Unicode...
"မင်္ဂလာပါ သွေးသစ်...မတွေ့တာကြာပြီနော်"
ထိုသို့ပြောကာ မိတ်ဆက်စကားဆိုလာသောလူသား သွေးသစ်အံ့သြစွာဖြင့်ကြည့်နေမိသည်။
ခဏအကြာ ဒါရိုက်တာဖြစ်သူဘက်လှည့်ကာမေးလိုက်မိသည်။
"အသစ်ပြောင်းလိုက်တဲ့မင်းသားက သူလား?"
ဒါရိုက်တာသည်လည်း သူ့စကားအားစိုးရိမ်မှုကြောင့် အထစ်ထစ်အငေါ့ငေါ့နှင့်ပြန်ဖြေလာသည်။
"ဟုတ်..ဟုတ်တယ်..သွေးသစ်"
"ဒါဆို..ကျွန်တော်လည်းဒီဇာတ်ကားနဲ့ပတ်သတ်ပြီး ဘာမှပြောစရာမရှိတော့တာမို့ခွင့်ပြုပါအုံး"
သွေးသစ်ထိုသို့ပြောကာ ထိုအခန်းထဲမှထွက်လာခဲ့သည်။ခေါင်းထဲတွင်လည်း အတွေးများကပေါင်းစုံဖြစ်ပေါ်နေသည်။
'ဘာလို့လဲ?...ဘာလို့ထပ်ပေါ်လာရတာလဲ?...ဘာလို့သူ့ရှေ့ကိုပြန်ရောက်လာရတာလဲ?..သူ့ရဲ့အခြေအနေကို ကြည်ဖို့ရောက်လာတာလား?'
ထိုအတွေးနှင့်အတူ သွေးသစ် ဦးတည်ရာမဲ့စွာဖြင့်လျှောက်လှမ်းနေမိသည်။ထိုစဥ် သူ့လက်အားတစ်စုံတစ်ယောက်မှ လမ်းဆွဲလိုက်လေသည်။
"ခဏလေး သွေးသစ်"
သူလည်း ထိုသူကိုအော်ကာပြောမိသည်။
"ကျွန်တော့်ကိုလွှတ်စမ်းပါ!!"
"မင်းမကြိုက်ရင်...sorry။ဒါပေမယ့် အစ်ကို မင်းကိုပြောစရာတွေအများကြီးရှိတယ် သွေးသစ်"
"ခင်ဗျားနဲ့ကျွန်တော့်ကြားမှာ ဘာမှပြောစရာမရှိတော့ဘူး..။ဘေးမှာပတ်ဝန်းကျင်ဆိုတာရှိတာမို့ ခင်ဗျားကျွန်တော့်နောက်ကိုဆက်လိုက်မလာပါနဲ့"
သွေးသစ်ထိုသို့ပြောကာ ခြေလှမ်းကျဲကျဲများလှမ်းရင်း ကားရှိရာသို့သွားမိသည်။
သူလာနေတာကိုတွေ့သောအခါ သက်တန့်မှပြောလာသည်။
"အစ်ကိုသွေးသစ် ဘာဖြစ်လို့လဲ?"
"ဘာမှမဖြစ်ဘူး ဒီကနေသွားရအောင်"
သက်တန့်လည်း ဘာမှထပ်မပြောတော့ဘဲ driverအား မောင်းရန်သာအချက်ပြလိုက်သည်။
![](https://img.wattpad.com/cover/277776603-288-k513389.jpg)
YOU ARE READING
You are My Life《Completed》
Romanceရုပ်ရှင်ထုတ်လုပ်ရေးကုမ္ပဏီတစ်ခု၏ CEOလဲဖြစ် ဒါရိုက်တာလဲဖြစ်တဲ့ အသက်၃၂နှစ်အရွယ် ဦးဘုန်းခန့်တည်ကြည်ဆိုသောလူနှင့် အသက်၂၁နှစ်အရွယ်သရုပ်ဆောင် မင်းသွေးသစ်တို့ အကြောင်းတစ်ခုခုကြောင့် လက်ထပ်ဖြစ်သွားသောအခါ... နေရာတကာလိုက်ချုပ်ချယ်တတ်တဲ့ ဦးဘုန်းခန့်နဲ့ ချု...