رواية التاسع من أكتوبر
البارت الاول
بقلم
الكاتبة //غرور الزاملي
الكاتبة //ايليت
اللهم صلِّ على محمد وآل محمد
مسائكم حلو مثلكم 🙂♥
تنزيل يعتمد عليكم يزداد بزيادة التفاعل
ضاعن درابين العمر
ماندري نمشي بيا درب
جا ليش من دون الخلق
عشنة ويا اهالينا غرب
......
.:
تفـاحة فاسدة
الوصف الادق والاقرب للعراق
حمرة و ناضجة ..بس من تفتحها تنصدم بكمية العفن البداخلها
ما قصدي اهين شعب لو ناس شريفة.. بعيداً عن جمالية المناطق الراقية و تدين المناطق المعروفة
بعيدا عن ..روتين الحياة العايشينة اغلبنة ..اب حنون و ام مربية و متدينة
اخوان يعطفون وحتى لو ما ظهرو عاطفتهم .. اخوات يعطفن على بعض
نروح بعيد عن شوارع بغداد الراقية و الناس البسيطة العايشة بشرف..نغوص بالعمق
"حيث الجزء الفاسد من التفاحة "
للناس لتباوع بجشع..الشايلة نفوس مريضة و طمع يلوث ارواحها
كالعادة و مثل مامتعلمة.. اول يوم بأحزن شهر يمر على الامة الإسلامية..سواء كانو سنة او شيعة
ماننكر .. المأسي الشايلها شهر محرم الحرام .. المصائب المرت على اطهر نفوس
الاصلاح الدفنو أصحاب النفوس المنافقة .. الحسين الشهر مو بس سيف على البغي و الطغاة
كل بيت حالياً يعلن حدادة و مراسم محرم تضج بالشوارع..عكس هنا
صوت الاغاني اليصدح من الصالة وضحكهم بقذارة وسوالفهم الوصخة
عربدة و سكر و فواحش .. اختنگت كلش وضيقة احتلت صدري حيل
شايلة ذنب عظيم اني ..عندي اهل ما يتسمون اهل ..اب حتى حرام بي البر
يعرفون الله و الدين بس من يردون مصالحهم ..شهگت ودموعي تتسابق .. لميت نفسي حيل وسديت اذاني
ماريد اسمع اغاني ولا فجور .. خصوصاً بهذا اليوم..ماريد اشاركهم ذنبهم ولا اثمهم
شنو من ارواح شايلين ..مو بشر .. يحتفلون على لاشيء يحتفلون وبهذا اليوم حتى الهوة تحسة يوكف حتى الجو يتغير ويصير كئيب
ندفر الباب وصاح بصوتة الخشن :كوممييي لججج جيبي ثلج ابوج يريد
عصرت ادية على حلگي حيل بلكي عبالة نايمة ويروح ..شهكت على ضربتة بخاصرتي
شالني من دشاشتي وكفني تنهدت بضوجة وقهر فلتت منة وعفتة يسب بية
دخلت للمطبخ طلعت دولكة جامدة كسرت الثلج وما طاح السب من لساني جعلة سم بگلوبكم.. كون تشرگون وتموتون وين هذا الشهر الفضيل
YOU ARE READING
التاسع من أكتوبر
ChickLitإنه أكتوبر الشهر الذي حرم من دفء الصيف وشاعرية الشتاء الشهر الذي تنتهي فيه أحلام الصيف الزاهية ، بينما آمال الشتاء الغامضة لم تولد بعد! الشهر الشبيه بهيكل عظمي يرتدي عباءته السوداء ويرتجف .. لو كان للهياكل العظمية أن ترتجف ..!..؟
