عن يا جرح روحي ما حجتلك
عمت عيني على عيني شكد بجتلك
عفت زاد امي وتشهيت سمك
الله مخلي راحة بالي يمك
_لأني عاقر
_البارت الثامن والثلاثون
_مريم الخفاجي
صوتوا للبارت+تعليق بين الفقرات+متابعة
لحسابي _mariam_alkhafaji_ لُطفاً..
ــــــــــــــــــــــــــــــــــــــــــــ
...
مشيت واني كل ساعة دايرة
وجهي ؏ مرة
همسلي غيث:-بابا شبيج شعليج بيها
تحجي عشرة بالشهر
هاي
ملاك:-خوفتني
شال ايدي وباسها قوي
غيث:-لا تهتمين مدام اني يمج
ملاك:-لا تعوفني
غيث:-وداعة عيونج ماعوفج لاتصدكين گتلج
ختولي اني الهوى ماشمة بدونج تردين اعوفج؟
ضليت لازمة ايدة طول الطريق
لحد ما وصلنة للبيت ماقبل ياخذني
للمستشفى فعلاً جنت ميتة تعب
لبست شي خفيف ونمت
وهو اجة من وراي وحضني وخلة راسة ب
رگبتي ونمنة
لحد العصر يلا گعدت ؏ التلفون
يدك فتحتة لگيتة جاسر
ملاك:-ها جاسر
جاسر:-طلعت امي من المستشفى
ملاك:-ها ليش
جاسر:-ذولة الجلاب مارضو بعد يخلوها
ملاك:-غير منطين فلوس احنة
جاسر:-جلاب ولد جلاب
المهم هسة تجين؟ بس انتي حافظة ادوية
أمي
ملاك:-اي هو هسة اجي جنت بالزيارة
جاسر:-قبل الله يلا منتضرج
غلقت التلفون وباوعت لغيث نايم
ابتسمت لشكلة ومسدت ؏ شواربة
واني اتذكر كلام المرة وگلبي
يدك
بست خدة وهو جرني الة:-گوم يلا نرجع
غيث:-مشتاقلج
ابتسمت وانطيتة روحي مو بس جسمي
لمساتة الحنونة
نستني كلشي سمعتة
وكل خوف حسيت بيّ
قبل شوية
گمت من الفراش ورحت للحمام
سبحت وطلعنة رجعت لبيت أمي
ملاك:-ها حبيبتي زينة؟
ابتسمت وهزت راسها
ملاك:-مرتاحة بنومتج؟
رجعت كررت الحركة واني ضليت
يمهم انطيها دواها وانام
يمها
غيث عافني براحتي يجي يسلم ويشوف
امي ويروح
كم يوم واجو خوالي
والنذل اجة وياهم هم قبط صدري
فكرة اني مجذبة ؏ غيث
وما گايلتلة ؏ كمال توترني وتموتني
ليش جذبت؟
حط عينة بعيني وعبرني الادبسز
لزمت خالتي انهار وگتلها:-ليش تجيبوه وياكم
خالة تردون تموتوني انتوا
أنت تقرأ
لإني عاقر
أدب نسائييُقال ذاتِ يوماً يقع كائن من يكُن في هيام الحُب ها أنا الكائن في حُب معشوقي وقعتُ تخطيت تلك المشقات معكَ وتلك المتاعب معكَ وتلك الآلآم معكَ ها أنا اليوم معكَ اسأل نفسي في كل مرة أ أصبح كُل يوماً أنضر لعينيك؟ أنضر لملامح وجهك؟ أحفضها جيداً ...
