لإني عاقر

البارت الثالث والعشرون

بية شوغة ؏  واحد اخرس
سدو الباب اعله اصبعه
وبيه خنگه واحد اعمى
اعله الشمس غنوله ربعه
وبيه حسرة جامع الله
أذن وماشاف واحد
بالجذب صلاله ركعه

_لإني عاقر
_البارت الثالث والعشرون
_مريم الخفاجي

صوتوا للبارت+تعليق بين الفقرات+متابعة
لحسابي _mariam_alkhafaji_ لُطفاً..

ــــــــــــــــــــــــــــــــــــــــــــــــــ

...

ضربني راشدي بخفة
وهو يضحك عافني وطلع

ضليت اباوع للسگف بدون ما ارمش؟
شگال؟

احس الدنيا افترت بية
وعيوني معلگات بالمروحة
هو ذنبي؟

كمت بدون روح
وحتى دموعي مانزلن؟
بس گلبي احس صوت التكسير
جواي

يعيرني بمرضي؟
الي هو مو ذنبي؟ ولا ذنبك؟
ولا ذنب احد؟
هذا بلاء من ربي اعترض عليّ؟
آخر شخص توقعته يوصل لهالمواصيل هوَ
جنت مو حُب أحبة
لا!

وصلت لمرحلة اغلط بأسمي والفظ اسمك
هاي مجازاتي؟
اني الحبيتك اني الحترمتك
اني التحملت المُر علمودك المحد يتحملة
اني الي كلها وكفت
ضدي وكالتلي عوفي
وما عفتك؟

اني السمعت صوت قُربك منها
صوت قرفكم كلة وتحملت وسكتت؟
في سبيل الحب

وكلمات جاسر تدك براسي
الكرامة اساس الحب؟
شسويت اني شسسسسسسووووووووييييت
ليييش تجازيني هيج والله حبيتة
والله

گاعدة ؏ جربايتي والصوت الي بداخلي
يعاتبني

كمت و
طفيت الاضوية صارت هندس
وبالعادة ماطفي الاضوية كلها

دخلت بالفراش اني صافنة
شنو اسوي هسه؟ شنو الحل

وماكو غير حل واحد...
نمت واني كلبي يبجي

والصبح گعدت باوعت للساعة
بـ 8 الصبح واصواتهم جوة
وصوت ضحكاتهم العالية

يسمعون بية ويغثوني
كمت من مكاني غسلت وجهي
واباوع للمرايا عيوني دم واني ما باجية اصلا!

طلعت وباوعت لأرجاء الغرفة
راح يضل حبي اله يفتر بين
حيطان الغرفة

فتحت باب كنتوري
وجريت الجنطة مال سفر
فتحتها وضليت اسفط بهدوء تام
شلتها وكترتها ؏ صفحة

وكمت ؏ مرايا الف بالشال
نزلت أيدي ووكعن دموعي غصبا
عني باوعت للغرفه

هنا تشاقينة
هنا كعدنة
هنا لعبنة وضحكنة
وبذاك المكان نعبر عن حبنه واشتياقنه لبعض
راح اكمل حياتي بدونة
وهو خلي يكملها ويا عائلتة الكملت وتكاملت
و وجود ملاك مالة داعي بعد