Zawgi
မိုင် S2-22
__________ကိုကိုအကူညီနဲ့အမေ့ဆီကအမှတ်ယူဖို့ကြိုးစားရမည်။ကိုကိုကလည်းအပြည့်အဝထောက်ခံကာကူညီပေးသည်။
" အမေရှင့် "
ဧည့်ခန်းထဲမှာထိုင်ကာချည်ထိုးနေတဲ့ကိုကိုအမေကိုအမေလို့ခေါ်လိုက်တော့မျက်ထောင့်နီနဲ့ကြည့်လာသည်။
အမေကသူ့ကိုကျွန်မကအမေလို့မခေါ်ဖို့ပြင်းပြင်းထန်ထန်တားမြစ်ထားတယ်မဟုတ်လား။သတိလွတ်စွာခေါ်မိတဲ့ပါးစပ်ကိုသာစိတ်တိုမိသည်။
" အာ အန် အန်တီရှင့် ! "
" ပြော ! "
" ဟိုလေအန်တီချည်ထိုးနေတာတွေ့လို့ကျွန်မကူညီပေးချင်လို့ပါ "
အရင်တုန်းကလည်းမောင့်တွက်ဆွယ်တာတွေကိုကိုယ်တိုင်ထိုးပေးနေကျမို့ချည်ထိုးတာကအခက်ခဲမရှိပေ။
" မလိုဘူး ! "
တခွန်းတည်းပြောပြီးတာနဲ့ချည်ဆက်ထိုးနေတဲ့အမေ့ကြောင့်ကျွန်မသက်ပြင်းချမိသည်။
" ဖွားဖွားကြီး ! "
ကျောင်းကပြန်လာတဲ့သမီးလေးကအမေ့ကိုပြေးဖက်လိုက်သည်။အမေကကျွန်မပေါ်တင်းမာပေမဲ့သမီးလေးကိုတကယ်ချစ်ပေးသည်။
" မြေးလေး ကျောင်းကပြန်လာပြီလား "
" ဟုတ်တယ်ဖွားဖွားကြီး ဒီနေ့လေဖေဖေကမီးကိုရေခဲမုန့်ဝယ်ကျွေးတယ် ပြီးတော့မေမေလေးအတွက်လည်းဝယ်ပေးတယ် ဖွားဖွားကြီးတွက်လည်းအားဆေးဝယ်လာတယ် "
ကျွန်မကိုအမေဘယ်လောက်မုန်းမုန်းသမီးလေးရှေ့မှာတော့တခါမှဒေါသအရိပ်ယောင်မပြပေ။
" ဟုတ်လား ရေခဲမုန့်ကစားကောင်းလားမြေးလေး "
" ကောင်းတယ်ဖွားဖွားကြီး "
" ဟုတ်ပါပြီကွယ် ဒါဆိုမြေးလေးရေချိုးတော့နော် ပြီးရင်ဖွားဖွားနဲ့ခြံထဲမှာဆော့ကြမယ် "
" ဟုတ်ဖွားဖွားကြီး "
အိမ်ခန်းထဲသမီးလေးဝင်သွားတော့မှကိုကိုလည်းကားသော့ကိုင်ကာအိမ်ထဲဝင်လာသည်။ကိုကိုကအဆင်ပြေလားဆိုတဲ့မျက်နှာရိပ်နဲ့မေးပေမဲ့ကျွန်မခေါင်းခါပြလိုက်သည်။