*•.¸♡ The Proposal ♡¸.•* ✓|| JHS || Sinhala Fanfiction

මගුල්දා

අපෝ... දැන් හෙන වෙලාවක් තිස්සේ මේක උඩට නැගගෙන ඉන්නවා. ඒ අස්සේ මේ සීයා මොනවදෝ කියවනවා තේරෙන්නෙත් නෑ.

"මේ.... ජං හොක් සෝ...." මෙතන සිද්ධ වෙන මෙලෝ මලදානයක් තේරෙන්නෙ නැතුව පෝරුවෙ යට වැටිලා තිබ්බ හාල් ඇට ගනන් කර කර හිටපු මාගේ තව චුට්ටකින් වෙන්න සැමියාව මං රහසින් ආමන්ත්‍රණය කලේ දැන් ටික වෙලාවක ඉඳන් මගෙ කට කහනවා කහනවා වගේ දැනුන හින්දයි.

අන්න මනාලස් එයාගෙ අර මහසෝනා ගැහුවා වගේ බැල්මට් එක ආයෙ දානවා. මං මොකක් කිව්වටද හත්වලාමෙ දැන් ඔහොම බලන්නෙ.

"මේ.... Birthday එක කවද්ද?"

"ම්ම්...??"

"උපන්දිනේ.... කවද්ද කියලා ඇහුවේ..."

"පෙබරවාරි 18"

"හරි හරි ඕකට ඔච්චර බය වෙන්න ඕනයෑ.... මං ඉපදුන දවස මිසක් මැරෙන දවස නෙවෙයිනෙ ඇහුවෙ..."

අපි දෙන්නගෙ කුටු කුටුව දැකලා මෙච්චර වෙලා අර අශ්ඨක කියන සීයා දිහා බලාගෙන සාරි පොටෙන් හොටු පිහ පිහ අඬ අඬ හිටපු අම්මා මටයි මනාලස්ටයි එකසිය ගානට රැව්වේ ඔන්න ඔය වෙලාවෙ. එයා නම් රවයි. අපි දෙන්නනෙ මේක උඩට නැගලා ප්‍රදර්ශන භාණ්ඩ දෙක වගේ වේලි වේලි ඉන්නෙ.

පැය භාගයක් විතර හිටියට පස්සෙ දෙයියනේ කියලා නැකතට දකුණු කකුල පෙරට තියලා පෝරුවෙන් බැහැලා ඇවිත් මනාලස්ගෙ මාපිය ඩබලටයි අපේ මාපිය ඩබලටයි වැන්දා....

ආ.... මනාලස්ගෙ තාත්තා පෙරේදා තමයි ලංකාවට ආවෙ. කතා කරලා වැඩක් නෑ හරි සිරියාවන්ත මාමණ්ඩි.

"අක්කෙ... එනවකො ෆොටෝ එකක් ගහන්න." එහෙම කියාගෙන මගෙ ලඟට ආවෙ වෙන මොකෙක්වත් නෙවෙයි මලයණ්ඩි. මුගෙ වැඩේම උදේ ඉඳන් ෆෝන් එකත් උස්සගෙන හොටෙල් එකේ තියෙන තණකොළ ගහේ ඉඳන් දකින දකින හැම එකකම ෆොටෝ ගහන එක.

"ඔන්න ඔය බඩකඩිත්තුව අරගෙන යනවකො සුදූ. මෙච්චර වෙලා ගැහුවෙ ෆොටෝ නෙවෙයිද?"

"අනේ අක්කෙ එකක්.... එකක්...."

"මේ මගුල දවසෙ මට කියලා අවමගුලකුත් කරගන්නෙ නැතුව පල....." ආවා මෙතන ෆොටෝ ගහන්න.

ක්‍රීම් ක්‍රැකර් එකට තට්ටු හතයි. අන්න ඒ වගේ සැලෝන් එකේ අක්කත් මගෙ මූනෙ මේකප් තට්ටු තට්ටු ඉලුවා. මට දැන් දැනෙන්නෙ හරියට මං ක්‍රීම් ක්‍රැකර් එකක් වගේ ෆීලිං එකක්. අනික මේ සාරිය.... මං කලිනුත් කිව්වේ... මේක සාරියක්මද කියලා මට තාම සැකයි. ඇයි යකෝ මේකෙ පුදුම බරක්නෙ තියෙන්නේ. මං හිතන්නේ මටත් වැඩිය මේ සරුවාලෙ බර ඇති. වෙඩින් එක ඉවර වෙලා හොඳ ගාණකට විකුණගන්න ඕන. දැන් නම් දකින දකින එකාට හිනාවෙලා කටත් රිදෙනවා. බලාගෙන ගියාම මගුල් ගන්න එකත් ලේසි පාසු වැඩක් නෙවෙයි.