التاسع من أكتوبر
البارت الخامس
بقلم
غرور الزاملي
ايلييت
.......
مسائكم ورد يا عطر الورد 🌹♥
.:
ان الحـرية لا تعني أن تفـعلي كل شيء تريدينه
بل أن لا تفعلي أي شيء لا تريدينه
ان تكول لكِ حرية الاختيار لا ان تكوني مسلوبة الارادة،لعبـة يحركها من هم اقوة ان تكوني مملوء بالضعف ، هشة كالزجاج يمكن ان يكسرها اي شخص
عندما تكوني مهشمة من عائلتك لايمكن لأي علاج في الكون ان يشفي ما تهشم و كُسر
لا كلمات مواساة ولا جبر ولا رجل احلام ولا احضان يمكنها ان تصلح ما تفسده العائلة
هي سنـد عن البعض و كسر عند كثيرين ..رجل دون احلام ولا مبادئ ولا دين ، يقترن بأمرأة مسلوبة الإرادة
ضعيفة لا تفقه شيئاً من الحياة سوى التدلل و التذلل ماذا سينجـبون؟!
ضحــايــا..
ضحية لواقع تعيس و بيئة محكوم عليها بالفشل و وطن بلا جدران بلا امال و احلام
انـهُ مثل المـرض يهشم كل العظام يتسلل عبر الخلايا ينهش ما يصادفه من حياة
عصرت نفسي على الحايط الوجع بجسمي و بروحي رجلية يرجفن بعدني خايفة
ماگدر اوكف كدامة ابد اصيح و يتبدد صياحي بعاصفة طغيانة اكرها و اخاف منة
لا أگدر اعارض و اشجع ولا أگدر احنن گلبة علية بقيت على حالتي و الوقت يمر بطيء
بكل ثانية ادعي كون رعد يرجع كل ما اسمع صوت افز و ارجع اغفي من الوجع
حرارة شتعلت بجسمي من ضرب اسمع سوالفهم برة يضحكون ..
صوت منى و هية تشاقي ابوي و تضحك .. صفاء و امي گعدتهم وگان ماعدهم اي هموم ولا تهمهم الدنيا
هاملينـي ..،
ابوي يحب منى هواي مو لشيء بس هية زوجت واحد شوية حالتة زينة يعني من ذولة اليتفيكون
جابتة لدرب على گولتها..غرتة و خلتة يتعلگ بيها ، اذكر لحد الان شلون اجت لابوي
وبكل صلافة گالتة جبتلك نسيب زين لا ترفضة و زوجتة .. جانت جذابة بشكل و خبيثة
تلف الوضع لصالحها دائما ، اول سنة من زواجها غرگت ابوي بالفلوس
طلعت مجذبة على رجلها ،على ساس مريضة وكل الفلوس للعلاج هية جذب تجيبهن لقاسم
من عرف نگلبت حياتها للأسوء .. جان عدة اخو لرجلها خانتة وياه و مفتخرة
وراها مات و زوجت اخوه بكل نفس قذرة..المكر و الخبث كلة بعقلها خيانة و وضاعة
أنت تقرأ
التاسع من أكتوبر
أدب نسائيإنه أكتوبر الشهر الذي حرم من دفء الصيف وشاعرية الشتاء الشهر الذي تنتهي فيه أحلام الصيف الزاهية ، بينما آمال الشتاء الغامضة لم تولد بعد! الشهر الشبيه بهيكل عظمي يرتدي عباءته السوداء ويرتجف .. لو كان للهياكل العظمية أن ترتجف ..!..؟
