بقلبي صرخات مقيدة أريد التخلص منها...أحتاج حضن لأضع رأسي عليه...أقسم لن أشكي ولن أحكي سأبكي بهدوء
✨........................✨
شرار:هلتغير مو خالي ببالج شي
فرح: ليش ممصدكني يعني
شرار:ماكو تغير يصير ب ليلة ويوم.
وهسة اتركينة من هذا الموضوع الايام والمواقف تثبتلي
فرح:يي
شرار:يي ليوم شلاعبة بروحج يم علياء
فرح: شلاعبة
شرار: فرحةة مشتاقلج لاتبعديني منج
فرح:مو هاي يمك بعد شلون مشتاقلي
باوعلي ثواني كال
شرار: نامي بوية نامي
فرح: نمت وكعدت. الساعة ب 9 ص. باوعت علي نايم كمت سبحت وطلعت وهو نايم. رحت كعدتة كال نزلي اريد انام
ورجع نام. نزلت جوة جان الحجي موجود صبحت عليهم سئلوني علية كتلهم بعدة نايم رحت للمطبخ ويا شهد. دنسوي ريوك. واكفة عل ميز اخلي الجبن ب المواعين كالت شيرين
شيرين:وين ابو فهد
شيرين: مواحجي وياج متجاوبين
فرح: شعليج انتي
شيرين:اني هسة اكول للحجي يسوويلنة حلل بعد
فرح:سكتت منها مالي خلك لها كملنة الريوك ودينا اني ماحب اتريك تلعب نفسي بس صبرية دكت الأ اكعد كعدتت يمها سوتلي لفة
صبرية:هاج اكلي شمالج يحضي
فرح: خلصنة ريوك وصبرية راحت صعدتلة لساعة ب 11 عبالي راح الكا كاعد بس شفتة نايم رحت يمة كعدتة.
فرح:شرار
فتح عيونة وجهة صاير احمرر
فرح:شنو شبيك
اخذ ايدي خلاها عل راسة
شرار:راسي فرحة راح ينفجر
فرح: زين كوم اسبح واكل انت مو ماماكل شي
شرار: مابية حيل عيوني كوة اشوف بيهن
فرح:لزمت ايدة ترجف
راح اروح اصيح ياسر وارجعلك شرار
تسمعني
فتح عيونة وهز راسة
نزلت بسرعة ل ياسر لكيتة كاعد ويا الحجي.
فرح: ياسر. اصعد شوف شرار ماعرف شبي
ياسر: شبيي
ماانتظر جوابي وصعد. اجت خالة تصيح شكوو شبي ياسر
الحجي: مابي شي يابة صعد يشوف شرار
راحت صعدت خالة واني صعدت وراها
شفت ياسر يحجي ويا
ياسر: كووم بعد اخوك خل اخذك
ام شرار:يممة شبيي
ياسر:بس عل كيفج مابي شي
خوية كوم وياي يلا
فرح تعااي سااعددي
فرح:اجيت لزمت ايدة كال
شرار: لا وخري انتي اني اكوم
ام شرار:سودة علي يابعد حيلي شجاك يمة
فرح: كومة ياسر واخذة للحمام.
طلع ياسر كال
ياسر:روحي ساعدي فرح شبيج صافنة
فرح:يي يي
دكيت باب الحمام سمعت صوتة كال فوتي دخلت هو واكف يم المغسلة.
غسل وجهة وجسمة. وبلل شعرة اخذت لمنشفة نشفتلة. طلعنة وهو راح كعد عل جرباية. خالة محضرتلة ملابس اخذهن ياسر وساعدة يبدل. نزلنة. واخذة ياسر ولحجي راح وياهم كعدت عل لدرج وكعدن الحجية وخالة. وحدة تصبر بلثانية.
أنت تقرأ
مابين الحـب والانـتقام
Teen Fictionللكاتبة: مــريـم الغـراوي للكسر جبرآن. للحواجز عـوالم. للسباع مهاب. و للدنيا اخره. انا كنت ضحية للانتقام بین انیاب منتقم انا كنت ضلع من رجل منتقم و کنت متعذبه به انتقامه تسارعت مع مشاعرها و هي تخاطبه ب كل الم و التهاب جروح. - لقد تعذبت و انا في بحا...
