البارت الرابع
التاسع من أكتوبر
بقلم
غرور، الزاملي
ايليت
::::::::
مسائككم افراح ومسرات حبايبي،
اللهم صلِّ على محمد وآل محمد
:::::: ♡
.:
كمت الصبح على هوسة و سوالف عدلت نفسي و لبست شال طويل يغطي نص جسمي و طلعت
الاصوات من جوة باوعت من درج صفاء و منى وجهالهن نزلت سلمت عليهن كامن باوسني و ينشدن
شافت منى وجهي حجت بضحكة: يا هاي مكتولة
درة:يوم الالج
صفاء: من لسانج عام عليج غير شمالج مزوركة
منى: جايبة وياي مكياج من هذا زين هسة اطلعج تخبلين
صفاء: خليلها مكياج ثگيل يوخر هاي اثار الضرب
بقيت مثل ثولة بينهن عفتهن و مشيت دخلت للمطبخ سويت ريوك كعدت اكلت و كمت نظفت مطبخ
ورجعت نظفت بيت على نص و سحبتي منى وهية تحجي بستعجال :كافي كافي صفاء تكمل تعاي انتي
درة:شبيج اريد اكمل تنظيف وخري
منى:ديلة على حورة بيتنة حتى من تنظفينة يطلع وصخ
درة: لاتبقين تصنفين وخري
اجت صفاء اخذت المكناسة مني و أشرت لمنى تروح اخذتني دخلتي لغرفة أمي كعدتني كدام المراية
نزعت شالي رجعت سحبتة من ايدها :شبيجن وجع غير تفهمني شدسوين
منى:خاب جبت مكياج جديد اريد اجربة على وجهج انتي صافي وجهج مو مثلي
كمت منها وحجيت بضوجة: وخري مالي خلق جربي على صفاء
لزمت امتوني وكعدتني : بس شوية شبيج طافرة
درة:كاعدة توني وانتي تتعيقلين براسي
ابتسمت وگرصت خدي شالت جنطتها وطشرت مكياجات هواي على ميز
بلعت ريكي واني گلبي ابد ما مرتاح ماعرف ليش بدت تخليلي دهونات وراها كريم
انتبهت على صفاء و امي يسولف ويأشرن علية وراها دخلت صفاء فتحت كنتور وطلعت فستانين
واحد ابيض و ثاني لونة وردي فاتح قصير يوصل فوك ركبة
صفاء:منى ياهي منهن هسة ينلبس
منى:الوردي الوردي ذاك لأبيض بعدين
قاطعتهن اباوعلهن بتوجس :ما مرتاحتلجن شكو
منى:انتي بس لاتحركين خليني احطلج مكياج و اكلج
لزمت وجهي باوعت بي شوية حددت حواجبي و وسوت رموشي لفت وجهي للمراية
YOU ARE READING
التاسع من أكتوبر
ChickLitإنه أكتوبر الشهر الذي حرم من دفء الصيف وشاعرية الشتاء الشهر الذي تنتهي فيه أحلام الصيف الزاهية ، بينما آمال الشتاء الغامضة لم تولد بعد! الشهر الشبيه بهيكل عظمي يرتدي عباءته السوداء ويرتجف .. لو كان للهياكل العظمية أن ترتجف ..!..؟
