Oops! Questa immagine non segue le nostre linee guida sui contenuti. Per continuare la pubblicazione, provare a rimuoverlo o caricare un altro.
_اللي عينطق كلمة عفشة على مرتي يبقى الجاني على نفسيه عاد
الحب مش عيب مش غلط مش حرام طالما بما يرضي الله، حبي لجاسر مكنش من فراغ لهفته عليا من أقل حاجة ومن أبسط خدش، لما يسيب كل اللي في أيده ويجري عليا أول ما يسمع صوتي ويحس إنه مش مضبوط وفي حاجة مزعلاني، لما يقف قدام الكل ويحارب عشاني، لما يلم أهل البلد كلهم لما كنت حزينة ويعترف قدامهم أنه بيحبني ومفيش ست تملى عينه غيري، لما يعمل كل ده وأكتر ازاي محبوش..!؟
_مرتك اللي فرحان بيها دي راجعة نصاص الليالي من بره ليه يا واد عمي.؟
عارفه إنهم مش بيحبوني وكانوا ضد فكرة جوازنا من الأول، بس أنا معملتش حاجة معرفش بيكرهوني ليه، كنت واقفة بعيط وأنا ماسكه دراع جاسر بستمد منه القوة عارفه إن عمره ما هيخذلني مهما حصل.
_مرتي ست البيت اهنه يا غانم تطلع وقت ماهي عايزه طالما جوزها عارف عنيها كل حاجة..وأني مش مضطر أبررلك هي كانت فين، لو فضولك قتلك جوي اشرب من البحر وملكش صالح بمرتي لا أنت ولا العقربه مرتك سنية.
جاسر اتعصب ولما بيتعصب مش بيحصل كويس نهائي غانم قرب منه وكانوا هيتخانقوا جريت وقفت قدامه
_أنا أس....
شدني لورا ومخلنيش كملت كلامي وزعقلي
_عتتأسفي إيه أنتِ يا مجنونة..عملتي إيه عشان تتأسفي عليه.. أنتِ اهنه الكل في الكل واللي معجبهوش حاجة الباب يفوت 100 جمل، دي أخر مرة أسمع حسك وأنتِ بتتأسفي من حد فاهمة ولا لأ..؟
هزت رأسي وسكت بس دموعي مش راضيه تسكت، مش عايزة أبقى سبب مشاكل بينهم مهما كان دول ولاد عم، خد ايدي وطلعنا على أوضتنا سابني وغير هدومه وشرب ميه وراح علشان ينام
_مش هتسألني كنت فين يا جاسر..؟
قادم قعد مكانه وابتساملي إبتسامة عمري ما هنساها وقالي
