ليتنا بعد فراق.. نلتقي 🖤✨

البارت التالت 🖤✨

ليتنا بعد فراق.. نلتقي 🖤✨
البارت التالت🖤✨
_انت صاحب الكافيه يا رعد
=اها
_طب وبتشتغل ويتر فيه ليه
=عشان انا اول ما عملته كنت انا اللي شايله بس لوحدي
_طب وعملته ليه
=انا كنت لسه شاب صغير حديث التخرج مش عارف الاقي شغل تبع مجال دراستي لحد ما الحمد لله قدرت افتح الكافيه وشويه بشويه قدرت اشتغل في شركة ادويه كبيره الحمد لله
_الحمد لله انا مضطره اروح عشان اتأخرت
=استنى اوصلك
_لا مش هينفع خليك انت
=انتي عبيطه الوقت اتأخر على انك تروحي لوحدك
_حاضر
فضلنا نتمشا واحنا ساكتين كل واحد سرحان بهمومه اللي فيها
_تعرف ان سيف عمره ما وصلني يا رعد
=ايه ده ازاي
_كان دايما يتحجج بإنه مشغول أو ينهي الخروجه بنكد عشان يبقا يعني مخاصمني وزعل فمشي
رعد الدم كان بيغلي في عروقه وهو بيتخيلها مروحه لوحدها وهي خايفه أو لو حد عاكسها وغيره
فضلنا ماشيين وصلنا على أول شارعي فوقف وانا كملت استنا لغاية اما دخلت عمارتي وهو روح فضلت طول الليل افكر فيه وافكر قد ايه حنين وجميل وجنتل مان في نفسه
سيف كان بيرن عليا
_ايوه يا سيف
&برن عليكي كتير مبترديش ليه يا بتاعه انتي
_انا بتاعه يا سيف
&متغيريش الموضوع
_انت ازاي تكلمني كده
&انا اتكلم زي مانا عاوز واتصرفي انا عاوز فلوس
_فلوس ايه
&شغلي مع اخويا يا روح امك بدأ يتصفا عشان خسرت ومحتاج فلوس انتي لسه هتعملي تحقيق اتزفتي اتصرفي بيعي اي حاجه وابقى ابعتيلي فلوسها غوري
قفل السكه وانا مصدومه من طريقة كلامه معايا
=ده اكيد اتجنن وانتي سيبته يكلمك كده ازاي
_يا رعد مهو
=رعد ايه وزفت ايه أنتي مش طبيعيه بعد ده كله بتقدميله مبررات
رعد بص لايدي بصدمه ودهشه
=لا فعلا اتجننتي انتي بعتي الخاتم يا سلمي انتي عبيطه يا سلمى تبيعي دهبك ازاي ده راجل يعني لو هو راجل بجد يعني مش سوسن مياخدش من حريم فلوس هو عبيط
_يا رعد مهو لازم اساعده
=تساعديه تقفي جمبه وبس مش بفلوس الراجل اللي بجد مياخدش فلوس من حبيبته مراته أو خطيبته هو مش راجل اصلا
_يا رعد
=انتي بعتي الفلوس ولالا
_لا لسه هروح ابعتهم
=اقسم بالله لو اتحركتي من هنا لأكون موريكي وشك عمرك ما شوفتيه في حياتك
بصراحه خوفت من نظرته رعبتني عينه كانت مضلمه وعروق رقبته بارزه من العصبيه
_طب الحل ايه دلوقت يا رعد
=تعالى معايا من غير ولا كلمه
مشيت معاه فضل يسألني على مكان الجواهرجي لغاية اما روحنا
*اهلا وسهلا يا باشا اي خدمه
=حضرتك المدام لسه بايعه خاتم وعاوزين نسترده
*خاتم ايه ولامؤاخذه
فضلت اوصفله الخاتم فطلعه ليا وخدته
*كدا يبقا سعره ٢٨٠٠ يباشا
_٢٠٠٠وايه انت يا حضرت مش لسه واخده مني ٢٣٥٠ بقا كل ده
*يا مدام احنا بنعاملك دلوقت انه جديد
_انت مجن...
=خلاص يا سلمى اتفضل حضرتك الفلوس ولمعه وخليه جديد بقا مدام حضرتك قولت
نظرة رعد للراجل مخلتهوش يفكر راح جاب الخاتم بعد ما لمعه ونضفه لبسته وطلعنا
_ده مفتري
=عادي يا سلمى
_طب خد دول وعلى ما اجيبلك باقي. فرق السعر
=فرق سعر ايه انتي عبيطه
_لا ابدا مينفعش
=ربنا يسهل يلا روحي انتي بقا
_طب لو سألني
=قوليله معرفتش انزل
_حاضر
روحت وسيف كلمني بليل
&فين ام الفلوس
_معرفتش، انزل
&وانا مالي انا مش قولتلك عاوز الفلوس
_انا بحاول اساعدك بس معرفتش
&اللي عاوز يساعد بيساعد بس ما علينا
_قصدك ايه
&مقصديش انا هاخد فلوس من واحده صاحبتي اما انتي بقا فهاخد منك بس مش فلوس
_انت بتقول ايه هتاخد مني ايه يعني
&اللي مش هتعمليه بمزاجك هخليكي تعمليه غصب عنك
صورك اللي كلها معايا اللي كنتي بتبعتيها بمنتهى السذاجه وانتي في البيت هتنور اكونت اخوكي قريب خليه يشوفها ويتفرج
_ اه تمام
عملتله بلوك من كل حاجه وبعتلي رسايل تهديد كتير
_رعد الحقني
=في ايه يا سلمي
_انا......
#يتبع🖤