قبل ساعات
كنت نودع في عيلتي اللي عرفتها من حوالي ثلاث شهور بس خلاص هما حياتي اللي ما نتخيلها بدونهم
انا في حضن جدي : دير بالك ع المزرعة يا جدي الناس اللي فيها بالذات أمانة هادم
جدي بتطمين : و لا يهمك يا بنتي حنكون ديما معاهم وانت امشي اطمني ع امك و ما اطوليش علينا لان احني خدينا عليك بينا والحوش من غيرك ما ينخش
انا : ان شاء الله
و مشيت لحناي: مع السلامة حناي و ديري بالك ع صحتك
حناي باستني : انت اللي ديري بالك ع روحك
انا: ان شاء الله
و سلمت ع ياسمين مرة عمي : تعرفي اني حاسباتك اخت و صديقة و خالة صدقيني ما عمري ارتحت لحد زيك انت وعمتي جميلة
ياسمين مسحت دمعتها: ربي يحفظك و ترجعيلنا بالسلامة
انا ابتسمت: امين
و بعدها عمتي جميلة : ديري بالك ع روحك يا عمتي و ع البيبي (قلتها بهمس)
عمتي جميلة : ان شاء الله وانت ردي بالك تقعدي با دوجة و تحرمينا منك انت ريحة الغالي
انا نزلت دمعتي مسحتها: ان شاء الله
و بعدها هوب هجوم رباعي الأبعاد
من طيف و ميرا و سماهر و العنود
انا ضحكت: هههههههه خنقتوني بالشويا
طيف : ردي بالك تسيبينا دوجة
ميرا : والله نحرقوا ع البحر و نجوك
سماهر شافتلها بعدم تصديق : يعني لو قلتها انا او طيف تتقبل لكن انت بتحرقي واو يعني
العنود : بالله عليك كلمينا ديما
انا: ان شاء الله انتو وخياتي و ربي هكي احساسي بيكم
طيف خليك قوية زي ما عرفتك و انت ميرا حاولي تقنعي امك بطلال مش بالعناد و سماهر يا ريت حبيبتي تسامحي و تفتحي صفحة جديدة مع بوك لان العذاب اللي عايش فيه حاليا صدقيني اكبر من اي شي يعني حتى لو سامحتيه مش حيرتاح
العنود ربي يتمملك انت و طارق ان شاء الله و بالله عليك ديري بالك ع الناس اللي في المزرعة احتاجوا اي شي كلمي جدي و باْذن الله مش حيتاخر عليهم
العنود : ان شاء الله
طيف : انت اطمني ع امك و ما تخممي في شي بعدين انا رميت كل شي وراء ظهري و منمشي نهيج في تركيا مع طارق (رقصت حواجبها للعنود) حلي خوي يتفرج و يمتع عيونه بالجمال التركي
العنود فنصت فيها و قرصتها
طيف : اخ يا مجرمة
ميرا: تستاهلي ! اي دوجة ما تدوري شي حبيبتي و موضوعي بادن الله حيتم بدون مشاكل
