ليتنا بعد فراق.. نلتقي 🖤✨

البارت الاول 🖤✨

ليتنا بعد فراق.. نلتقي 🖤✨
البارت الأول🖤
*ولا سامع ولا راضي واقوله هموت يقول عادي وبيحسسني بذنوبي وبيفكرني بالماضي ولو يديني فرصه كمان هيرجع قلبي زي زمان قولوله سماح*
@ هي اغنيه تحترم وكل حاجه بس انا مهزأه اني جيتلك اصلا
_آيه والله ما نقصاكي
@ نكد.. نكد صبرني يارب
_آيه!!
@ يعني هو ينكد عليكي تيجي تنكدي عليا
_لو عاوزه تمشي امشي بس شوفي مين هيعزمك على بيتزا بكره
@ اثبتي مكانك لتولعي وربنا ابدا اسيبك ايه بس انتي تعرفي عني كده
_انتي ابو كده يا بيبي
@ حبيبي يا رجوله
انا سلمي عندي ١٩ سنه في كلية فنون جميله
فتحت الشات فضلت اسمع الريكوردات اللي بعتهاله واللي رد عليا بيها زعق وانا اتعصبت فزعقت زعقلي اكتر ومراضانيش مع انه الغلطان وانا بينت اني زعلت بعد وهو اللي زعل
@ سلمي دي المره ٢٠ اللي تسمعي فيها الريكوردات دي من ساعة ما جيت
_بحاول اعرف انا عملت ايه يخليه م طايقني كده
@ سلمي انا بحاول اقنعك بقالي سنين بلاش سيف سيف مش بيحبك
_ليه بس يا آيه سيف جميل بس هو تعبان الفتره دي وانا لازم اتحمله
@براحتك يا سلمى عشان عارفه اني مش هعرف اقنعك
مشيت آيه وانا فضلت اسمع الريكوردات تاني
سيف جميل معرفش ليه آيه مبتحبهوش هو صحيح بيزعلني كتير ومش بيطيب خاطري قد كده ولا بيهتم بيا ولا بتفاصيل انا بس عاوزاه جمبي وخلاص ومش مشكله اي حد تاني
كلمته واتفقنا نتقابل تاني يوم على الكورنيش في كافيه على البحر
روحت تاني يوم وقعدت على ترابيزه واستنيته اكتر من ساعه ومجاش وبرن عليه مغلق
طلعت روايه وفضلت اقرأ فيها وفضلت سرحانه في البحر وهو قد ايه متقلب والموج بيخبط في الشط
=القهوه يا فندم
_شكرا
=حضرتك في حد بعتلك الورقه دي
_مين؟
=مش هقدر اقول يا فندم لأنه وصاني مقولكيش
_تمام هاتها
خدتها منه وقريتها
*تقريبا دي المره التامن اللي تيجي الكافيه هنا وميجيش هو.. وعلى فكره الروايه دي حلوه اوي كل مره بتبهريني بشكل الروايه اللي بتقريها*
هو ازاي اخد باله من التفاصيل دي وكمان اول مره راجل يقولي علي الروايات حلوه
سيف بيشوف انها كلام فارغ مضيعه للوقت وخلاص
كملت قرايه وشربت القهوه وسمعت مزيكا وروحت كلمت سيف وطبعا قال إنه مكنش فاضي ونأجلها ليوم تاني
@ وانتي سكتاله عادي كده
_يا آيه مهو اكيد مشغول
@ اون لاين ومشغول في البيت ومشغول ويتنج في نص الليل ومشغول بطلي تحطي لتصرفاته مبررات وانتي عارفه كويس انها غلط
_سيف مبيحبش النكد
@ بس لازم يتحملك
_لا مش لازم
@ لا لازم عشان مش هلاقي حد يتحمله زي مانتي بتتحمليه ولا هيحبه زي ما بتحبيه ولا تفاصيله حد هيحفظها زي مانتي حفظاها انتي ممكن تسمعيلي تفاصيل وشه ومش هتغلطي ممكن تقولي عنده كام رمش وكام شعره في الحاجب كل تفاصيله الصغيره قبل الكبيره عارفاها
_آيه انا مش هقدر اخسره قلبي معاه
@ دوسي على قلبك مره احسن مهو عمال يدوس على قلبك كل مره
_ربنا يسهل
@ ماشي يا سلمى ماشي
تاني يوم روحت نفس الكافيه على أمل أن سيف يجي
=تحبي تشربي ايه يا فندم
كنت حاطه الهاند فري ومعليه الصوت ومش سامعه
