جدي بجدية تامة غير قابلة للنقاش : طه!!!
طه قام عيونه في جدي و مش عارف علاش حس بقلبه يدق بقوة غريبة لعند مش قادر يأخذ نفس و يا دوب قدر يرد عليه : نعم
جدي و باصرار تام: اليوم الثلاثاء صح؟!
طه بلع ريقه بصعوبة : ايه
جدي : بنت عمك لو تبيها حق عندك ليوم الخميس باش تقرا فاتحتها و لو ما تبيهاش في من طالبها و يبيها وانا موافق عليه و حنخليه يقرا فاتحتها الخميس
طه بدون وعي : بنت عمي انا نبيها و ما في حد يقدر يفتح فمه عليها وانا عايش
عمي جمال حط ايده ع كتف طه: خلاص يا طه نظم امورك و الخميس نقروا الفاتحة
عمي ناصر ابتسم : مبارك مع اني مش ناسيهالكم كيف تمشوا بدون ما تقولولي
طه نزل راْسه: الله يبارك فيك و سامحنا يا عمي بس ما كان عندنا وقت للتفكير و النقاش مع حد طلعنا طول خوفا ان نتاخروا و يصير شي يخلينا نندموا طول عمرنا
عمي جمال: ما خلاليش اي كلام بعده
عمي ناصر حضن طه: بس رد بالك المرة هادي يا طه لو صار و...
طه قاطعه: سامحني قاطعتك بس انتو عارفين شن اللي صار قبل هالمرة مستحيل نسمح لحد يأثر عليا او يخش بيناتنا
جدي براحة: و هذا عهدي بيك
طه بتردد: بس خديجة عندها شرط يا جدي و هالشرط ثقيل عليا و صعب أنفذه بروحي نبيك معاي
جدي ابتسم وعينه دمعت: تبيك تطلبها من الحاج مختار
طه بلع ريقه: اي
جدي ابتسم : هيا نمشوله توا خير البر عاجله
طه من جهة فرحان و من جهة متوتر و متحشم من جدي مختار: هيا
عمي جمال: ربي يسخرلكم الحال ان شاء الله و الحق انا يا بوي لو صار و اتفقتوا مع عمي نبي نقرا فاتحة طارق و طلال معاه مرة وحدة ع شان بالي يرتاح و ما نخمم عليهم
طه تفكر طيف و وجعه قلبه عليها: بس يا بوي ممكن تخلي طارق و طلال بعدي
الكل شافوله و مستغربين
طه بتبرير : مش لشي ثاني انا قصدي ع شان طيف !! مش عارف خايف يوجعها خاطرها هي تطلق و احنى باديين حياتنا و لو خوتي مش حابين ياجلوا انا منستنى لعند نطمن عليها
جدي : لا يا طه انت ممنوع تستنى خديجة لازم نطمن عليها بعد اللي صار و بالنسبة لبنتي طيف اصلا جلال ما طلقها لتوا و انا الحق بعد اللي داره يوم جو بيخطفوا سماهر الراجل زاد كبر في عيني
طه و عمي جمال مصدومين : شنوووو
عني ناصر بدّي يحكيلهم في اللي صار بالتفصيل
