-تَفَائلتُ بالَخير..فـَ عَرفَتُك.

البارت الثالث

دائماً ما كان يعذبني هذا السؤال :
مالذي كان ينتظرني في كل تلك
الطرق التي لم أسلكها.

العنود
ودموعها تهل ماتقدر توقفها
ماهو من الألم الي بجسمها بس انكسرت من كلام أبوها
منار
وقفت بشموخ وكبريائها ما هو مخليها
تتكي على جدار او تساندها صديقتها
منار : تذكر ي عبدالله أن الدنيا دواره
رجع عبدالله يبي يضرب منار
ناديا : انت تبريت منهم مالك حق تقرب منهم الحين
عبدالله  : اطلعو اذا رجعت للبيت ما ابغى ولا وحده منكم قدامي
منار
رحت انا وخواتي بكل تعب لغرفنا نجمع أغراضنا بمساعدة ناديا
بعد مده
خلصنا ورتبنا أغراضنا
بالسياره..
منار : وين ريم؟
العنود : مادري
ريم جتهم وهي مسرعه
منار : وين رحتي
ناديا : اركبو بسرعه
ريم : رحت اصفي حساباتي مع زينب وجيتكم نمشي؟
منار : اي يلا
العنود : وش سويتي لها؟
في طريق
منار وهي تضحك: ما اصدق سويتي كذا
ناديا: قايله لكم ريم خطيره
ريم وهي تضحك : ودي اشوف رد فعلها
.
زينب
دخلت غرفتي بعد ما راحو بنات النسرى
بس الصدمة..لقيت ارواجي كلها على كبر الغرفه
والعطور حقتي كلها مكسوره وملابسي كلها شخبطه
وفراشي كله صمغ وعسل وطحين!!
زينب : حسبي الله عليهم!
بدت تصرخ وانجلطت..
.
ريم بضحكه : ابغى اشوف شكلها مقدر بطني
العنود : على الأقل خلصنا من ضيم عبدالله وزينب
ناديا : انزلو الحين واجلسو ببيتي
منار : لا ما نقدر ولله بنزعج اهلك
ناديا : لا ولله انزلي بس يشيخه
نزلنا واستقبلتنا ام ناديا بكل حب وترحيب
ام ناديا وهي تحضني : بيتي مفتوح لكم ي بناتي
بدينا نحبس الدموع  من القهر في حضن ام ناديا
الى انغفت عيونا
منار
صحيت على اذان الفجر والوقت صباح
ناظرت جسمي لعلى وعسى حلم بس طلع صدق ابوي تبرى مننا!
باقي ماني مستوعبه الى شفت المكان حولي وتاكدت ماهي غرفتي
نزلت الدموع بعيوني وانا اتذكر لما كان يسهر معي
ويقول ابغاك تصيرين دكتوره وافتخر فيك..
بس وين كلامه ذا ليه تغير؟ ضحكت على حالي
وقمت بصعوبه من السرير وحصلت العنود رجلها بوجه ريم
وريم يدها على وجه العنود ضحكت على شكلهم وهم نايمات
رحت للحمام وبدلت وحطيت مكياج يخفي الكدمات الي بوجهي
وحاولت البس شيء يستر على جسمي الي مليان ضرب وعلامات زرقاء وخضراء بعد صعوبه لقيت شيء يستر الكدمات
لبسته ونزلت تحت وحصلت ابو ناديا وام ناديا بابتسامه لي
ام ناديا : يازين صباحي بوجود بناتي كلهم حولي
منار : ويازين مقابلك ي خالتي
ام ناديا : صحي خواتك وناديا الى متى ذا نوم
منار : ابشري
رحت وصحيت البنات ونزلتهم بعد نص ساعه
نزلو وجلسنا ناكل كلنا حول سفره
ابو ناديا : شرايكم تجلسون عندنا ي بناتي؟
منار : لا ولله ي خالي ما ودي اتعبكم معي يكفي ترحيبك لنا
ابو ناديا : عندي صديقي ابو نايف بيته ثلاث طوابق وطابق ثالث استأجره يكسب منه فلوس شرايكم تأخذونه ؟
منار: انت شرايك ي خالي فالبيت؟
ابو ناديا: ولله بيت ما شاء الله زين وبيناسبكم ي بناتي
منار : اجل تم بعد دوام ان شاء الله بمر البيت اشوفه
أبو ناديا : اجل بكلمه لكم ان شاء الله وأعلمه انك بتمرين البيت
ناديا وهي فمها كله اكل : يلا منار نروح تأخرنا
ريم : بشويش لا تغصين
ناديا وهي تسحب منار : يلا أشوفكم بعد دوام
أبو ناديا : الله معكم
ام ناديا : آكلو ي ريم وعنود صايرين ضعيفات خذوسندويشات
.
