*رواية التاسع من أكتوبر
//بقلم الكاتبة غرور العراق
///الكاتبة أيليت
إنه أكتوبر
الشهر الذي حرم من دفء الصيف وشاعرية الشتاء
الشهر الذي تنتهي فيه أحلام الصيف الزاهية ،
بينما آمال الشتاء الغامضة لم تولد بعد! الشهر الشبيه بهيكل عظمي
يرتدي عباءته السوداء ويرتجف ..
لو كان للهياكل العظمية أن ترتجف ..!..؟
لميت الملابس و اني اعزل بيهن وخلي كلشي بجهة البنات اذا يلگنهن هوسة يحجن علية
قطع علية صوت صريخ و صياح من داخل البيت شمرت السلة من ايدي ودخلت اهرول
واكف بهيئتة المقززة ولازم ثنين بنات وحدة منتهية كلش حتى معالم وجهة رايحة و الثانية تصيح و تستريع وتعافر بأيدة تريد تشرد
طلعت خالة عفاف من غرفتهة وتعدل بسير فستانها الهادل وبيدهة علج فتحتة وخلتة بحلكهة وتباوعلهن بستهزاء
عفاف: شدعووواج عيني صوتج فزز الموتة
ردت عليهة بغضب: موت الياخذج يا گ" يا ساق*" عوفنيي لككك انتة تعرف اني بت منو
ضحك ودفعهة قوي ضرب راسهة بحافة الدرج شهگت وركضتلهة اريد اكومها
فززني صوت عفاف : لججج عوفيها وصعدي لغرفتج
:بـ..س اشوفه شبيـ..
عفاف: اصعدييي
كمزت من مكاني على صوتها ركضت فوگ وكعدت بصف السياج واني اسمعلهم
: عفوفة هاي الحلوة خذيها عدلي وجها يردونها بليل وهاي ام لسان خليها يمج علميها
عفاف: دروحح اني اضل اربي بگ***" ومامحصلة بس شتايم شلي بشلعان الگلب
: دسكتي معيشينج بفلوسنة و مادة لسانج علينة
غمتة بثنين اديها وغلطت عليه ضحك ورفع عيونة الي من فوگ ابتسم بستهزاء : تعاييي اخذيهن
خزرتني عفاف واشرتلي بيدها اصعد بقت عيني عليهن يبجن و يتوسلن ورة ما أيسن منهم بقن يونن يباوعلي بترجي و عينهن على عفاف
مبينات من شكولهن خوش بنات ذني عاشن عمرهن احسن عيشة تدللن بس وكتهن اغبر طيحهن بيدهم
اعرف شگول البنات ليجبوهن ..يا مخطوفات و ذني يبقن يدافعن و صامدات كدامهم اكو بيهن يموتن ولا احد يمسهن
اكو لا مبينات جايات بارادتهن يا هنة مو خوش يا يدورن فلوس و مكان يضمهن.. بيهن مضحوك عليهن وشاردات من اهلهن ورة ما يخسرن شرفهن
هنا حجيهم يمشي ..اذا دخلت هاي الاماكن ودخلت رجلك بهاي البيوت ماتطلع الة تخسر شيء
البنات و شباب هواي يا اما مشردين..فقراء ... اشخاص تورطو وتلوثو ..لو يدورون عيشتهم داخل هاي المستنقعات
YOU ARE READING
التاسع من أكتوبر
ChickLitإنه أكتوبر الشهر الذي حرم من دفء الصيف وشاعرية الشتاء الشهر الذي تنتهي فيه أحلام الصيف الزاهية ، بينما آمال الشتاء الغامضة لم تولد بعد! الشهر الشبيه بهيكل عظمي يرتدي عباءته السوداء ويرتجف .. لو كان للهياكل العظمية أن ترتجف ..!..؟
