ايوه مردكم لياا اصلاا ياقصقاصين شن تبوا ماشيين لعند حوش هلي علشان هك مش حنقوللكم نا وين مسافره وخلاص😒 نردوا لعند وين وصلناا
وعيت على صوت سالم: صبي هي اوعي بتهبط توا الطيارة
قعمزت وحاسه عظامي مدقدقات حرفياا نثاوب ومش قادرة نركز ووصلنا في الليل وفي نسمه تهبل
وصلنا غادي إجراءات طولنا شوي بس مش زي هنا يعني
ماسكه في يده ونمشي وخايفه نطيح على وجي من التعب، وقف تاكسي ومشينا لفندق وخشيت للغرفه وهووب للفراش بدبشي بكل
وعيت الساعه 4 جعانه بكل لقيت سالم راقد
صبيت برمت للتلاجه لقيت فيها حاجات خفيفه هك ونا جاي في خاطري حاجة ثقيلة ونشرب وراها ببسي 😔 طبعا كلكم حتحسابوني سمينه بس نا نأكل ولا كأنه تقول نتغذى بالطاقة الشمسية والكهرومغناطيسيه الدائرة المغلقه توصل تيار والمفتوحه لا توصل التيار لذا لا يشتغل المصباح لقيت روحي مش فاطنه نأكل في الشكلاطات بطريقه ماعرفتش كيف نفتح في الشكارة بفمي وصدقوني هذي كانت أول مرة نديرها والله 😂 ولأنها أول مرة لازم يكون في شاهد لقيت دروجي مصبيات قدام الباب ويحكن في عيونهن مصدومات حرفياا
- ونا هنا الساعه 12:12 صباحا، 5 سبتمبر بدت تغبش عندي مع أنه خاطري نكمل ونوعى الصبح ننشرها لكم قبل ماتبدأ الحوسه بس شكله مافيش نصيب نخلوها بعد بكرا وخلاص
حاولت نرقع ودرت روحي مازلت راقدة ودايخه وجاء سقدني للفراش وصبا صلا الفجر وصليته ورقدنا لليوم الأخر والتعب مسيطر علينا ..
نا: في العشيه ها امتى نطلعوا ندهوروا
سالم: شوي وتي روحك ونلبس وننزل للإستقبال نأكد على كم حاجه توا نجيك
نا: تمام، لبست عبايتي ووشاح ولميت الحوسه على الخفيف هك وجاء وطلعنا
تغدينا وادهورنا وكنت عاقله يعني مافيش مواقف 😒 تي قلت مافيش 😔 يناعلااااي معش تقرصييي باه خلاص توا نحكي 😔😂
وقفنا وقالي نجيبلك غزل البنات ونجيك
ونمشي نكره من فلينته: نعممم نعمم ياحبيب قلب امك انت بنت خالتك وقلنا باااه صاحبتك في العمل قلنا اوكااي كلا مسافرين وتقولي بنغازل لااا مايمشيش معايا الكلام هذا
هوا ماسك ضحكته وقريب يطربق من الضحكك
نا: كنك تضحك
سالم: ياهبله نجيب غزل البنات هذا اوكال تاكليه تعالي معاي وخلاص قبل مانبيش نخششك في الزحمه
مشيت معاه وكليت ياحنه هذك الغزل بعد اتفقت معاه معش يقول غزل البناويت هذا 😒
روحنا ودوشت وخش دوش والباب دق، مشيت قلت من
قال: تشابنيقي تشابنقوقاا
قتله; عطك داء هيواه وين الترجمه مانحقش فيها يادروجي😂(طبعا نتحنط را تحسابوني نحكي جديات، بس الجديات هنا مانحكيش انجلش نا مع انه في دوله عربيه را مغير هذا يتفسلف 😒) .
جاء دروجي وتفاهم معاه وقعمزنا تغدينا وكملنا هذكين الأيام دهوره وجاوو
قبل مانردوا ليبيا خلوني نقوللكم كيف قلتها لسالم هذك الفاجعه التي حلت علينا😔😔
