-تَفَائلتُ بالَخير..فـَ عَرفَتُك.

البارت الاول

لما نواجه مشاكل بحياتنا
ونحاول ننساها بالجلوس على الهاتف
مهما...
ريم : أوف منك باقي تكتبين ي منار؟
منار : ياربي خربتي علي يشيخه وش تبين جالسه اكتب ؟
ريم : اشبك معصبه طيب
منار : لان بسببك طارت الأفكار الي كنت بكتبها
ريم : طيب زينب الساحره تقول عليك المطبخ اليوم
منار : شيء ثاني؟
ريم : لا
منار : اذلفي وقفلي الباب
ريم : ابشري
منار
كنت انتظرها تقفل الباب بس
راحت ولا قفلت الباب وفتحته زياده كمان
منار : مردوده وربي فيكِ يـ ريم
منار رجعت احاول اكتب..
منار: اوف راح كل شيء بمخي
سكرت الكمبيوتر
وحطيته تحت وسادتي ونزلت للمطبخ انظفه
حصلت زينب مع ابوي..
منار : ما شاء الله مجتمعين
حبيته فوق رأسه
ابوي : ايه
منار: استأذنكم بروح المطبخ اليوم دوري
منار
طبعاً هاذا ابوي عبدالله أخذ ثلاث حريم الاولى وهي ماما توفت الله يرحمها من بعد ماجابتني وتزوج ابوي بعد سنه من وفاة
ماما وهي ليلى مرت ابوي ثانيه كانت طيبه معي وجابت العنود وريم وبعدين صارت مشاكل مع ابوي وليلى وأبوي بعدها طردها من البيت وتركتنا ليلى أخذ وحده اسمها زينب الساحرة والغثيثه
وهي مرت ابوي ثالثه حاطه دوبها بدوبنا المهم
دخلت المطبخ واحصل ميري شغالة زينب
جلست معها سوالف وضحك كنت احبها
ميري : مافي مشكل انا سوي تنظيف
منار : لا مايحتاج انا بسويه بعدين تعصب  زينب عليك
هزت رأسها ميري وراحت
ابتسمت لها وجلست اغسل الصحون
وأغني
لينا راقصه لينا راقصه
انا وانته مافيش حاجه ناقصه
بديت اغني
دخلت علي ريم وتغني معي
.
منار..
هاذي ريم اختي اصغر العنقود
حتى الان هي انسانه متقلبة المزاج ولا تحب احد يزعجها
وراعية المشاكل في البيت ودايم تسوي مقالب بزينب
وتحب شيء اسمه كوريا وعندها كيد النساء كله
.
كملنا رقص وغناء
دخلت العنود :  وش هاذا الروقان في احتفال هنا؟
.
منار
وهاذي اختي الوسطى العنود طالبة قانون
انسانه تقضي كل وقتها على الدراسه ومافي احد يقدر يستفزها
وماتحب المشاكل وهاديه بس بعض الأحيان تجي لها فصلات
.
دخلت عنود معنا بالجو وجلست ترقص
وكنا ننظف ونساعد ثانيه الا وتدخل الساحره زينب
وهي تسمعنا فرحانين ونغني
طاحت وهي تصيح لفينا حصلناها منسدحه بالأرض
زينب بتمثيل : عبدالله الحقني الحقني
وكل وحده منا خايفه من الي بيصير 
عبدالله
سمعت صوتها ورحت اشوف شسالفه
زينب : شف بناتك يملون المطبخ كله ماء ولا وحده
ساعدتني اقوم كانو بيخلون البيبي حقي يموت
عبدالله معد يشوف معصب : ي كلاب ذا بيشيل اسمي ألي ببطنها
زينب وهي تضحك وراء ابوي وبشر
لف عليها ابوي ورجعت تسوي نفسها تتألم
وبدأ ابوي يضرب بالعقال فينا ضرب حتى..
