းညိုနဲ့လှတယ်ဆိုဝယ်လိုက်နဲ့ ညိုလက်ထဲမှာ သူ့လက်ထဲမှာပါ အထုတ်အပိုးတွေပြည့်နေပြီဖြစ်သည်။
" ညို ဒီအညိုလေး.."
"တော်ပြီလေ နေရီရယ်။ ညို့အတွက်က ဒီလောက်မလိုတော့ပါဘူး။ တစ်ဆိုင်ဝင်တစ်ဆိုင်ထွက် ဝယ်ထားတာတွေလည်း ဒီလောက်တောင်များနေပြီဘဲကို "
"အို ညီမလေးကလည်း မမက စေတနာနဲ့ဝယ်ပေးတာကို ဘာလို့ငြင်းနေရတာလဲလို့"
" ဟုတ်သားဘဲ ၊ စီက ညီမလေးကလည်း၊ ကိုယ့်အစ်မက စီတနာနဲ့ဝယ်ပေးတာဘဲ၊ ဝယ်ပေးတုန်း ယူသာယူထားလိုက် ၊ ဝတို့များ စီလို ရုပ်ချော သဘောကောင်းအစ်မမျိုးလိုချင်စမ်းပါဘိ ဟဲဟဲ" အထည်ဆိုင်ပိုင်ရှင် တရုတ်ကြီးက ဘေးနားက သွားအဖြီးသားနဲ့ ဝင်ပြောသည်။ ဈေးသည်တို့သဘာဝအတိုင်း နေရီ့လို အဝယ်ကြမ်းသည့် ဈေးဝယ်သူဆိုအကြိုက်ပေါ့။
" အေးလေ အေးလေ ၊ မမကကိုယ့်ညီမလေးကို ချစ်လွန်းလို့ အများကြီးဝယ်ပေးဦးမှာ"နေရီ့မျက်နှာ ပြီတီတီ ပြုံးစစကိုကြည့်ရင်း ညိုကတော့ မျက်စောင်းသာ အခါခါထိုးလိုက်တော့သည်။ လူကြားထဲမှာသာ မဟုတ်ရင် နေရီ့လိုပြောရဆိုရခက်တဲ့ မိန်းကလေးကို ဗိုက်ခေါက်ဆွဲလိမ်ပစ်လိုက်ပါတယ်။
တစ်ဆိုင်ဝင် တစ်ဆိုင်ထွက် ဈေးဝယ်လို့ဝသွားသည့်နောက် သူတို့ ဗိုလ်ချုပ်ဈေးထဲကခေါက်ဆွဲဆိုင်မှာ ဝင်စားဖြစ်ကြသည်။
" ညို ပါးစပ်ဟလေ အာ.."
" ဟာ နေရီကလည်း မဟချင်ပါဘူး။ ဘေးနားမှာ လူတွေနဲ့ကို ရှက်စရာကြီး"
YOU ARE READING
နေညိုအမီ ဒေစီတစ်ပွင့်ပျိုးခဲ့သည်(ေနညိုအမီ ေဒစီတစ္ပြင့္ပ်ိဳးခဲ့သည္)🌼
RomanceCompleted Myanmar GL Story🌼 ကျွန်မဟာ သံသရာတကွေ့မှာ ညို့မျက်ဝန်းနက်နက်တွေထဲခြေချော်ကျခဲ့ဖူးပါသည်။ -နေရီရီ(၁၉၆၂) Completed Myanmar GL Story🌼 ကြၽန္မဟာ သံသရာတေကြ႕မွာ ညို႔မ်က္ဝန္းနက္နက္ေတြထဲေျခေခ်ာ္က်ခဲ့ဖူးပါသည္။ ...