ليتنا بعد فراق.. نلتقي 🖤✨

البارت التاني 🖤✨

ليتنا بعد فراق.. نلتقي 🖤✨
البارت التاني🖤
_طب انت تعرفني طيب
=لا بس انتي زعلانه بسبب حد ميستاهلش انك تزعلي عشانه
_بس انت اكيد تعرفني عشان تعرف اني مكنتش بنزل الكليه
وكمان عشان حوار أن في حد مضايقني
=يعني اعرف عنك حبة معلومات بسيطه
_اممممم طيب
=اعرفك بنفسي يا ستي انا رعد عندي ٢٤ سنه خريج كلية علوم
_وانا سلمي عندي ١٩ سنه في كلية فنون جميله
=اتشرفت بمعرفتك يا سلمي
_انا اكتر
=تحبي نتمشا شويه
لقيت نفسي بوافق وبنتمشي
_ممكن سؤال
=اه اكيد طبعا
_انت ليه شغال في كافيه مع انك خريج كليه كويسه زي كلية علوم
=انا بالفعل شغال تبع مجال دراستي لكن الكافيه ده هوايه كده حاجه بتسلي وقت فراغي
_اها عشان كده
=بتحبي البحر
_البحر حلو بس غدار زيه بالظبط
=هو مين؟
_سيف
=اسمه سيف
_اه اسمه سيف وعنده ٢٢سنه في آخر سنه في كلية حقوق
=ربنا معاه
_يارب يا رعد احسن انا قلقانه عليه حساه مش مهتم بدراسته
=ربنا يوفقه
_يارب رعد هو انا ليه بتمشا معاك مع اني المفروض اخاف منك
=ليه بعَض
_لا بس حد غريب
=اسكتي هو انا مقولتلكيش
_لا
=يقطعني.. مش إحنا بقينا صحاب
_يا جدع
=اه والله
بصيتله وضحكت وكملنا تمشيه فضلنا ساكتين
=هتيجي الكافيه بكره
_لوهتكتبلي ورقه ماشي
=هكتبلك ورقه حاضر.. بيعجبوكي
_اه اوي بيهونوا عليا حاجات كتير في يومي
=وانا مبسوط اوي اني بهون عليكي جزء ولو بسيط من يومك
روحت البيت وكنت مبسوطه اوي رغم اني المفروض اتضايق من سيف فضلت افكر في رعد وقد ايه هو جميل وطيب وخجول ومن كتر تفكيري فيه نمت حتى نسيت اكلم سيف اعاتبه
تاني يوم صحيت صليت ولبست وقريت ورقة من الورق اللي معايا وابتسمت ونزلت الكليه
@ إيه الضحكه اللي منوره وشك دي مشوفتهاش من زمان غريب الحب مين فاهمه
_........
@ بت يا سلمى
_ها! بتقولي حاجه يا آيه
@ لا ده انتي مش معانا خالص
_في ايه
@ بقولك ايه الضحكه اللي منوره وشك دي
_لا عادي ولا حاجه
@ عليا يا حسين
_يوه بس بقا
@ ماشي يا بنت لوكس ماشي
_😂😂هو انا بوسي ملاك الرحمه اتلمي
@ 😂😂حاسه الدكتور هيطردنا سيكه
_اه والله
@ بعد المحاضره يختي
عدت المحاضره وطلعنا وقعدنا سواه انا وآيه
@ ها سيف كلمك ولا ايه
_لا ده رعد
@  إيه ده هي بقا فيها رعد ومتقوليليش
_يا لهوي فكرتيني انا مكلمتش سيف ده زمانه قلقان عليا
توقعت هفتح الاقي الفون معلق من كتر الرسايل والمكالمات بس كالعاده خاب أملي وانكسر بخاطري لقيته باعت رساله بيقولي انه مشغول ومرنش عليه وده كانت الساعه ١١:٤٥ امبارح بليل
@ طبعا لا كلمك ولا عبرك حتي
_ ها لا بعت بس هكلمه اما اروح
@ بتكدب يا نصه هو لا بعت ولا حاجه انتي بتضحكي عليا بس مش هتقدري تضحكي على نفسك
