𝐇𝐄'𝐒 𝐌𝐘 𝐃𝐈𝐋𝐄𝐌𝐌𝐀

𝖢𝗁𝖺𝗉𝗍𝖾𝗋 30: 𝖻𝖾𝗍𝗋𝖺𝗒𝖺𝗅

"The greater your capacity to love,the greater your capacity to feel the pain"

Jennifer Aniston

__________

TAEHYUNG POV.

Phone vibrate chur chur ri chuan min ti harh zawka mahse jungkook a tho tih ka hriat avang chuan thawh ka tum lem lo.Phun bul bul pahin min tih harh hlau tak si hian a tho zal zal a balcony ah a phei nghal daih bawk. Ka rilru te te chuan tun ang zan rei ah an rawn phone avangin mak ka ti takzet,a thianpa pawh alo ni reng thei ka ngaih ka ti tha duh lo chuang lo.
" Tunge maw rawn phone le? " tih sup pahin mutthilh lehnghal mai ka han tum a mahse jungkook awmdan avang chuan ka harh chiang hle mai. Hmanhmawh takin a kawrlum a ha sawk sawk a, ka muhil nge muhil lo tih min rawn en leh te te phawt a, ka lo muhil der tlat thung. Ka muhil emaw a tih avangin hmanhmawh takin thawm dim thei ang berin a chhuak nghal zal zal bawk.

Ngawi rengin ka zui chhuak ve nghala thil ei chak deuh a nei leh tawh aniang,mahse amah chauh in kaltir ka tum hauh lo eng thil emaw pawh a tawk palh thut thei chuvang chuan ka veng reng tur ani.Ka car pakhat chu chak zet hian a khalh chhuak nghala, zan dang aiin a speed a sang daih mai, ka tih thin dan ang bawkin a ruk thei ang berin ka zui leh zal zal a, ka duh chuan ka inhmuh tir thei mahse thil eichak a neih leh hunah min hrilh hreh si anga, a ei chak bawk nen lei ngam si lo in hrehawm ti taka a awm ka hlauh avang leh a nun hi zalen takin nuam takin hmang ve se ka duh avangin ral khat atangin ka lo veng tawp zel mai ani.

A khalh chak em avangin ka hlauh lek lek zel zanin chu engvanga hmanhmawh viau nge maw anih le? Zan danga a thil leina thin dawr kawtah chuan a ding dawn emaw ka tih laiin a tlan pel ta daih mai!! mak ti tak chungin ka zui ve zela, dawr a tlan pelh meuh chuan ka ngaih a tha ta lo,khawiah nge kal a tum? tih chu ka rilru ah a rawn lang hmasa ber ka hlauthawng ta hle mai.
Chutia a kalna tur ber pawh rin dan ka neih loh lai chuan hotel khawtah chuan car a ti ding ta chat a!! keipawh in hmanhmawh takin car a park na atanga hla lo te ah ka car ka park ve nghal vat bawk, chhuk lem lo in jungkook awmdan chu car atangin ka thlir renga.

Jungkook chu car atangin hmanhnawh takin a tlan chhuak nghal dawr dawr a, ka lo hlauhthawn ruk ang ngeiin yoongi nen an in kuah ta chat mai!! Ka thinlung chu vih sawk sawk ang mai hian a na nghal zawk zawk a,jungkook an hetiang hi ka chungah a tih ka ring pha ngai lo, car steering chu na takin ka han hum vang vang a ka thinrim lutuk chu car atanga chhuah a jungkook chu va hnek pawp mai ani ka duh.Mahse Kim Taehyung ka ni tlat...mi insum thei leh a thil tih tur ngun taka ngaihtuah thin mi Kim Taehyung kha ka ni tlat. Jungkook hi yoongi a mipa hmangaih ber leh junghyun ani tih hi pu Bernette dinner kilpui tura kan sawm tuk khan ka hre daih tawh ,ka rilru na in hrehawm ti hle mah ila ka pawisa lo ,a chhanchu hun kal tawh chu hun kal tawh ani ,jungkook ka hmangaih anga ani pawhin min hmangaih phawt chuan engkim theihnghilh a ngawih bopui daih kha ka thlang ta zawk ani.

Ka thin ti rim em em tu chu Pu Bernette a thusawi ka lo awih duh loh thin zawng zawng te kha engkim mai a lo dik vek vang ani chu aia maha ka thin ti rim zual tu leh ka rilru ti na em em tu chu jungkook an min lo hmangaih ve miah lo hi ani .A hun kal tawh te ka theihnghilh sak veka bul tan that ka duh laiin ani chuan a hun kal tawh kha ala theihnghilh ve lo, yoongi nen inthurual in min lo bum renga a rukin an inhmu thin bawk, yoongi theihnghilh tawh in keimah min hmangaih tawh emaw ka lo ti thin kha ka lo ring sual let der ani,Pu Bernette chu awm lo se min bum chhunzawm zel ang mahse tunah chuan ka â tawh bik lo ,enge an chungah ka tih dawn lo thlir phawt teh se.

__________

FLASHBACK-

Meeting kan nei zo ka office a ka lut tur chu hoseok nen kan intawk hlawl mai
" Big Boss Mr. Bernette an i room ah a nghak reng tawh che ania "
" awle.... " tih pahin ka lut nghala.