الحيوان مايسوي كذا بعياله
بعد ما ضرب واشبع غليله طلع وراح مع ساحره
جلسنا نبكي من الألم
جت ميري وهي خايفه : انته كويس ريم عنود منار ؟
منار بصعوبة تكلم : ايي
ريم وهي خلاص تعبانه : ولله لا تنرد وربي ما اخليها
عنود : تكفين ي ريم خليها تولي لا تحارشينها
ريم :ولله لا اندمها قلبت رأس ابوي علينا
منار أخذت خواتي ورحنا لغرفنا
منار
دخلت غرفتي وانا امشي على الجدار من الألم
جلست اشوف شكلي وابكي تشوه جسمي
بالكدمات زرقاء والخضراء رحت ونا متجهه للحوض
بصعوبه فصخت ملابسي وجلست وكأني اغرق في البانيو
وبديت ابكي بكل قهر وانا اكتم صياحي
طلعت بعد مده
ونمت وانا جسمي بيموت من الألم
صحيت على الفجر
رحت اوايق على عنود وريم  خفت عليهم باقي هم صغار
يستحقون حياه أفضل من ذي شفت ريم مو هامها
شيء وكانت تنزل باليوتوب ضميتها
ريم بخوف : مين
منار : انا
ريم بضحكه : شتسوين
منار وانا باقي أضمها : بس ابي اضمك بقوى ولا افكك
ريم : يوهه منك
منار : كيفك وش تسوين؟
ريم : جالسه انزل باليوتوب
منار: بشوف الفيد كامل
ريم : بوريك اسم فرقه ترسمت قبل فتره شكلي بصير لهم فان
منار : مين
ريم : اسم أغنيتهم Lion
منار
جلست احاول انسيها وشفنا مع بعض الكيبوب ومسلسل
ورحت للعنود ولقيتها نايمه
رجعت لغرفتي وبديت اتجهز للجامعة
وأخفي الكدمات بالمكياج نسيت اعرفكم
عني انا البنت الكبرى لعبدالله
احب الطب بشكل مو طبيعي وابي اصير دكتوره واكسر
عين زينب الساحره وابي ابوي يفتخر فيني وكمان
كاتبة خواطر احب مره اكتب اكثر من الفضفضه
بعد ما لبست
كان لبسي..عباره عن
جنز وبلوزه بيضاء مفتوحه من الكتف
مع سلسال ذهبي صغير وفكيت شعري الأسود الطويل
طشيت طشتين وطلعت من غرفتي وعباية كتف مفتوحه
وشعري المنسدل مع طرحتي بدون لف وشعري شوي طالع
ناظرة نفسي وكنت راضيه
ونزلت
بدون نفس وادعي ما احد يطلع بوجهي
ابوي : وين بتروحين؟؟
منار: الجامعه ي بابا؟
ابوي : مافيه روحه
منار والعبره خانقتني : كيف كذا بابا مستقبلي كله متعلق بالجامعة؟!!
ابوي بعصبيه: مافيه طلعه يعني مافي طلعه ي منار فاهمه
منار طلعت بعصبيه لغرفتي ومقهوره
العنود بصدمه : مو مفروض انك بالجامعة؟
منار ببكاء : طردني ابوي يقول مافيه
العنود : ايش تقولينن مو منجده !
ريم وهي تدخل : ولله لا اخليك تداومين اليوم هاتي جوالك
العنود : بسم الله من وين طلعتي
منار وهي تبكي : ايش بتسوين؟
العنود : الله يستر منك
ريم : هاتي جوالك بسرعه
منار وهي تمسح دموعها : هاك
ريم
أخذت الجوال رحت الواتساب وكلمت ناديا
ريم ( ناديا )
ناديا ( وينك منار انتظرك عند باب الجامعه؟)
ريم (هاذي انا ريم )
ناديا ( وين منار شسالفه شصار )
ريم ( تعالي أخذي منار من البيت بطلعها لك )
ناديا ( شسالفه)
ريم ( ابوي منعها بس ولله ولي خلق ما اخليها توقف عن شيء تحبه عشان زينب الساحره )
ناديا ( كفو ثواني وأجي اذا جيت عند الباب بدق رنه)
ريم ( تمام )
منار وعنود يناظرون بعض وريم تضحك بحماس
ريم : ازهلي خلاص بتروحين الجامعه
منار بصدمه : كيف
ريم : كلمت ناديا وبتجي تأخذك
منار : بس كيف بطلع
ريم وهي تناظرالبلكونه
عنود : مو منجدك البلكونه؟
ريم: اصبري بجيب الحبل
أخذنا الحبل وبدينا نربطه
منار : خايفه
ريم : الي يبي العلم لازم فيه عقبات عشان
يوصل الإنسان  لمراده لازم نتخطى ذي الاشياء هيا انزلي
بدأ جوال منار يرن الرنه الي تعلن انه ناديا تحت
نزلت من بلكونتي بكل حذر وانا خايفه واحاول محد يشوفني
نزلت وسحبو ريم وعنود الحبل بعد ما تاكدو اني دخلت سياره
