عذريتي مقابل براءتي

البارت الأخير من الجزء الأول

على جرفي لكيتك جسر مطروح

تالف معدنك وعيوبك  هواي

بالقدرة رفعتك ردت أحييك

كمت تسوي لأن خليتك ويايه

أسمعك تهمس بأذن الي يعبرون

تكلهم عليت وهو صار جواي

أصحى اني نهر  لو عفتك تموت

دارين - من رحت لبيت فرقد حتى اشوف ابني سمعت قمر تكول مبروك انداريت وياريت

ما شفت الي شفته

شفت فرقد ومنتهى والظاهر هسه جايين من العقد وهو شافني تفاجأ من وجودي

وظلت قمر تتعمد تغيضني وتكول مبروك  وانت لازم ترتاح وابن اخوك يتربى بحضنك

وأن شاء الله اجيب اخو ال بارق

وهو واني واحد يباوع على الثاني اخذت ابني  ومريت من يمه اريد اطلع بي

صاح تعالي وين ماخذه الولد

كتله - شسوي بي هسه يجيك عشره غيره ازوجت وألف مبروك وبارق انطي ألي هنا محد

بحاله واني امه يعني يمي آمان

كال وتردين تاخذين ابني وين يعيش بيت أختي لا عنده بيت أبو ويعيش بي  

هنا تهسترت وكمت اصيح واعيط واكله الله لا ينطيك أن شاء الله الله يحرك كلبك مثل ما حركت

كلبي الله ينتقم منك

وهو يجر بيه يريد يدخلني الإستقبال واني حاضنه ابني واجر بنفسي منه

وهو يكلي بس تعالي افهمج ولج والله مفتهمه غلط

أخذ مني بارق وانطى لحوراء وجرني طلعني للكراج وفتح باب سيارته ودفعني وصعدني

للسياره  اريد أنزل قفل الباب سياره  راح فتح الباب الرئيسي واجى صعد وحرك سياره

وطلعنه

وهو ساكت واني أبجي واعيط

واكله نزلني بس كلي شتريد مني دمرت حياتي الله ينتقم منك ويطلع حوبتي بيك

كال - بس اسكتي وخليني افهمج ولج وحق الله  غيرج ما اشوف اريد نرجع سوه وتبقين ويا

ابنج

كتله لو تموت ما ارجع وتنطيني ابني يريدني ارجع هو جانت بس حياة وتعذبت وهسه زادت

منتهى وطبعآ ما انسى ضرتي قمر لو أموت

كال - ارجعج للشقه ولا شوفيهن ولا يشوفنج وابنج وياج وحد ياخذه منج شتكولين

كتله - تحلم تنزل عليه ضره وارجع مستحيل