𝐇𝐄'𝐒 𝐌𝐘 𝐃𝐈𝐋𝐄𝐌𝐌𝐀

𝖢𝗁𝖺𝗉𝗍𝖾𝗋 32: 𝖾𝗑𝗉𝗈𝗌𝖾𝖽

__________

JUNGKOOK POV.

Tunlai chu taehyung nen thil ho te te ah kan inhau renga, ka thil tih apiang min khak hman zel bawk.Mr.Bernette an dinner a rawn ei atangin thla khat chu a liam dawn der mahse tun kar hnih chhung lek atang khan taehyung a inthlak danglam nasa in tun hma a ka hriat thin taehyung kha a rawn let leh tawh ni ang hial in ka hre thin.Inah a awm tlem em em a,zingah hma takah office a kal a, zan ah nise zan rei takah rawn haw in zu rim a nam ziah lehnghal hetianga a awm chhan hi ka hrelo takzet mahse a zia a rawn lang tan ni ah ka ngai chuti chung chuan ka hmangaih dan ala pangngai reng tho.
Ka thusawi apiang ngai kawi in inhnialna tur a zawng renga, a chang chuan hrehawm ka ti lutuk hi a ruk a tah chang ka ngah mai mahse taehyung bulah erawh pangngai takin ka awm a hlim hmel ka pu sang reng thung.

Fa ka neih hun tur an sawi ni chu kar hnih chiahin a dang ta!! fa ka nei hnai telh telh a insawiselna ka nghah tan riau in ka hria,zana pawh ka mu mang meuh lo mahse taehyung lakah erawh ka zep tlat thung a chhanchu a thinrim ka hlauh vang ani .Ka sawi tawh angin ka blood type avang hian midang zawng aiin inenkawl that ka ngai a, treatment pawh ka la nasa hle mahse tunlai chu ka rilru a hah thin bawk nen dam that var lai ka nei ta meuh lo.

Mrs Kim leh Samuel te an haw hnu chuan ka han thu hahchawl leh rih a, thui vak lo pawh kal mah ila ka hah em em zel.
" Jin...... khawiah nge i kal dawn? " Jin chuan bag a khai hnak hnak avang chuan ka lo zawt vata.

" ka nu a damlo nasa lutuk a China ah ka let angai a"

" maw!! i nu chu engtin nge a awm? "

"tunah hian damdawiin ah nikhaw hrelo in a awm meka thla khat chhung Boss in chawlh min pe hlauh bawka... i chungah ka lawm takzet" Engvanga lawmthu min hrilh ringawt nge maw anih le.

" awle....chuan pawi ka ti takzet i nu chu " a dinhmun ah hian ka ding ve mek a a hrilh hai thlak tur zia chu ka hriatthiam pui.

"fa i neih hma in ka rawn let leh hman ngei ka beisei.... "
" ni e... i nu chu dam vat vat sela rawn let leh vat rawh " engvanga tha teh hluak nge maw ka nih le? nilo.... chutiang em em a sual ka ni hleinem, mi rilru hah lai lai a lo vin ve vak vak chu an rilru hahna ka ti zual mai mai zawk.

" ka lawm e.... ka kal tawh mai ang "

" awle.... " tih pahin driver nen an inzui chhuak nghala.

Ham bai bai pahin sana ka en zeuh a.
" tun ah hian enge a tih ve ang le? " tih sap pahin dawhkana chanchinbu chu ka la nghal a,hmu chak hle mah ila tun hma angin ka duh duh hunah ka chhuak thei lo a,chuta chapah taehyung an min lawm vak lo bawk nen ka tan chuan hetia awm tawp a a thinrim reh hun lo nghah tawp mai loh chu tih theih dang ka nei lo.
" Jungkook.... eitur i duh em? " Bella  chuan a rawn ti a.
" tui ka lo in ang"

" awle...." ka nui suk a, chungril ah erawh khawvela mi lungngai ber ka ni hial ang. Thawk chhuah halh pahin megazine chu ka zuk phek melh zeuh a mahse ka enchiang nawn leh rang kher mai, ka meng phawk nghal kawk bawk.

" Henu hi tunge?"chanchinbu kawm ah chuan taehyung leh hmeichhe pakhat hi an lo chuang vâ anih chu!!! Engtin nge hetiang thil hi a thlen theih.Thlalak chu a blur deuh avang leh taehyung an a hliah deuh avangin a hmeichhe hmel erawh a lang chiang thei lo thung.
Hmanhmawh lutuk hriat chian tum in an chanchin vel chu ka chhiar thla nghal zung zung a, a inziah dan chuan vawikhat mai pawh nilo vawi thum lai mipui hma ah an inzui chhuah tawh thu leh, kan inthen dawn thu pawh an ziak tel bawk!!! Ka thu hriat hian min thawng takzet a ,hei vang hi em ni taehyung mizia a danglam vek nachhan, a hma angin min ngaihsak tawh lo a, a rawn haw hma ngai tawh hek lo.... nilo.... henu nu nen hian an lo awm dun thin vang ani maw ka chungah thinrimna tur a zawn reng nachhan min then theih na turin..... ka thinlung hi tham nawk nawk ang maiin a na takzet,ka awm chu ka han dawm vang vang a tah hawm hawm mai ka duh.