Zawgi
မိုင် S2-1
___________
Rainအမည်ဖြင့်ဓါတ်ပုံဆိုင်ထဲမှာခွန်ချမ်းပိုင်တို့သူငယ်ချင်းတစုပွက်လောရိုက်နေသည်
" ငချမ်း မင်းကမြန်မာကိုခုမှပြန်ရောက်တော့ ငါတို့ခရီးတိုလေးတခုထွက်ကြမလား "
ခွန်ချမ်းပိုင်သည် ကင်မရာကိုသေချာသုတ်ကာဇေယျအမေးကိုပြန်ဖြေခဲ့သည်
" အေး မင်းတို့ဘယ်သွားချင်လို့လဲ "
" ပြင်ဦးလွင်မှာပန်းပွဲတော်ရှိတယ် သွားကြမလားဓါတ်ပုံလည်းရိုက်ရင်းပေါ့ "
ဇေယျစကားကိုလုဖြေလိုက်သူမှာညီနေနိုင်ဖြစ်သည် ညီနေနိုင်စကားကိုဇေယျလည်းထောက်ခံသည်
" ဒီကောင်ပြောတာဟုတ်တယ်ကွ ပြီးတော့ပြင်ဦးမှာလည်းအချောအလှလေးတွေပေါတယ်ကွ အဟက် "
" နှာဘူးတွေဒါကျတတ်တယ် ပြင်ဦးလွင်ဆိုတော့လည်းကောင်းတာပေါ့ငါ့ညီမရှိတယ် သူ့ဆီလည်းဝင်ရင်းပေါ့ ဘယ်နေ့သွားမှာလဲ "
" ဒီနေ့ဘဲကွာ ! "
ခွန်းချမ်းပိုင်တို့သူငယ်ချင်းသုံးယောက်သည် ကားကိုကိုယ်တိုင်မောင်းကာပြင်ဦးဆီသို့ထွက်ခဲ့ကြသည်
ဒီခရီးစဉ်ကကျွန်တော့်နှလုံးသားကိုပြောင်းလဲသွားစေမယ်ဆိုတာမသိခဲ့မိဘူး။
" မိုင် ! မိုင် ! "
နေကြာခင်းကိုရေလောင်းနေတဲ့မိုင်တစ်ယောက်အိမ်ထဲကနွယ့်ခေါ်သံကြောင့်မျက်ခုံးတွန့်လိုက်သည်
" နွယ် ငါဒီမှာဘာလို့အဲ့လောက်ထိခေါ်နေတာတုန်း "
" ဟီး မနက်ဖန် အမျိုးသားဥယျာဉ်ထဲမှာပန်းပွဲတော်ရှိတယ် စိတ်ပြေလက်ပျောက်သွားမလားမိုင် "
" အင်း ကောင်းသားဘဲသွားတာပေါ့ "
" အွန်း မိုင် "
အချိန်တွေကတရွေ့ရွေ့ပြောင်းလဲနေခဲ့တယ် ရက်တွေလတွေနှစ်တွေသာပြောင်းလဲသွားတယ် ခုထိမောင့်ကိုချစ်တဲ့အချစ်တွေကမပြောင်းလဲခဲ့သေးဘူး နေကြာတွေကိုချစ်တဲ့စိတ်လည်းမပြောင်းလဲသွားဘူး ကျွန်မအထီးကျန်တဲ့အခါနေကြာတွေကကျွန်မရဲ့အဖော်မွန်ပေါ့။
