ومشى الأسبوع الأول في حوشي وكان ممل، سالم أول يومين واخذ إجازة بعدها رد علشان يكمل حاجات قبل مايكمل الشهر ونسافروا، كان أغلب اليوم بروحي ومرة مرة انزل حاجة على النت ضروري الحركات هذين عاد فطوري نا والحب، وجمعتنا سفرة وحدة😍😂 حركات المشاكسين ندير فيها بالضحك ونضحك على روحي من الكساد اللي خلاني ندير هك 😊😂 ..
جاء عاد يوم اللي بنمشي لهلي يوم الأسبوع"الزورة عندنا"
الحشم مش عارفه من وين نزل عليا يومها وتيت روحي وتكى سالم خذا حاجات العشاء وتكينا على عمتي واخته وعمته ومشينا لهلي
خشيت عاد مسلسل هندي دموع وتضبيط كي نذكرهن توا نقعد بنشلفط روحي كف ليش هالشورخ مشعارفه، وتحسينا ساخنات قدام الصبايا 😂، قعمزت عاد عروس وسليمة جنبي نهدرزوا من هنا ومن هنا وماعندكش شيء حاجه في الطريق والتفاهات هذين 😄
صبيت قلت عاد نساعد خواتي خشيت عليهن
نا : خير يابنات 😌
وداد : يامرحباا
نا : هو ار يو
عبير : فاين ياإنجليزي انتِ 😒😂
نا : هات نديرلكن الشاهي"طبعا نا ناويه ندره كبدهن مش نساعدهن 😌😂"
صبيت نخبط في الدولاب ": تي اووف وين البراد
مداته ليا وداد
نبرم نبرم السكر ياعبير هاتيه
عطاته ليا
نا : اميتكم حلوا ؟ 😄😄
وداد : 😒😒😒 برا برا
نا : كنكن عاد لازم نجرب السيناريو باهِ بنسألكن سؤال والقاااني متحشمه فيه
عبير "بحتت فيا زين "شنو كنك
نا : احمم هممم عندكم ااا ياربِ حسني متحشمه والله
وداد : تي بلا طروح مافيش بينا حشم
نا : متأكدات نحكي عادي
هزن رأسهن بسرعه
صبيت احذا باب الكوجينه عارفه شن بيجيني:
هووف بنقولها وخلاص عندكم حمام ؟ 😂😂
وجرري شور الصاله وقعمزت بالبرستيج عاد وكراع على كراع وسليمه تهدرز وتحسيها انطلقت ونا كسدت زواجها كأنها طلعت من الصاله للمربوعه ولا من الدار للصاله ولا مدرعنه شنو المهم يقولوا فيها لما الوحدة تأخذ من الأقارب يعني ماغيرت شي 😩 على أساس نا واخذه براني ياعليك كلالي هذوم كنهم طولوا بالعشاء عليك عرب مراخي احم نبصر نبصر كنك ياعقلي بدور عركه حتى أنت 😒
وكمل هذك اليوم وروحنا وجو مشى عادي
في السيارة
نا : سلومه
كلهن بحتن فيا وهوا تخزرط : اوبس اوبس سلومنا مسيبينه قدام الباب حولوه ياسييلم "هك نطقتها 😄😂" كان سكتت خيرلي حصلت هزيبة سمحه وداروحنا تعاركنا بعد روحنا طبعا حيعليه يهزبني قدامهمم 😠
