لإني عاقر

مشاهد مستقبلية

مشهد _1_
ـــــــــــــــــــــــــــــــــــــــــــــــــــــــ

مندمجين نباوع للتلفيزون
وذولة الهنود يضحكون علينة
وكل ما اخطف اباوعلها تبتسم

يرتاح گلبي
سمعت صوتها الناصي يهمس:-هذا
المُمثل يشبهك

عگدت حواجبي وضحكت:-هذا يشبهني؟

_اي هذا اليرگص

_ولج هذا حلو

_لعد انت هم حلو

باوعتلها وابتسمت:-والله؟

دارت وجهها وكأنما
ماحست بروحها من حجت
درت وجهي عنها للتلفيزون وكل ما
اتذكر حجايتها تزود ابتسامتي

غير انت مامنتبه ؟
من گتلي انتَ حلو
ليهسة جاي اضحك؟

منو تتوقعون؟...

ـــــــــــــــــــــــــــــــــــــــــــــــــــــــ

مشهد _2_

دخلت شفتة بالحمام
گعدت ؏ تخم وانفاسي تنخفض
بيدي تلفوني

وشفت تلفونة ؏ ميز
رحت يمة وفتحتة بي رمز؟
جربت كلشي وما فاد

دخلت من تلفوني ؏ الارقام واتصلت
على رقمة

وطلع الأسم بعدة نفسة
غمضت عيوني واحس ارتاحيت

طفيت موبايلة من سمعت باب الحمام
ينفتح ورجعت لمكاني اكلب بالتلفون

راح يم المرايا و وگف يمشط ويتعطر
خلص واخذ تلفونة
واني عيني مدنگتها ؏ تلفون
بس بالي يمة اعرف شديسوي

و گف بنص الغرفة وهو يباوع لموبايلة
خاف عرف اني متصلة؟
اي يحضي يعرف من المكالمات الفائتة

ارتبكت و وجهي ينزل منة العرك گمت
احس من التوتر

_ليش داگة علية؟

_عبالي ما موجود

حجيتها واني مدنگة
وسمعتة گال:-أها

ضليت
مدنگة سمعت جملة هزتني
هز:-تخسين والله توصلين لربع نقاء أُمي...

ـــــــــــــــــــــــــــــــــــــــــــــــــــــــ

مشهد _3_

وهاي تشتري لبناتها واني
شايل العلاليك كلها بيدي نشلع كلب كلبي
من انعل ابو اليطلع ويا النسوان لسوك

_عمي يلا ماشبعتي

_لا شنو السالفة ستونة طلعنة

_هيّ طلعت من الوحدة الضهر وتكول ستونة
بابا الساعة بالخمسة