ليتنا بعد فراق.. نلتقي 🖤✨

البارت السادس🖤✨

ليتنا بعد فراق.. نلتقي 🖤✨
البارت السادس 🖤✨
=ماله الكلام يا ست سلمي
_يا سلام انت مش عارف انت كاتب ايه
=كاتب ايه؟!
_كاتب كل يوم قابلتك فيه وكل يوم جيت فيه الكافيه وكل تفصيله حتي اسامي الروايات وكل روايه قريتها وعجبتك انت كمان فقريتها كل قهوه او عصير طلبته كل مزيكا سمعتها كل يوم جيت فيه مخنوقه من حاجه وقعدت اكتب في النوته واعيط
انت اهتميت بتفاصيل كتير غيرك مهتمش بيها
لقيته ابتسم وبان انه اتكسف قعد يبص في كل مكان حواليه معادا وشي
=طيب المهم انه عجبك هنام انا عشان عندي شغل
_تمام تصبح على خير
=وانتي من اهل الخير
نمت صحيت تاني يوم روحت الكليه وبعدين روحت الكافيه
اخدت روايه معايا والنوته وطبعا الهيد فون دخلت قعدت وبدأت اقرأ
عندي عاده حلوه لما بكون بقرأ كتاب او روايه وعجبتني جمله بنقلها في النوته واكتب اسم الروايه والصفحه
كنت بقرأ ومندمجه وطبعا البطل متجوزش البطله ولا الدنيا كانت بمبي البطله قتلت البطل
الروايه كانت قواعد جارتين
لقيته شد الكرسي وقعد
=متأثره اوي
_قتلته
=هتندم
_نديم ميعملهاش
=ده شغلها
_بس هو حبيبها فاضل علي فرحهم شهر
=مش هحرقلك احداث
بس مش كل الحبايب اتجوزوا قصتهم مكتوبلها تموت هنا
دمعت حسيت قد ايه احلام الواحد بتروح فى ثانيه عشان اختار شريك غلط او الظروف كانت صعبه او الحياه استكترت عليهم الفرح
لقيته بصلي وقام جابلي قهوه
كملت قرايه وكل شويه انادي عليه يحرقلي حبه وبعدين اقوله كفايا ويمشي يقعد يضحك لما يلاقيني بعيط عشان حصل حاجه مؤثره في الروايه
_لو هتفضل تضحك همشي
=خلاص هبطل بس انتي بتدخلي جوا الاحداث بزياده مزاجك بيتعكر بسببها او بتفرحي بسببها
_عندك حق
بقولك واحده صاحبتي خطوبتها قربت وعاوزه انزل اشتري فستان تيجي معايا
=طبعا تحبي ننزل امتي
_بكره كويس
=تمام
عدا اليوم نزلنا نشتري فستان
=لفه كمان وهموت منك
_يعني انا لقيت وقولت لا
=حاضر يا ست سلمي حاضر
وصلنا محل لقيت واحد اسود عجبني
=شوفي ده كده
لقيته ماسك واحد بيبي بلو كان قمر شكل جميل اوي خدته ودخلت البروڨه اقيس
طلعت كان متنح مبيتكلمش
_حلو
=انتي اللي محلياه هو في جمال كده
_شكرا يا رعد يلا هناخده تعالي نجيب طرحه وهيلز
=اشطا يلا بينا
............................
_لا ويت انت كده عاوز تقطم ضهري
=ليه دي شيك جدا
_انا اللي هلبس يا جدع ضهري هيلطم
=مالها بس
_دي تجيلها ١١ او ١٢ سم وكمان رفيعه انا لو لبستها هقع بيها
وبعد محاولات كتيره جبت واحده كويسه طولها كويس ومناسبه
=حد قالك تبقي قصيره
_خد ال١٨٥ سم بتوعك وامشي
=حاضر اوصلك وامشي
مشينا عدا ٣ ايام جه يوم الخطوبه
_هتيجي يا رعد.
=لا يا بنتي
_هتيجي قوم البس
=بصفتي ايه
_صاحبي قوم البس بس البليزر الكحلي والقميص اللبني والبنطلون ده والجزمه دي قوم بس
=بس يا سلمي
_رعد انت لو مقمتش انا مش هروح وهعيط
=لا من غير عياط حاضر هاجي
_هييييييه هقوم البس
فرحت ولا كإن اول يوم مدرسه وبابا هيوصلني
لبست الفستان بدأت اصورله الميكب وهو يختار معايا وانا اضحك لما الاقيه مش عارف ايه ده
=ايه ده يا بنتي انتي بتحطي روج بالعافيه طلع ده كله امتي
ضحكت وبدأت اوريله لفات طرح
اختار معايا لفه حلوه اوي لبست
=مش هتوريني الشكل النهائي
_تؤ خليها مفاجأة
نزلت قابلته
كان حلو اوي ريحة البيرفيوم اللي ماليه الشارع ايده اللى عروقها بارزه والساعه والطقم وهو محليه دقنه المحلوقه ووشه الناعم
شعره الناعم المتسرح بشكل لطيف
بصلي وابتسم
=اول مره اعرف ان المفاجآت بتبقا حلوه اوي كده
_ده من زوقك يا رعد.. استنا دقيقه
كنت عملاله حظاظه رجالي لبستهاله
_ابقا افتكرني بيها
=هفتكرك من غير حاجه
روحنا الخطوبه ودخلت سلمت علي صاحبتي وببارك للعريس
_سيف!!!!
#يتبع🖤✨
كتبتها ٣ الفجر وانا بنام علي نفسي بس مش مشكله بحبكم..بحبكم❤️