𝐇𝐄'𝐒 𝐌𝐘 𝐃𝐈𝐋𝐄𝐌𝐌𝐀

𝖢𝗁𝖺𝗉𝗍𝖾𝗋 23: 𝗋𝖾𝖺𝗅𝗂𝗍𝗒

Ka sawi tam lo mai ang in hriat hnu vek.

__________

JUNGKOOK POV.

Taehyung an min dan tak tlat avang chuan heti hian rilru ka siamfel ta a,layla nen inah duhtawk a nuam chen tir ai chuan ka awm ve hian min zah ve mahna tiin ka let leh mai² chauh ani.
Ka room a ka luh rual² chuan khimah ka mu nghal thlawp a

"Hemi te pahnih hi ka enthla reng tur ani...."tih sap pahin ka inhum ruh nghal vata.A hrim² in ngatinge layla hi awm turim a tih thut le,duh chu nise kan inneih hma daih pawh khan an cheng dun thei reng si a.
Ngaihtha lo zet chungin darthlalang hma ah ka ding to a,ka kawr hlimin ka pum chu duat takin ka han chul vel a
"Engpawh chu jisw taehyung fa ka pai tho alawm.."tih pahin ka khi suk a,ka in hnem ve na te lah hi taehyung tan chuan engmah ani awm der silo.Ka chau deuh bawk nen a tlai a tlai in ka muhil ta ringawt a.

Kawngka kik kharh² ri chuan min ti harh zawk a,ka hawi chhuah chuan khua alo thim der tawh,sana en pahin ka sam chu ka han tuai mam thuak² a
"Dar 8 alo ei der tawh anih hi..."tih nang² pahin kawngka hawng turin ka tho vata,ham bai² pahin kawngka ka hawng nghal pawp a

"Mr kim....dinner ei a hun tawh e...boss in a nghak reng tawh che ania...."jin chuan Chinese awphawi hriat har zet chuan a rawn ti a

"Awle...."ngeiawm zetin ka melh kher a,layla enkawl tu tur anih vang hrim² in nelawm taka awm ka tum lo bur.

"Ka rawn kal dawn....kal tawh rawh...."ka ti zui zat bawk.

Ka chhuah hma in darthlalang ah ka in en zuai a,ka sam tuai mam thuak² pahin lipbalm tlem ka inhnawih tel bawk.
Confi zetin dinning table lam ka pan nghal a taehyung chuan min lo nghak reng tawh a mahse a sira layla lo thu ve kur chuan ka mit a ti kham takzet.Melh ram² pahin a ep chiahah ka thu ve nghal a,awm ho kher kan ngai a mawn le? ka haw hi ka inchhir leh hnuhnawh.
"Tae....hepa hi tunge?"layla chuan mak tih hmel takin min rawn en a,ani aiin mak ka ti zawk.Hetiang zawng hian maw a chet dawn a!!

"Ka hre bik lo che..."ka lo ti ve nghal hlar a,min hre duh lo tu chu ka hre peih bik reng² lo bakah naupang pawh ani tawh lova in hriat loh der tihvel hi a thing tawh lutuk.

"Ei tawh ang u le....."taehyung chuan zaidam tak hian a ti a,min nuih sang bawk.Layla melh ram² pah chuan ka ei hmuk² a,ka thil ei pawh a tui thei lo.

"Tae....kan naute chu engtik nge kan hmuh dawn?"layla in a tih chuan ka tui in lai ka phuh chhuak tep,mak tih hmel takin taehyung chu ka melh nghal kawk a

"Ih...."ka tawng tam hma in taehyung chuan min rawn mitmei zeuh a,ka sawi chhunzawm tawh lem lo.Zanin thil thlen dan hi a mak takzet,ngatinge thil thalo tak a thup nia hriatna ka neih tlat le?

"Hepa hi alo thu ve reng bawk sia engmah ka sawi thei lo...."min rawn melh kher anih chu,thawk chhuah hak pahin "i lem chan hi duhtawk tawh rawh....." ka ti sap a,a awmdan hi ka ngeithei thlawt lo

"Jungkook duhtawk rawh..."taehyung chuan zaidam tak hian a rawn ti a,engvanga keimah chauh min khap bik reng nge maw anih le?

"Ka kham tawh...."fork dah pahin thawh ka tum a

"Thu rawh....."

"Ka kham tawh ka....."

"Thu rawh ka tih chu..."a vin em avangin phur lo zetin ka thu leh hna² ta ringawt a

Layla ka va melh a,a lu a dawm vung² a a awmdan a dik lo tih ka hre nghal.

"Layla.."ka ti sap a,taehyung an a buaipui nghal vat bawk.A rawn zawi nghal veka,chet nachang pawh ka hre tawh lo ka mak ti lutuk chu phawk fe in ka melh reng ringawt.