شويه وفتحت عيني لقيت كوباية قهوه بحليب وكمان معاها ورقه
*مش عارف بتسمعي اغنية ايه بس اكيد حلوه زيك برده مجاش وشكله مش جاي اشربي القهوه وكملي مزيكتك وبطلي تكشري انتي اجمل من انك تزعلي*
فضلت اقرأ الورقه كذا مره واضحك كلنا محتاجين الشخص اللي ميملش مننا ولا من زعلنا حد ميشوفش أن حزننا شئ تافه واننا بنتلكك
واخيرا بعد ربع ساعه بعد ما قرأتها اكتر من ١٥ مره ابتسمت وطبقتها وناديت على الجارسون
=ايوه يا فندم
_حضرتك انا مطلبتش قهوه ومين اللي بعت الورقه دي
=حضرتك انا ناديت عليكي فمرضتيش فجبتلك قهوه زي امبارح
_ايه ده بجد ناديت انا اسفه بس المزيكا صوتها كان عالي فمسمعتش
=ولا يهمك يا فندم
_وبالنسبه للورقه
=فهو نفس الشخص يا فندم
_طب بالله عليك قولي هو مين
=مش هينفع يا فندم هو موصيني
_طيب متشكره
=العفو يا فندم
طلعت روايه وفضلت اقرأ فيها وطلبت الحساب
=اندفع
_افندم
=والله يا فندم اتدقع
_مين اللي دفع
=موصيني مقولش
اتضايقت حاولت بكل الطرق ادفع مرضيش روحت وكلمت آيه وحكيتلها اللي حصل
@ صديقي اللي عنده معجبين سريين
_اتلهي
@ مش احسن من سي سيف اللي بيلطعك كل يوم ده
_آيه وبعدين
@ ماشي يا سلمى ماشي
بقيت كل يوم بنزل اروح الكافيه اشرب قهوه واشوف الورقه وارجع
لغاية اما في يوم لقيت ورقه مكتوب فيها
*مش ناويه ترجعي الكليه بقا وكفايا عدم نزول عشان خاطر زعلانه منه
متربطيش سعادتك بيه هتتعبي يا سلمى يلا يا بسكوته هستنا رجوعك الكليه*
@عنده حق
_انتي جايه تطبلي  وخلاص
@ لا بس انا سيباكي براحتك وده غلط سيف مش هينفع لما تجيبي كحك
_يا آيه انتي المفروض تهوني عليا مش تيجي تقطميني وتمشي
@ عشان لو هاودتك في الغلط مبقاش صاحبتك وابقا غلطانه زيك واكتر
سيف مبيحبكيش اللي بيحب حد مبيهربش منه واللي بيحب مبيمشيش ولا بيهدد بأنه هيمشي لو معملتيش كده او لو مبطلتيش تعملي كده
يعني مينفعش يقولك همشي عشان خاطر مبحبش النكد وانتي حد بيزعل كتير هو غبي لو قالك كلمه واحده كان هيهون عليكي وتضحكي وتبقى كويسه
مش ينكد عليكي اكتر وتنامي معيطه
آيه مشيت وانا عارفه ان عندها حق سيف بيتهرب وبيتهمني بالكئابه بيقولي هينهي اللي بينا لو مبطلتش الحزن مطلوب مني أقدم الاهتمام والحب وابذل طاقتي كلها وهو مش مطلوب منه يتحملني في أسوأ حالاتي
نمت وتاني يوم نزلت الكليه وبعد الكليه روحت الكافيه
=القهوه يا فندم
_تقريبا انت حفظت
بصلي وابتسم بهدوء واحراج كإنه مكسوف فعلا مكسوف
=احم عن اذنك يا يا فندم
_استنى معلش مفيش ورقه جت انهارده
ابتسم نفس الابتسامه
=ليه يا فندم
_اصلي اتعودت
=لسه يا فندم مفيش حاجة
مشي وانا طلعت ورق وابتديت اذاكر لغاية اما يأست أن في ورقه ممكن تيجي
طلعت وخلاص كنت على باب الكافيه
=استنى يا فندم
_ايوه
=اتفضلي الورقه
_شكرا
خدتها وضحكت بدأت اقرءها
*مبسوط انك رجعتي الكليه تاني لو عاوزه تعرفي مين اللي بيبعتلك الورق ده اطلعي اتمشى على الكورنيش شويه *
بالفعل طلعت اتمشيت على الكورنيش
=بس بس
_انت
=تفتكري كان في حد تاني هيكتبلك غيري
#يتبع