𝐇𝐄'𝐒 𝐌𝐘 𝐃𝐈𝐋𝐄𝐌𝐌𝐀

𝖢𝗁𝖺𝗉𝗍𝖾𝗋 36: 𝗌𝗉𝖺𝖼𝖾

_ Hliam tu che ah bawk i kir leh fo chuan i hliam ata damna beisei suh _

Damdawiin lam panin taehyung car bawkin chak zetin ka tlan a ka rilru ah erawh taehyung leh karen te bak an awm lo. Ngatinge karen hi kan inkar ah a rawn inrawlh kher kher le? ni e, a hmelthat mai bakah a zei ang tih chu chiangsa mahse taehyung hi pasal nei tawh ani a eng vanga awlsam taka thlem thluk mai theih nge maw a nih le? Engpawh nise Aria leh ka pa ka hmu phawt tur ani.
Damdawiin ka thlen chuan rin lawk ang ngeiin yoongi an kawt ah min lo nghak leh ran tawh. Ka rilru te te chuan hepa hi ka tana khuanu ruat zawk ami le? harsatna ka tawh apiangin ka tan a awm reng thin a, ka thinrim khum chang pawhin ka lakah a thinrim let ngai hek lo,a rilru ka tih nat sak chung pawhin min kalsan ngai lo a ka hlimna tur anih phawt chuan engpawh min tih sak thin bawk, hetiang taka min hmangaih tu leh min ngaihsaktu ka bulah a awm reng chung pawhin engvangin nge taehyung hi ka la thlan fo mai le? mi â tak ka va ni em.

Car ka tih din rual rual in kawngka min rawn hawn sak nghal vata, ka inthuam lum vak loh avangin ka kut chu a han nuai sawk sawk a.
" lut vat ang.... i kut a vawt lutuk"hmanhnawh takin min luhpui nghal dawr dawr a,A hmel ka hmuh ringawt pawh hian ka hnuk a ulh dawn in ka hria.

" Coffee in ang aw....inthuam lum lo in ngatinge i rawn chhuah a " a che nghal sawk sawk a,vur a tla seng seng bawk nen a rukin ka khur beuh beuh reng bawk .

"Yoongi.... " a phili chûng avang chuan a kawr ban ah ka han tham a. " Angai lo... Aria leh ka pa ka hmu lawk anga a tawk mai " ka hmel ngui tak a hmuh avang chuan thil diklo a awm tih a hre nghal.

"awle..hetah hian lo thu la ka rawn let leh vat ang "
tih leh tlan a rual nghala. Engvanga hetianga awm nge maw a nih le? Engvangin nge min la ngaihsak em em? kei ve thung chuan natna bak ka thlen si lo.Reilo te ah yoongi chu coffee leh tissue keng chung hian a rawn let leh a, ka hmu tih a hriat chuan min rawn nuih nghal sang bawk.

" umm....i pa chu a hmuh theih dawn lo a chuan.. "

" Aria pawh tiraw? " ka lo ti nghal vata, diktak chuan intlawh hun pawh ani lo tih ka hre reng mahse taehyung lak atanga kal bo ka duh vang ani.

" A pawilo ka hmuh hrim hrim chuan a tawk mai"buk nghak pahin coffee chu min rawn pe a.

"kan kal dawn mi niang.... "

" awle.... " Kan pahnih chuan Aria awmna room lam panin kan inzui chho hnak hnak a

"hna chu i hmu leh tawh em?" pawn atanga Aria thlir pah chuan kan ding dun ran a, a tui a hal tawh aniang a ka tereuh te chu a tep chiap chiap a

" umm.... aw mahse New York ah ania"

" a tha alawm.... ngatinge i ban reng reng a... "

" ughh.... thawhna sawn te pawh a hun ve tawh alawm

" Engtik ah nge i kal ang? "

" ka hrelo... "

"keipawh Busan ah ka let leh tep tawh ang " ka tih chuan min rawn melh nghal kawk a.

"Taehyung nen ka inthen maithei mahse Aria hi han dam phawt se " khik suk pah chuan ka lo ti nghal vata.

"A chhan ka zawt thei che angem?"