بالمستشفى الساعه ٩ الصباح
دخلت المستشفى وانا مره مالي خلق من ضرب الي صار لي امس
بس شسوي رحت لمجموعتي وانا ماني مركزه ابداً
دكتور ايمن : منار يلا اشرحي لنا النقطه ذي
منار : ابشر
منار
كانت يدي ترتجف بشكل مو طبيعي بسبب الضرب الي جاني
مسك معصمي الدكتور ايمن وضغط عليها عشان يخفف الارتجاف بس يزيد الارتجاف دكتور ايمن : ثبتي يدك؟
منار بهمس : ألمتني بمعصمي
دكتور ايمن : فيك شيء؟
دكتور ايمن : بس حاولت أساعدك لان يدك كانت ترتجف
منار : دكتور عادي اروح دورة المياه
دكتور ايمن : روحي ورجعي بسرعه
طلعت وانا احاول اهدي نفسي لان نفسيتي..كانت زق
بنص ما كنت افكر شفت عبدالله وزينب!
في مدخل المستشفى خفت وناظرت حولي دخلت لأول
غرفه كانت جنبي بدأ النفس سمعت صوت يقول
تفضل أستاذ عبدالله هنا
هربت بسرعه تحت المكتب وانا خايفه مره
وكنت ارتجف حابسه دموعي
ايمن : تفضل حي الله أستاذ عبدالله
عبدالله : كيف حالك ي ولدي ايمن
ايمن : بخير عساك بخير انت؟
عبدالله : يسرك الحال
ايمن
مشيت اجلس الا واشوف تحت مكتبي منار!
حاولت امسك أعصابي...
عبدالله : وش فيك ي ولدي ؟
منار
غطيت فمي عشان ما يسمعون صوت نفسي
أشرت له يسكت بصبعي
ايمن بتمثيل : ولا شيء  تفضل وش عندك
عبدالله : بس جيت اطمن على زوجتي طاحت امس مرتين
ايمن:زوجتك فيها مشكله ؟ يعني ممكن عندها مشكله بدماغ تسبب لها عدم التوازن
عبدالله : وش اسوي ي دكتور؟
ايمن : رح لدكتوره أحلام ي أستاذه عبدالله خلها تفحصها
عبدالله : يعني فيها شيء؟؟ 
ايمن : لا بس نتأكد أن الجنين كويس
.
منار
وكل لحظه تشوف ايمن يطالعها: مت اليوم على يدينه
ودعهم ايمن بعد مده للباب وقفله
وراح مسرع تحت المكتب وسحبها من معصمها
ايمن : ابي تفسير كامل ي أنسه منار؟
منار وتشهق بقوه من الألم
ايمن : وش تسوين بمكتبي ما كنتي رايحه لدورة المياه؟
لمح ايمن كدمه على يدها بدأ يرفع الكمام من يدها
وهي تحاول تبعده
ايمن وهو منصدم من الكدمات الي بكل مكان! : وش ذا ي منار؟؟
منار تغطي يدها : ولا شيء
ايمن : علميني؟
منار بديت احاول احبس دموعي : قلت لك ولا شيء
ايمن : وش ولا شيء من مسوي كذا
منار : شخص وبس ولا شي
-تمسح دموعها وتسحب يدها
وتقول: اسفه لان دخلت مكتبك بس اضطريت اسفه مره ثانيه
لفيت اطلع
ايمن : اصلاً مايهمني
-وهو يجلس -
ايمن
وش مخليها تدخل مكتبي وش سبب الكدمات؟
وليه خايفه كذا وتبكي وكانت تتخبى من مين؟...