ركضت مسرعه لسيارة ناديا
ودعسنا للجامعه
منار بفرحه : ما اصدق طلعت
ناديا : الفضل يرجع لريم تخوف ذي البنت
منار : صح تخوف بس لازم اجيب لها معي هديه هي وعنود
ناديا: تم اجل
نزلنا للجامعه لان تأخرنا على المحاضره
نسيت اعرفكم على ناديا
ناديا تعرف كل شيء عني وهي صديقتي المقربه
تحب الطب وتدرس معي بنفس المجال
يوم مميز لان راح نستلم اليوم الاب كوب وبكره بنروح المستشفى
عشان نمارس الي تعلمناه من سنوات
وزعو علينا لاب كوت وطلعنا بعد تعب وكرف
بس محد مفرحنا الا لاب كوت
بعد كذا طلعت انا وناديا من الجامعه
ناديا : نمر المقهى الجديد؟
منار: اي مافيه مشكله ومره وحده أخذ لأخواتي غداء
ناديا : اجل تمام
بعد مده نزلنا للمقهى
وجلسنا بالمقهى ونسولف ونضحك انا وناديا
الا وانا طالعه صدمت شخص وطاحت قهوتي وقهوته
واحرقته  بلغلط وبعد كل ذا نشب شعري بأزراره
حاولت ابعد منه بس انا شعري ناشب
منار يتألم : لا تتحرك شعري إي نشب إي إي
ايمن : ما تشوفين ي بنت
منار : اسفه قسم ما قصدي
ايمن : اصبري لا تتحركين كثير ولا بينقطع ازر
منار : شعريي
أيمن : شعرك دخل بفمي اهجدي
منار بعد ثواني وانا مره قريبه منه
عطره الرجولي مره قوي كان قوي
وكنت شوي وأبكي من الإحراج وشكلي وشكله يفشل  جت ناديا
وانقذتني من الموقف كنت بموت خجل
بعد كذا جلست ابعد شعري عن وجهه
كل ذا كان شيء ما ينوصف موقف اتمنى ما احد يصير له 
بعد كذا هربت منه مع ناديا
أخذت جوالي وأخذت قهوه ثانيه مع ناديا وهربت من المقهى
منار : يمه الموقف احراج
ناديا ما توقف ضحك
بعد ما وصلت البيت
كنت ابي ادق على ريم وعنود الا واحصل!
منار : ناديا  ذا مو جوالي!
ناديا بصدمه : ذا نفس شخص الي صدمتيه ، جواله!
منار: يمه وش اسوي الحين
ناديا : خلاص اهدي الحين خليني ادخلك بأمان لا ابوك يدري
دقت ناديا على ريم وعنود
ناديا : خلصنا وجبنا لكم اكل
عنود : ادخلو البيت مافي حد راحو يتغدون جعله سم في زينب
ارتحت ودخلت البيت بأمان
ونسولف وضحك
.
منار
رحت لغرفتي ابدل بعد الجمعه وضحك والغداء
بدلت وتروشت
ولبست بجامه
الا وأتذكر سالفة جوال ذاك الشخص كنت
افكر هل اكتشف اني أخذت جواله بلغلط؟
شفت شكله شكله كنت احس اني شفته من قبل بس وين؟
تذكرت لما قال لي يدك محترقه
كان اول شخص يخاف علي الا ودخلت ابي ادق
بس كنت استحي ادق ولا لا ، لان ما قد كلمت ولد
.
ايمن
انصدمت ورحت للحمام كنت اتذكر لما شعرها
كان ناشب علي وقامت بسرعه مني ابتسمت الا وابي ادق على عزيز بس حصلت خلفية الجوال غير استغربت
فتحت الجوال وطلع ماهو جوالي بدأ الفضول جلست اشوف الجوال
وصور والالبوم واضحك على الفيديوهات حقنها بعد كذا
حاولت اتصل على جوالي بس ما حصلت عندها رصيد كثير
وقلت اني بعبي لها كتعويض لأني دقيت من جوالها
.
منار
حصلت الجوال يدق رقم غريب خفت
منار : ادق ولا ما ادق بدق بدق
ايمن : انتي صاحبة الجوال الي معي؟
منار: ايه وجوالك معي
ايمن : تقدرين تطلعين وتعطيني الجوال؟
منار :اسفه بس مقدر انا بالبيت
ايمن : بس احتاج جوالي ي بنت
منار
قفلت بوجهه لان حسيت فيه
احد عند الباب خفت انها تكون زينب
حصلتها ريم!
منار: ريم تعالي بسرعه
ريم : وشفيك
منار بخوف علمتها كل شيء وقلت لها
ريم : منجد ذا كله صار لك كيف باقي متحمله يقطع ام الاحراج
منار : خايفه
ريم : لا تخافين بس تحمست اشوف شكله وريني
منار
وريت لها صوره الا وتشهق شهقه قويه
خلتني اخاف اكثر
منار: لا تقولين واحد من معارفنا!!!؟
ريم : ذا...شخص!!
يتابع