التاسع من أكتوبر
بقلم.. غرور العراق.. ايليت
لا تنسون تصويت+تعليق بين الفقرات ومتابعة لحساب ♡
..
.:
مرن اربع ايام احنة بأربيل فريتها فر اول يومين قهار يطلعني وراهة مل وكعد ضليت اني افرفر
باجر نرجع ليلة اخر شيء هنا بنفسي ما ارجع بس كافي هياتة خل اصير مرة حوگ وارجع لبيتي
مديت ايدي لازمة كوب احترگت من حرارة اخذهن مني گعدت بصفة .. اخذت مبايلة منة و خليتهن بعيدات
قهار: ها عيني سالمين
درة:عوفهن خل نلعب ما مليت من مبايل
باوعلي بنص عين : هاي ياهي المالة من المبايل انتي
درة:اي شگلولك علية مدمنة حبيبي
قهار: عيارة
ضحكت ضربتة بجتفي رجعها الي بوزت ندارت نطيتة ظهري
درة:اضفر وياي خل اسوي شعري ملولو
قهار:هية هاي لعبتج
درة:اييي يالة حباب عاوني
قسمت شعري خصل واضفي بي هوة يضفر من ورة ماتوقعتة يعرف
درة: هلو عيني من متعلم ضفر
قهار:جنت اضفر لانفال وهية زغيرة
درة:يمة فدوة ..زين قهار عادي اسأل
قهار:سألي حبيبتي
درة:امك وين شو ما تحجون بيها
قهار:ماتت
نداريت عليه : اسفة ذكرتك البقية بحياتك
همم بدون مايرد و رجعني لگعدتي وكمل ياخذ خصل من شعري ..
ضلينة ساكتين محد حجة ..مديت ايدي اخذت گهوة اشرب مرة تگطع گطع
لعبت نفسي طفرت بسرعة للحمام روحي لابت اريد اتقيء بس ماكدر
حسيت ايدة على ظهري:اسم الله شبيج
درة:لعبت روحي من كهوة لان مرة
بطني گامت توجعني و بس اتوع ما اتقيء حتى دموعي وگعن مسح على ظهري و رفع شعري حتى اكدر اغسل
متضايقة من طعم مزعج خلاني جوة ايدة يمسح على وجهي ..طلعني من حمام
قهار:ها زينة هسة بعدج لعبانة روحج
درة:لا ..بس تضايقت
رجعت گعدت بس طعم بحلگي بعدة شربت ماي وتمددت على كرويتة وشعري كفشة نص مضفور ونص لا
لميتة و لبس كبوس ..اجة هوة شال راسي خلاه على رجلة ومدد بيدة جهازة
بقيت صافنة اباوع للحياطين طاحت عيني على ساعة بالعشرة بالليل..البردة مفتوحة ومنظر حلو
YOU ARE READING
التاسع من أكتوبر
ChickLitإنه أكتوبر الشهر الذي حرم من دفء الصيف وشاعرية الشتاء الشهر الذي تنتهي فيه أحلام الصيف الزاهية ، بينما آمال الشتاء الغامضة لم تولد بعد! الشهر الشبيه بهيكل عظمي يرتدي عباءته السوداء ويرتجف .. لو كان للهياكل العظمية أن ترتجف ..!..؟