.
طول اليوم كان ايمن عيونه تلاحق منار بخوف وقلق عليها
.
استراحة الموظفين

ناديا : وشفيه دكتور ايمن يناظرك كأنه خايف عليك
منار
لفيت اشوف نظراته حصلت عيونه تناظرني بخوف وقلق
وهو جالس يأخذ قهوته تلاقت عيوني وعيونه
نبض قلبي يوم شفت نظراته لي
حاولت التهي بس قلبي مايوقف نبض!
منار: ياخذ شيطانه ما يبعد عيونه نظراته تقشعر
لفيت مره ثانيه حصلته طلع من المقهى
ارتحت نفسياً بس..
ناديا : منار دكتور محمد يناديك روحي شوفيه
منار : اوكي
رحت لدكتور محمد
منار : هلا دكتور؟
دكتور محمد : خذي الملف ذا وأعطيه المشرف حقك
منار : تمام
منار
بديت ادور دكتور ايمن بالممرات إلى أن حصلته
كان بيركب المصعد
منار : دكتور ايمن
ايمن
كان يطالع فيها وهو ماسك قهوته ويده ثانيه داخل جيبه : نعم؟
منار: طلب مني الدكتور محمد اعطيك الملف تشوفه وارجعه
الدكتور ايمن : اشوف وريني؟
بنص الكلام دخل ايمن وهو ملتهي مع منار بالملف
بس في نص ما هو يناظر الملف...
تقفل المصعد انتبهت منار للمصعد
بدأ الخوف يسيطر عليها حاولت تمسك نفسها
وجلست تضغط الأزرار تبي تطلع
طالع فيها ايمن : وش فيك؟
منار وهي تحاول تهدي نفسها : ولا شيء
فجأة يوقف المصعد وثواني وتطفى الأنوار
طلعت صرخه بسيطه مني وجلست بزاوية المصعد
بس ماقدرت أسيطر على نفسي ذي المره
بديت امسك لاب كوت ايمن وأشده
نزل لي ايمن : وشفيك؟؟ انتي كويسه
حاولت أتكلم بس ما اقدر ابغى بس أتنفس بس ما اقدر
مسك ايمن جواله وفتح لفلاش
ايمن : خايفه؟؟
منار هزيت رأسي وانا مقدر أتنفس
وانا باقي ماسكه لاب كوت ايمن
ايمن جلس يمسح على ظهري : لا تخافين بنطلع بعد شوي
انتي بس تنفسي ي منار
منار
بديت استرجع النفس شوي شوي
يمسح على راسي  : بهدوء شهيق زفير
رجع المصعد يشتغل وبديت اقدر أتكلم بس وهو
باقي قريب مني ومن وجهي
ايمن مسح على راسي : الحين بنطلع وانتي بتكونين بخير
-يساعدها توقف -
وأخذني لاقرب غرفه وجلسني
وعطاني ماء
ايمن
ايمن  تركتها ورحت لمكتبي
جلست ابحث عن ملفها الطبي
ايمن : وأخيراً لقيته بحثت وحصلت انه
يجيها نوبات هلع بسبب الخوف من الاماكن المغلقه و الضيقه
رفعت ابي اشوف اسمها الكامل كان مكتوب
منار بنت عبدالله بن راشد
ايمن : ابوها عبدالله هي بنت عبدالله؟؟
ليه كانت اليوم متخبيه من ابوها؟
ليه كانت تهرب؟
يتابع..