قعمزنا كلينا وكملنا وغسلن وداد وحنان العوايز ونا كملت غسل الفرش وخشيت رقدت لعند المغرب
صبيت لقيت البنات بس في الصاله
سليمه تنقي في البطاطا وحنان ع التلفزيون وعبير متكيه ع بطنها تكتب ووداد مش قاعده
نا : وين وداد ؟
سليمه : مشت مع امي لجارتنا تعزي
نا : شن دخل وداد كنها امي ماكانت تاخذ فيك ؟؟
سليمه : ايست مني شكلها😂😂
نا : خزي كلبه حرام عليك كنك انتِ😒
سليمه تضحك بس نحسها واجعتها حتى نا وجعتني بس مشيت الجوو 😞😔
اتكيت ع ظهر عبير : شديري 🌝
عبير : نكتب بكره عندي تقديم
نا : اهها حسين قاعد؟
عبير : اه قاعد في المربوعه مع خالد
نا : هوووف هالبارد هذاا شن يقعد فيه
سليمه : كنك !!😞
نا : ااآآ لا شي غير نسال
حنان : كذا ياااسوو جيبيلي كبايه اميه حسني عطشانه
نا : نعم ماسمعتش راا 😒
حنان : تي فزي تاعبه را نشرت الفرش را نرده
نا : نعليااا نعليااا نحبك يابت هي توا نجيبلك تنك اميه😂
صبيت للكوجينه وخش علي خالد
خالد : هيي شديري هنا بروحك😒
نا : كنك كنت نشرب في اميه ونجيب للحنو
قرب مني وحط يديه ع جيوبي حييي علليك كان نلقاك اديري في حاجه اقسسم بالله يقعد اخر يوم في حياتك راا حذرتك
نا : كذا سكرلي فمك
خش حسين : كنكم 😒
نا : ماكنا شي طلعت
خالد : رااا حكيت ناااا
حسين : خالد سلم ولدي بلاا مرجله ع البنات عدي للشباب
طلع خالد
خش علينا حسين قعمز معانا : كنكن ياخواتي العوانز
سليمه : بحتت فيه 😒
ناا : ماادخلنيش مازلت صغيره 😌
قال : لالا الموضوع باين من عنوانه 😂 وجك مايبشرش بالخير راا
نا : تعرف تسكت ولالا
حسين : شن بديري يااقصيره نحط عليك سطل معش نسمع صوتك😂😂
حنان : لالا سطل واجد حط طاسه الشاهي اللي قدامك 😂😂
نا : باااهي باه احكي حاجه ياعبير 😒😒
عبير : مادخلنيش بعدها يستلمتي ونا مش ناقصه
نا: ناا دخلنييس يستلني نا مس ناقسه ننننننن "نعايب عليها "😝
عبير : ياخراا نا مانحكيش هك وصبت زقبت علي قعدنا نتعاركوا😂😂 بصاره عاد😒
حسين يضحك: طييح سعدكن اميي صبن😂😂
امي : هيييييي ينااعلي يناااعلي ارزيني فيكن يااخامرات يااباايرات راكن اغلااض عيب هالخبر اللي مداداتكن
ناا : اميي ستوب شوي نكمل قعمزي جبتلها كرسي ربطت محرمتي فوق زي ماما وقعمزت ورفعت سروالي وجلابيتي كيفهااا ونخبط ع راسي ههييي ارزيني فيكن اللي مداداتك بعويلهن وماسكات حواشين ينااعليي نااا يابووي ناعلي ناوحدي عنبوكن وعنبو اليوم اللي ريت فيه بووكن نين ضنيتكن الضنوه السوداء النوده فتحيه وزهراء البايرات بيش خير مني زوجن بناتهن وعندهن عويل قريب يخشوا للمدرسه غيير خذاا حظييي حظييي
وكلهم مطربقين ضححك وامي ماسكه ضحكتها😂😂
المهم كملنا هذك اليوم وجيت ع الساعه 11 لحسين
: حسوونا يالشايب تعال نبيك
حسين : كنك تبي فلوس ناقصتك حاجه!؟
نا : ااا اسمع هوا نبي فلوس الحق😂😂 بس مش هذا موضوعي😪
