"ووعيت ع الساعه لقيتها 9": نققققن فيهاا وماصارش منها صبي يادروج صبييي وانت مغير منبطح وخلااص
سالم: انفجع كنك بتجيبي ؟؟
نا: تي نجيب شن ياهمي، صبي ياهم الاسود من يوم ماريتك ونا هالبني الجو السمح كله فز فز
سالم: صبح را اصبحي وانتِ فيوزاتك مضروبات بكيماوي جديات كنك
نا: الطيارة هلبتنا
سالم بحت للساعه الفجر له ساعه غير اذن فيش تخرطي
نا: بحت للساعه كويس عطك قرطاعه تقرطعك جغمه وحدة تفكني منك
سالم عزق ع وجي المخدة وعرفني مفلمه ورقد
نا: تي هاااايه وين قاعد ترقد وتسيبني قولها م الأول انك كاذب عليا داروحك بتسفرني ولا في سفره ولا صونيه
سالم: اسماااء الساعه سته انخمدي
نا: ااا شن سته الساعه تسعه بحتت للنقال لقيت روحي قالبته 😄😄(سبحاان الله صاير معايا نفس الموقف بس الفرق كانت عندي محاضرة شفتوا الحياة مليانه صدف وأسماك😔😂)عادي اهم شي مازال في وقت نرقد فيه عيوني رقدن من غير لا نندري وعيت على صوت دروجي
سالم: هي مازال نص ساعه ع الطيارة
نا: الساعه كم
سالم 10
نا: كيف عشرة هذي مش قلت تسعه الطيارة
سالم: نوصلوا غادي الساعه 10 ياوليه مانحبش الكلام واجد ع الصبح ديريلنا فطورنا وهي نسقدوا
اسقدنا ياحناتي وطبعا مانحكيلكمش على طول ركبنا في الطيارة نحب ليبيا نا من نظام مواعيدهم وحابه نقدم تحياتي ومحبتي وزعم كبدي ودرااه كبدي وسواد أيامي وطياح سعدي للطيران عندنا اوبس تحمست😔😂، المهم تنقعنا تنقيعه سمحه هكياهي ونا كنت لابسه دبش ثقيل بديت نسيح وقعدت زي الشكلاطه في يد العيل الصغير ايوه ملييييسه صح صح ☺☺☺
بعد تم تنقيعنا بالتمام وقريب روحت من الهم لا نبصر الحق صابره وساكته وخايفه من دروجي يعصبن ونروحوا نحايل عليه محايله عليك نقناق 😭😭
ركبنا للطيارة عليك شعور يابنياات يهبل بكل هك تخشي في الكرسي خشوش بلا طق بيبان 😌😂، ويخشن عليك هذكين الصبايا كل شوي مدهماتلنا حاجه (يعطنا بس بلهجة جوعيه😂) ونأكلوا ياحنه بس في وحدة القني غرت😒
كيدي : سلم فممك يافسخه مسيبته لهذين من أول سفرة
نا: ها شندير
كيدي فزي ساعديهن
نا: زعماا تي بلا هيال نا مانشتغلش هنا
كيدي: هفففف ع الغباء اللي عندك يرا مانك حامل ديري روحك تزعمتي من عطرها 😉
نا: ييييي يععععع اوف اوف
سالم" بحت فيا": كنك
نا: اووف تي بنمشي للحمام وصبيت
سالم لحقني: كنك
نا" داروحني تقيأت وغسلت وجي وااجد وبميه مسقعه بيش نبان تاعبه هك وطلعتله مسك يدي ومشينا لكرسينا
سالم: كنك في حاجه متحسسه منها
نا: لالا شكلي نتوحم
سالم: كيف ؟
نا: تي حامل
سالم: شن تتوحمي هذي كيف
نا: خبر صبايا ماتعرفاش
سالم: باه باه تريحي
جت المضيفه هذك مرة اخرى سكرت خشمي: وووه وووه
سالم" بحت فيا" :كنك بسم الله كل شوي فاجعتني ومعش تعيطي
نا: بنه عطرها مانتحنلاش
سالم "تحشم وقال": معلش المدام حامل ومش متحمله العطور
هي: لا عادي وإن شاء الله بسلامتكم وحنكلملكم زميلتي
سالم: بارك الله فيك، ابتسمت وعدت
نا: لا شرايك تصبي توصلها 😀😀
سالم: شنو
نا: شي شي بنرقد حاسه بصداع وارقد حتى انت عيونك غمصهن هي خليني نتريح في نومتي 😒
سالم: 😂😂😂باه باه لصقيهن وخلاص
نا: صحح خذيت شنطتي من فوق وبنطلع لصقه
سالم: هيه هيه قعمزي وانتِ تقول عيل صغير يرا وقفي
نا: معاي اصقه سوودة كانت هننن وين راحت
سالم: عليك يوم قيسه يرا بننخمد مغير ارقدي
ورقد وكل شوي نبحت فيه ونغفي نين رقدت جديات .
