ليتنا بعد فراق.. نلتقي 🖤✨

البارت الخامس🖤✨

ليتنا بعد فراق..نلتقي 🖤✨
البارت الخامس🖤✨
لقيته بيرن عليا بصيت للفون ومرديتش معندوش زوق حد يرن على حد الساعه ٢ بليل فضل يرن كتير زهقت فرديت حاولت اعمل صوتي نعسان
_خير يا رعد في حاجه
=طب قولي سلام عليكم الاول
_رعد انا مش فيقالك انجز
=مش فيقالي ويت ايه ده بقا
_انا عاوزه اكمل نوم انت فاضي يا رعد
=خلاص طيب انا اسف اني طلعت زهقي فيكي امبارح ومكنش لازم اعمل كده
_ماشي يا رعد تصبح على خير
قفلت ودخلت من البلكونه ونمت قومت تاني يوم لبست ونزلت روحت الكليه وخلصت وكنت طالعه لقيته مستنيني بره جه عليا
=يلا
_يلا فين
=يلا على الكافيه
_لا والله
=اه والله
_والمفروض اجي معاك ليه
=عشان عارف انك كنتي هتستهبلي ومش هتيجي انهارده وهتعملي فيها مقموصه
_طب مانا فعلا مقموصه🌚
=ليه يا ست حلويات زعلانه من ايه يا سكر
_انا مش بنت اختك!
=بنت اختي اعقل منك والله
_رعد انا محتاجه امشي عن اذنك
=با سلام مهو انا مش سايب شغلي ومديري هيطلع عيني انا عارف ولسه هروح الكافيه وجايلك الكليه عشان تقوليلي همشي
_اومال اعمل ايه المفروض  يحصل
=تيجي نروح ملاهي
مصدقتش نفسي لقيت نفسى بضحك وبوافق انا فعلا بحب الملاهي رغم اني المفروض كبرت حسيت ان دي حاجه هتفرغ كل الطاقه السلبيه اللي جوايا
روحنا لعبنا كتير جابلي غزل البنات حاجات كتير
=نفسك في ايه تاني
_انا محتاجه اروح مكتبه اجيب كتب
=تعالي
روحنا جبنا روايات وقعدنا نختارهم سوا زوقنا كان شبه بعض شويه بس برده كان في اختلاف كان أول مره الاحظ الضحكه الحلوه اللي موجوده علي وشه لما بيشوفني وبيقابلني
هو فعلا مختلف وصديق كويس جدا خصوصا بعد اللي عرفه ده كله
_رعد انا لازم اروح
=طيب انا عاوز اديكي حاجه كده
لقيته جايبلي هديه وعليها مرسال وانا طول عمري نفسي فيه وطبعا حبة ورق من اللي بيفرحني عمرُعلي عمري
ضحكت وشكرته اوي اوي ومشيت
=وصلتي؟
_اه روحت
=فتحتي الهديه
_لسه
=افتحيها
فتحتها كانت ساعه وجواها صوره ليا الصوره متاخده ليا علي سهوه انا مخدتش بالي خالص بس كانت صوره حلوه اوي لقيته كاتب ورقه بالخط العريض اني مفتحش المرسال ده خالص دلوقت بس الورق اقرأه عادي
بصراحه كنت هموت واقرأ المرسال بس مرضيتش اقرأه سكت وعديت الموضوع خبيته جبت قهوه وخدت روايه من اللي جبناهم وطلعت البلكونه شغلت حبة مزيكا صوت مسلم كان مالي المكان
*علي بالي مين غيرك اه يا غالي قربك ده بيحلالي تعالالي وقولهالي اسهرلك بدل الليله ليالي حبك حلم وجاني غير حالي وحلاني*
رعد لقيته باعتلي رساله بيطمن عليا وبيقولي انه محتاج يقابلني بكره ضروري
لما سألته ماله قالي ان الدنيا مبهدله في الشغل ومحتاج يتكلم معايا
مترددتش ورنيت عليه لقيته بيرد وصوته مخنوق
_رعد
=نعم
_انا هكلمك فيديو كول
رنيت وغطيت شعري
=اهلا باللي في البلكونه
_البلكونه دي قمر استنا اوريك
وريته القهوه والرواية والڨيو بتاع البلكونه قعدت اهزر واحاول اطلعه من المود الوحش ده
=اغنيلك
_غنيلي
*جيت بهاللحظه تقلك بدي اياك اتركلك حالي وكفي عمري معاك
هيدا قراري اني اجن واصير اتنفسك انت بدل الهوا*
=قوليلي حاجه انتي
*قلب في الدفاتر تلقي الشعر بيحكي عنا فاكر ايام ما كنا بنحلم نبقا تحت ضل ساتر
قل اللي بينا بالايام وصبح كلامنا فاتر
مش لاقي حد غيرك حتى في البعاد اغازل *
=لسه بتحنيله بعد كل اللي عمله فيكي
_ابدا انا مسلمه امري لربنا وهو هياخدلي حقي وهو عنده اخوات بنات ومسيره هيتردله فيهم
=ربنا يسهل.. تحبي تقري المرسال
_استني قبل المرسال الصوره اللي في الساعه دي عملتها ازاي
=سر الصنعه مش هقولك
ضحكت قومت جرى جبت المرسال بدأت اقرأه ووقفت قدام كلام كتير وهو كان بيبصلي و ساكت
_اللي انت كاتبه ده كاتبه وانت واعي وصاحي يا رعد
#يتبع