+++++++++++++Unicode++++++++++++
"ချစ်ခြင်းအလင်္ကာ"
သဘာဝမိန့်တမ်းအရ
မိုးသောက်ကျေးငှက်မည်သည်တေးဆို၏
လိပ်ပြာမည်သည်ဝတ်ရည်ကိုစားသုံး၏
နေမင်းသည်အနောက်ရပ်၌ဆင်းသက်၏
လမင်းသည်ကြယ်များခြံရံ၏
ငါ၏ချစ်ခြင်းကား သဘာ၀ကိုဆန့်ကျင်၍
ထပ်တူကျသော ထိုလူသား၌သက်ရောက်၏
++++++++++++++++++++++++++++++
ကမ်းမလော့....
"မင်းသားက ထွက်သွားပြန်ပြီလား?
ညီလာခံက ဒီရက်ပိုင်းအတွင်းမို့ မင်းတို့ကိုသေချာစောင့်ကြည့်ဖို့ ငါပြောထားတယ်လေ
မင်းသားတစ်ပါးကိုတောင်မစောင့်ရှောက်နိုင်ပဲ ဒီမှာဘာလို့ အမှုထမ်းလာလုပ်လဲ"
အခုတွေ့အောင်ရှာခဲ့ မရှာနိုင်ရင် အကုန်လုံးဒီကနေထွက်သွား"
ဘုရင်မ အန်နာ၏ ဒေါသသံက နန်းဆောင်တစ်ခုလုံး ဟိန်းထွက်နေသည်။
မင်းသား ဘန်ဂျမင် ထွက်သွားတာ လေးရက်မြောက်နေ့ပင်။အရိပ်အယောင်ရှာမရအောင် ပျောက်ခြင်းမလှပင်ပျောက်နေ၏။
ဘန်ဂျမင်ဟာ ကမ်းမလော့မြို့တော်၏အသက်ဖြစ်သလို၊မကြာခင်မှာပင် နန်းတက်ရမည့် ဘုရင်တပါး။ထို့ကြောင့် လုပ်ကြံသတ်ဖြတ်ချင်နေသည့် နန်းပြိုင်မင်းသားများစွာလည်းရှိ၏။
ဘုရင်မကြီး၏တစ်ဦးတည်းသောသားမို့ သည်းသည်းလှုပ်ချစ်ရပါသော ရင်ဝယ်ပိုက်သားအား သွားလာသည့်နေရာတိုင်းအတွက်စိုးရိမ်လွန်းလှချေသည်။
" လူဝီ ရောက်ရှိနေပါတယ် ဘုရင်မ"
"ဝင်ခိုင်းလိုက်"
လူဝီ၊မင်းသားဘန်ဂျမင်၏ ဦးလေးတော်စပ်သူ နန်းပြိုင်များထဲမှအန္တရာယ်အများဆုံးဖြစ်သည်။ ဘုရင်မ၏မောင်
တော်ဖြစ်သည့်အလျောက် နန်းတော်ကိုသူပိုင်ဆိုင်ရမည်ဟု တစ်ထစ်ချယုံကြည်ထားကာမှ ငယ်ရွယ်လွန်းတဲ့ ဘန်ဂျမင်ကို နန်းပေးလိုက်ရန်ပြင်ဆင်ထားကြောင်းသိလိုက်ရစဉ်
လူဝီ၏ယုတ်မာလွန်းသော ဇာတိက ရုပ်လုံးပေါ်လာသည်။သားတော်ဘန်ဂျမင်အား ငယ်ငယ်ကပင် လူဝီ၏ မျိုးစုံသောလုပ်ကြံမှုများကိုခံခဲ့ရသော်လည်း သက်သေ သာဓကပင်မရှာဖွေနိုင်၍ တစ်စုံတစ်ရာမျှအပြစ်ပေးအရေးယူခြင်းမလုပ်ဆောင်နိုင်ခဲ့။
YOU ARE READING
My Heart In Parallel Universe
General FictionMy love is being well live in another world & other people who look like me! ∆Jay×Sunghoon(Benjamin)∆
