ليتنا بعد فراق.. نلتقي 🖤✨

البارت الرابع🖤✨

ليتنا بعد فراق.. نلتقي 🖤✨
البارت الرابع🖤✨
حكيت لرعد اللي حصل وبدون أي مقدمات قفل الخط في وشي
فضلت اعيط طبيعي يعمل كده مكنش لازم اقوله واطلب منه يساعدني
لقيت إشعار منه
=ابعتيلي رقمه
_ليه
=انا قولت ابعتيلي  الرقم اخلصي
_حاضر
بعتله الرقم فضلت على اعصابي لغاية الساعه ٢ بليل وانا خايفه اخويا عاملني طبيعي ومفيش حاجه وكل ما اسمع اخويا بينادي بترعب
لغاية اما كنت قاعده على السرير ولقيت رعد باعتلي
=الصور اتمسحت متقلقيش وخلي بالك بعد كده الموضوع عدا متضايقيش خلاص
_شكرا يا رعد شكرا بجد
=العفو يا أنسه سلمي
_أنسه سلمي ايه يا رعد
شاف ومردش فضلت اسبوع مستنيه يكلمني مكلمنيش اون لاين ومبيشوفش رسايلي كان اسبوع سئ وكنت دبلانه قررت البس واروح الكافيه
دخلت قعدت على الترابيزه وطلعت الهيد فون وبدأت اسمع اغاني صوت تامر عاشور كان مالي كل خلايا جسمي
*بقول عادى انا المره دي مش فارق معايا رجوع انا كويس ولا ببكي ولا موجوع *
*وموضوع الرجوع مقفول ملوش لازمه بقول عادى لكن بصراحه انا بكدب ومش مرتاح فراقك عدا على قلبي كإنه سلاح *
*قتلني ببطئ وغيابك طلع ازمه*
لقيت رعد شد الكرسي وقعد قصادي
*ومهما ببان كويس أو طبيعي وبعده ريحني مجرد سيرته ما بتيجي قصادي الشوق بيفضحني وباخد بعي وامشي وببص بلاقيني مشيت في طريق بقولك فيه بتوحشني*
عيطت كان فيا تعب العالم كله ساعتها سيف إللي كسر قلبي وكمان رعد توقعت انه هيقف جمبي لكنه هرب اختار يهرب زي ما الكل بيعمل قام وسحبني لحضنه وفضل يهدي فيا مسكت فيه وتبت بهرب منه ليه معرفش ليه
=خلاص بقا كفايا عياط ممكن
_ابعد عني يا رعد
=مش هبعد يا سلمي
_انت بعدت سيبتني اسبوع بحاله وانت عارف اني هتعب يا رعد اختارت تمشي
=مكنش ينفع افضل
_ليه يا رعد
=كان لازم اسيبك تواجهي وجعك ده لوحدك لأن ياما حذرتك وصاحبتك حذرتك الكل حذرك من سيف بس انتي اختارتي تكملي يبقا وجعك لازم تتحمليه عشان تبقي أقوى وانا كنت بطمن عليكي من آيه
_ماشي يا رعد
=خلاص بقا متبقيش قموصه
_انا هقوم امشي يا رعد
قومت سيبته ومشيت بسرعه مكنتش عاوزاه يلحقني فتحت الفيس وكتبت بوست
*غيابك طال وبتقطع وعمري في مره ما ببين واقول ناسي و إبان ناسي وانا حنين طريق ومشيته من غيرك مكملتوش بقيت واحد في بعدك حتى معرفهوش*
=لسه بتحنيله
_عمري ما احن لحد اذاني
=اومال ليه كنتي دبلانه
_طبيعي ادبل بعد اللي شوفته
=مش عشانه
_في جزء عشانه وجزء تاني عشان انت بعدت
=معلش يا سلمى
_عادي يا رعد كده او كده انا بعدي الصعب كله لوحدي فأنت لا اول الناس ولا اخرهم
=يا سلمى افهميني
_سلام يا رعد تصبح على خير محتاجه انام
=وانتي من اهل الخير يا سلمى
_سلام
=سلام
هو اكيد بيهزر أو بيستهبل انا مش طيقاه انا غلطت بس مش لدرجة انه يبعني يعني ده ايه الرخامه دي انا هروح انام بلا هم