حسين : قولي شنو كنك
نا : عبير معاها بنت رقتها لها في الحافله مافيش داعي نقول بنت عيت من عيب سمعه هذي نبيك تغيرلها حافلتها
حسين : وكنها ماجتني هي
نا : تي عارف عبير ياحمار ماتحكيش هي زرقت بيها هك وشفتها مضايقه منهاا قلت نقولك ومافيش داعي تقوللها 🌚
حسين متاكده هذا هو الموضوع😒
نا : اهاا ياراجل بتغير ولالا
حسين : كان طلع في قصه اخرى را نتعامل معاكن كيف خالد راا😒
نا : حسين سلم ولدي عدي خش للحمام وارقد مرقد جدي هذك
وطلعت وحكيت للعبير ع السريع ونبهتها انها ماشكتليش بشكل مباشر
وعينا الصبح لقينا حسين واعي شالها وفي الترويحه روحت مع حافله اخرى
ومشن الايام كعادتنا مافيش جديد ونا عطله علشان الامتحانات
وجاء اول يوم امتحان
لبست عبايتي وخماري مدرعنه كيف لبسته وكلمت حسين وصلني ع كرعينا كليتي قريب نا ونراجع وكلمه نحقها وكلمه لا من الخمار ونا قصيره ديما يضاحكوا عليا يقولوا منظرها سطل متحرك😂🌚
قعمزت نراجع وسلمت ع البنات خش علينا الدكتور
طلعوا بطاقاتكم طلعت من القاعه ومشيت للدكتوره علشان نرفعلها خماري وتتاكد مني وقعمزت في الكرسي
الدگتور : بطاقتك
نا : وريتها للدكتوره غاده
الدكتوره : لا غاده لا مرماده وريني البطاقه هيي
نا : انت هوو وطي صوتك وبطاقه مانيش موريتك را نكلمك خوتي يعرفوگ يصرفوا معاك 😡😡😤
الدكتور : برااااا
طلعت وكلمت الدگتوره غاده حكت معاه رفض قال مافيش
خذيت منها نقالها وكلمت حسين عارفه نكلم خالد يقول جت من فوق بطلي😵
جاء حسين وحكا معاه وبعد اييش وافق وخشيت 😎
روحت طول لمرقدي
جت عبير جنبي : شنجوك قالوا داير عركه ابوالنار 😂😂
نا : ااه هالسامط البليد خزي
عبير : حتى انتِ عليك جلاطه فيك تي سايسيهم
نا : حكيت بشوويا مادرت شي نا 😇
عبير : 😐 عارفتك نا للاسف !!
نا : بنتمرقد
عبير : خطرها السبت عطله ياااااااااي
نا : 😮😮 كيوت يابت عليش عطله ي ياااااي 😞
عبير : يوم المولد طبعا نحنا مانحتفلوش😂 نين يجينا قنديل 😌😂
نا : كلبه اصلك
عبير : اليوم وضناا البنات بهالقصه كل وحده ختشيبي وحبيبي
نا : وانتِ شتريدي ماده فسختك قدامهن اه اه 😒😒
عبير: عادي نتفرج ولا حرام حتى هوا 😩
نا : دخلنيش بس را يوصل كلام لخوتي حيعليك بعدها
عبير : خططرها ع خوتي خالد خاش بكيس بدري🌚🌚
نا : عادي شن الجديد
عبير : ياحماره قصدي كيس هديه للبنت مازال ماعطاها لها
نا : اممممم شكلك تفكري في اللي نفكر فيه
عبير : نعم نعم🌝🌝
نا : ولم نرى ولم نسمع ولا نتكلم ايواا باهي🌝
عبير: تم 🙈🙉🙊
نا ....
#يتبع
خالد : والله ماحطيت حاجه كنك ياحبي 😣
البنت : لالا انت كذااب معش تحكي معايا هيا اقلب وجك 😒
*********
عبير : اسكتِ توا بيخش
نا : اسس بنرقد ووو حي عليااا حنموووت نااا
********
امي : صااح تفضلوا في اي وقت
الوليه : تمام الثلاث يناسبكم؟
رأيكم ي السمحين❤🌚
#طبيبه القلوب