_لا يا بنتي بعت بس مش هعرف اكلمه دلوقت يعني
@ انا هقوم اجيبلي قهوه اجيبلك
_ماشي
مشيت آيه وانا رنيت على سيف
_ايوه يا سيف
$ مش قولتلك مش فاضي انتي غبيه يا بنتي
_يا سيف مهو ده من امبارح بليل قولت اكيد زمانك فضيت
$لا مخلصتش وتعرفي تسيبيني من غير زنك
_يعني عشان بطمن عليك ابقا بزن عشان بطلب اهتمام يبقا بزن كل حاجه بعملها لا بتعجبك ولا بتريحك
$بقا ليكي لسان وبتردي عليا كمان انتي اتجننتي انتي شكلك محتاجه اسيبك عشان تتعلمي تتكلمي معايا ازاي
_خلاص يا سيف حقك عليا
$ ماشي سلام
رد ببرود وقفل كنت عاوزه اعيط اوي معرفش ليه رعد جه في بالي قمت لميت حاجتي ومشيت حتى مقولتش لآيه وهتقلق
روحت الكافيه وكنت داخله ووشي محمر وعلى وش عياط لقيت رعد بياخد اوردر من بنات قاعدين وبنات مش محترمين خالص ايه اللبس ده ايه القرف ده بس هو كان باصص في النوته وبس
لمحني وانا داخله بصتله بحزن لقيته ساب اللي في ايده وجالي نده على واحد زميله اداله النوته وشدني وخرج بره روحنا على البحر
=سلمي مالك
_مفيش يا رعد
=مفيش ايه انتي مش شايفه نفسك عامله ازاي
_مالي يا رعد انا كويسه
=وشك ده طبيعي يعني عينك اللي مليانه دموع دي طبيعيه
_يا رعد شغلك
=يولع الشغل تمام انا وانتي محدش فينا هيتنقل من هنا غير لما افهم في ايه
_سيف
بصلي بضيق
=ماله سيف
_بيعاملني كده ليه
=عمل ايه
حكيتله اللي حصل وانا باصه للبحر
=وانتي شايفه انه عادي اللي بيعمله ده وان اي اتنين مرتبطين بيحصل بينهم كده
_بس هو مكنش كده في الأول
=فرحة البدايات يا سلمى
_طب لما هو مش قد الحب خلاني احبه ليه قالي بحبك ليه
=عيل
بصيتله وابتسمت
=اه والله انتي فكراني بهزر الراجل اللي ميصونش ويحافظ على اللي بيحبها يبقا مش راجل هو مش محافظ عليكي وانتي هتضيعي منه انتي لو اتحملتي كل ده تبقى غلطانه
_بس انا بحبه
=في جمله بتقولك الحب يعني اتعب عشانك مش بسببك
_مهو مشغول على طول عشان بيكون نفسه
=سلمي بلاش تحطي مبررات كدابه ما كلنا بنكون نفسنا بس عندنا وقت مخصصينه للي بنحبهم
_يعني انت بتعمل كده
=طبعا اكيد
مش عارفه ليه اتضايقت لما لقيته قال كده بيحب يعني في واحده في حياته طيب اسأله ولا هيبقا شكلي وحش لا خلاص هيبقا شكلي وحش
_يعني انت بتحب
يا لهوي عليا معايا دكتوراه في اني اخلي شكلي شراب مبلول ومخروم كمان
=هتفرق
_لا اصلك قولتلي انك بتعمل كده فيبقا اكيد بتحب
=ملهاش علاقه الحب بيبقا متمثل في صحابك واخواتك وعيلتك وقرايبك مش لازم شريك حياتك
_عندك حق.. يا خبر الشغل يا ابني هتنطرد كده
=متقلقيش هتصرف مع المدير
_يعني تعرفه
=اه مهو أنا...وانا هو
_ايه!!!
=ايه!
#يتبع