عذريتي مقابل براءتي

البارت العاشر

لا تصاحب ألا الأصيل
ذو الآصل الطيب حتى في عداوته شريف
وقليل الاصل حتى في عداوته خبيث
لم أخسر اي صديق في حياتي
بل تعلمت من هم اصدقائي الحقيقيون
يارين/ أكثر الاحيان نكون نخاف نفقد شخص وهاي الفكره أسيطر علينه والخوف يزيد وهذا الخوف يزيد حتى يصير هوس وهذا الهوس يتحول بمخيلتنه الى عدو ما نگدر نتخلص من هذا العدو من عرفت أبني ماكو ورحت على بيت عمار ابو كرار وسيف كل واحد رفع مسدسه على عمار وهما
يصيحون عليه/ صعدي روحي جيبي ابنچ من فوگ
بس اني واكفه ورا ابو كرار أخاف اتحرك
وعمار يصيح/ ما اعرف ابنچ وين لا صعدين
بذيچ اللحضة دخلت دوريه مال جيش حاوطت
أبو كرار وسيف
واجى واحد رتبته ملازم أول
گال/ اجتي اخباريه انه صار سطو مسلح على بيتك
جاوبه عمار/ اي اني نقيب عمار وهذوله اجوي تهجموا على بيتي أرهابيين ويريدون يغتالوني ويخطفون بنتي

جاوب آبو كرار/ سيدي هذا مزوج هاي البنيه بالسر وحبلت منه ونكرها وهي رفعت عليه قضيه ومن قربت المحكمه تنسب الطفل اله خطف الطفل وحرگ بيت هاي المسكينه

باوع عليه الملازم وگال / هذا الكلام صحيح
گتله/ نعم سيدي والله خطف أبني وحرگ بيتي قبل ساعه وابني فوگ عنده

گال عمار / ما اعرف أبنها وين وهذا البيت كله گدامها اذا لگت أبنها موجود هنا بالبيت اني مستعد لأي مسأله قانونيه

گال الضابط/ اصعدي فوگ واذا ابنچ فوگ جيبي وتعالي
صعدت أركض والله من لهفتي على أبني أصعد الدرج كل درجتين سوه واكو غرفتين وحده مقابيل الثانيه الاولى فتحتها ما بيها أحد بس غراض قديمه

الثانيه من فتحتها بيها ساره وچانت گاعده على السرير ويمها سرير صغير وكل تول وردي ورود وردي تقربت على سرير الطفل طلعت بنيه كلش صغيره ظليت اباوع عليها
گتلها/ ساره أبني وين وهاي منيه

گالت/ انتي عميه اني جبت وهاي بنتي وأني شمعرفني ابنچ وين
بس شنو تحچي وأحسها تريد تبچي لكون جابت بنيه
گتلها/ شلون جيبين هسه وانتي ازوجتي واني حامل يعني أقل شي لازم جيبين بعد شهر ونص
گالت / يمعوده الطفله ولدتها بشهر السابع
عفتها ونزلت وآني آجر اذيال الخيبه أول ما شافني الضابط
گال/وينه ابنچ
گتله/ سيدي ما موجود
رجعت هجمت على عمار ولزمته من ملابسه
وگتله/ وين وديت أبني لك راح اموت عليه يرضع اني ام يا ناس وأبني وراح مني

وهو هم دفع أيدي ويگلي/ يمعوده وين الگى ابنچ حتى أخذه ان شاء الله تلگي
گال الضابط / بهيچي حاله انتوا راح اخذكم أربعه ارهاب لان متهجمين على بيت والاسلحه بيدكم

وبالفعل أخذوا الكل بس اني لا أخذوا ابو كرار وسيف وحتى عمار راح وياهم
اني ظليت بالبيت من طلعوا دخلت غرفة فاتن
شفتها تبچي من شافتني مسحت دموعها
اجيت يمها جريت أيدها ردت ابوسها بس هي جرتها
وگالت / هاي شنو يارين حرام لا شيليني ذنب يمعوده هي ذنوبي كافي عليه