عذريتي مقابل براءتي

البارت الرابع عشر

اذا عينيك جفتني ومر عليها الخوف

ألوذ خلافك بسد من

الوك المن  كلهم غربه وسط العين

بس حضنك حضن موطن

يارين - بعد ما رجعنه للبيت وهو يسأل منو يعرف اني طلعت وجاوبته انه ماكو احد يدري اني

طلعت

كال -  لو تستحين ما سوين هيجي وبايكه فلوس أمي

اني نصدمت كتله يا فلوس

كال - الفلوس مال أمي إلي بكتيهن وقبلها مني اليوم من بكتي فلوس أمي عرفت وين رحتي

بس من بكتي فلوس مني وين رحتي

بعد اريد احجي واجتي أمه يمنه لأن احنه من نزلنه من السياره بقينه واكفين بالكراج بس 

استغربت أنه أمه

كالت - شبيها شكو موديها للدكتور شو كلشي ما بيها

كال  - لا عدها فقر دم وهبوط بالضغط

ظلت تهز بيدها وتكول والله خوش عياره وين لاكيتها اكو هيجي غبي إلي يصدك بيج

وهو كام ينافخ ويستغفر ربه ودخل للبيت

اني ام ماهر ساعه تنظر براسي من دخلت هي اني دخلت وراها   بس استغربت شنو ماهر

كايل الهم دخلت للغرفه  واني أفكر اكول لماهر اني جنت البارحه يم عمار لو لا

سمعت ماهر يصيحني واني هم بدلت بسرعه وطلعت

رحت لكيته بالصاله من شافني

كال - راح اكعد بالحديقه بس جيبيلي جاي

سويت الجاي وديته أله كال - أي يارين من اخذتي الفلوس من محفظتي وين رحتي

كتله - بصراحه رحت على عمار وسألته وجاوبني على فرقد وانطاني عنوانه 

اني كتله هيجي وهو تخبل كال انتي مخبله شلون تروحين على عمار انتي شنو عقل ما عندج

انتي انهزمتي منه وترجعين تروحين عليه وكعدة الفصل بعد يومين

كتله - والله ماهر رحت بس حتى أعرف دارين وين صفى بيها الوكت

ظل يهز براسه ويكول لو عندج ذرة أحترام إليه  مسوين كل هذا بس بعد اني اعرف شلون

أخليج تتصرفين بالمره الجايه حتى تحسبين إلي ألف حساب

كتله  - بس كلي انت شلون عرفت اني أخذت الفلوس من أمك ومنك

كال - اول ما فتحت محفظتي من حسبت فلوسي وشفتهن ناقصات وعرفت انتي لأن هاي

الحاله ما موجوده عدنه واني اليوم من رجعت من دوامي أتصلت بيه امي

وسألتني اذا ماخذ فلوس من جنطتها عرفت هاي انتي بس ليش تاخذين الفلوس ما اعرف