نمت وانا بطق شرار كده صحيت تاني يوم لبست ونزلت الكليه
@ صديقي الإنسان
_صديقي الحيوان
@ وه في ايه يسطا
_آيه انا مش طايقه نفسي الله يباركلك
@ في ايه يا بنتي بتتخانقي مع دبان وشك ليه كده
حكيتلها اللي حصل وطبعا فضلت تضحك
_تصدقي وتأمني بالله
@ لا إله إلا الله
_امك معرفتش تربي
@ ليه بس يا بنتي
_عشان انتي مهزأه يعني انا بشتكي ومتعصبه وكمان بتضحكي
@ مانتي اللي شكلك يضحك انا مالي
_طب يلا يا اختي على المحاضره يارب نتخرج بقا انا زهقت
@ يلا يا ست حلويات
حضرنا المحاضرات عادي جدا واليوم كالعاده كان ممل
_انا عاوزه اخرج
@ خلصانه نخرج
_ تعالى نشتري عصير قصب ونقعد نشربهم على الرصيف
@ يلا
* القاعده مع حد بتحبه في اي مكان حتى لو الرصيف مش لازم ماك ولا استاربكس جميله جدا كفايا الضحكه اللي من القلب بلاش بهرجه وفشخره كدابه *
روحنا جبنا عصير القصب وقعدنا نهزر ونتكلم آيه روحت وانا قررت اروح اذاكر في الكافيه
دخلت قعدت لمحته واقف بعيد وبيبص كل شويه مهتمتش ولبست الهيد فون وبدأت اسمع مزيكا واذاكر
* ازاي انا توصل بيا وتوصل بيك تيجي تمشي ومسلمش عليك واجي امشي تسيبني بسرعه ومتقوليش خليك*
تامر عاشور ابدع في الكوبليه ده قلبي وجعني
* ازاي بنبص لبعضنا باستغراب وبنتقابل زي الأغراب طب ده احنا حتى محصلناش اتنين اصحاب *
شوفت سيف وهو داخل وفي ايده بنت وبيبصلها نفس البصه اللي كان بيبصهالي اول ما عرفته فضلت مركزه معاه ورعد كان مركز معايا انا مش بحن لسيف بس بحن لأيام ما كان لسه قلبي صافي مفيهوش خدوش
بصيت لرعد لقيته بيبص لسيف بغضب ومش طايق وجوده في المكان
لقيته ساب كل اللي في ايده وطلع بره بسرعه
مقدرتش اشوفه كده وطلعت وراه جرى كان واقف على البحر ومضايق حسيته مخنوق وعاوز يعيط بس كبريائه مانعه
_رعد
=سلمي
_ليه مشيت يا رعد هو اللي يمشي مش انت
=بتتكلمي على مين
_سيف يا رعد
=هو زبون زي اي زبون ملوش عندي حاجه تانيه غير أن طلباته تتجابله وبس
_ رعد انت مش شايف نفسك عامل ازاي
=مالي يا سلمى مانا كويس اهو
_انت بتضحك على نفسك
=سلمي لو سمحت روحي الكافيه
_مش همشي يا رعد انا مش بحنله يا رعد مش عاوزه اشوفه يا رعد متبقاش انت وهو والزمن عليا يا رعد
سيبته ومشيت دخلت خدت حاجتي سيف شافني بصلي بصدمه ملحقتش حتى ابصله طلعت جرى ركبت تاكسي وروحت
دخلت اوضتي وانا خلاص تعبت من الصمود ده نمت بهدومي حتى مقلعتش الشوز والطرحه رميت نفسي علي السرير ونمت فالبيت فكروا اني في غيبوبه صحيت الساعه ٢بليل كنت مصدعه شويه دخلت عملت قهوه وطلعت البلكونه وشغلت تامر عاشور
*الضحكه مش معناها دايما اني طاير من الفرح ودموعي مش مفهومها اني بحس جوايا بضياع احيانا اضحك من همومي في عز قلبي ما انجرح وغنايا دلوقت بسبب ان اللي جاي وقت الوداع*
#يتبع🖤
دول كانوا هينزلوا علي مرتين بس قولت اطوله مش مش مشكله بحبكم متنسوش الڨوت بقا🖤✨