LOVER = LO$ER //Complete//

Chapter V

မနက်မိုးလင်းတော့ အိပ်ရာနံဘေးကအေးစက်စက် ကြည့်ရတာတော့ ဂျီမင်ထသွားပြီထင်တယ် ။ အချိန်ကိုကြည့်တော့ မနက် ၈ နာရီ...ပထမဆုံးအလုပ်စ၀င်မယ့်ရက်မှာ မနောက်ကျချင်တာကြောင့် ခပ်သွက်သွက်ဘဲ ရေမိုးချိုးလိုက်တယ် ။ အကုန်ပြင်ဆင်ကာ နောက်ဆုံးတစ်ခေါက်မှန်ကြည့်ပြီး အခန်းထဲကထွက်လာတော့ တစ်အိမ်လုံးသူတစ်ယောက်ထဲခြောက်ကပ်ကပ် ။ မီးဖိုချောင်ရောက်တော့ အသင့်ပြင်ဆင်ထားတဲ့ နံနက်စာ ၊ နွားနို့ခွက်အောက်ကစာရွက်ကိုယူကြည့်လိုက်တော့ ပတ်ဂျီမင်လက်ရေးဖြစ်ဟန်တူတဲ့ ၀ိုင်းစက်စက်လက်ရေးလေး....

**ကိုယ်ဒီနေ့အရေးကြီး meeting တစ်ခုရှိလို့ မနက်စာပြင်ပေးခဲ့တယ် အေးတာမကြိုက်ရင်နွှေးစားနော် Have a nice day Jeon**

သူပြုံးမိသွားတယ်ထင်တယ် ။ မာမီဆုံးပြီးကတည်းစိတ်လွတ်လက်လွတ်ပြုံးမိတာဒါပထမဆုံး ဂျွန်အိမ်တော်မှာ သူ့အတွက်ဆိုပြီးဘာမှသီးသန့်မရှိခဲ့ပေမယ့် ပတ်ဂျီမင်နဲ့အတူနေတဲ့အိမ်မှာတော့ အရာရာဟာသူ့အတွက်သီးသန့် ။ အလောင်းအစားကိစ္စခေါင်းထဲရောက်လာတော့ လှောင်ပြုံးအဖြစ်ကူးပြောင်းသွားရပြန်တယ် ။ ပတ်ဂျီမင်ပြင်ပေးတဲ့မနက်စာကိုစားပြီး ကုမ္ပဏီကိုထွက်လာတော့ ၈:၄၅ ။ အင်း....အလုပ်သင်အနေနဲ့စ၀င်ပြီး ၃ လကြာရင်မန်နေဂျာချုပ်ရာထူးပေးမယ်ပြောထားတဲ့ ဒယ်ဒီ့ကြောင့်သူဟာအခုချိန်မှာအလုပ်သင် ။ အပြန်အလှန်အနေနဲ့သူဟာ ဥက္ကဌသားဖြစ်ကြောင်း ရေငုံနှုတ်ပိတ်နေရမည် ။

မိသားစုပိုင်ကုမ္ပဏီကိုကြည့်တော့ခမ်းခမ်းနားနား ။ ညှပ်ထားတဲ့ဆံပင်တွေကို ဂျယ်နဲ့သပ်တင်ထားပြီး လောလောလတ်လတ်ဖောက်ထားတဲ့ မျက်ခုံးက piercing ကသူနဲ့လိုက်ဖက်စွာတည်ရှိလျက် ။ တံတောင်ထိခေါက်တင်ထားတဲ့ ရှပ်အင်္ကျီအောက်ပေါ်ထွက်လာတဲ့ တက်တူးတွေနဲ့အကြောစိမ်းစိမ်းလက်တစ်စုံဟာ မိန်းကလေးတချို့အဖို့ ထိုလူသားအောက်ရူးပစ်ချင်စရာကောင်းလောက်အောင် ညှို့ချက်တွေ ။ သို့သော်အခုချိန်မှာသူဟာအိမ်ထောင်သည် စောင့်ထိန်းသင့်တဲ့စည်းတွေရှိတယ်ဆိုတာ သူဟာသိပြီးသား ။ သူတာ၀န်ကျတဲ့ဌာနဆီသွားတော့ အကုန်လုံးကနွေးနွေးထွေးထွေးကြိုဆိုလျက်....ထိုထဲကသူ့ကိုတပ်မက်တဲ့အကြည့်တွေနဲ့ ကြည့်နေတဲ့မျက်၀န်းတစ်စုံကို သူသတိမမူမိချေ ။