التاسع من أكتوبر
بقلم.. غرور العراق.. أيليت
ليش تفاعلكم هابط؟؟؟؟
أحتمال الان دا أنزل يومي يجوز هذا السبب مو بلة؟ 🙂
....
واكفة كدام المراية اعدل بفستان جان حرير ولونة سمائي بسيط حيل و حلو
رتبت وجهي ولبست الحجاب و ضبطتة ..ندگ الباب تحركت فتحتة صارت بوجهي درة
خزرتها ضحكت فتحت الباب وحجيت بقهر: تفضلي التافهة
درة: اوي شنو هذا الاستقبال
دخلت ضربتها على جتفها وحجيت بعصبية: ماتستحين شلون تسوين هيج وتحبسينة هاا
درة:شبيج ردكم تتفاهمون لو صايبة لو خايبة والحمدالله صابت
ارجوان:عابتلج الخاينة
درة: ديالله المهم نفكت العقدة ورجع حبيب الگلب
دنگت ابتسمت بستمتاع ضربتني وحجت بضحكة:خجلتي شنو
دفعتها ورجعت اتاكد من شكلي وكفت وراي مبتسمة باوعتلها بنص عين ضحكت
ضلينة نسولف للظهر ندگ الباب طلعت جانو عمو قسام و ابو مروان خالتي مخابرتهم
كلش تأثرت رغم اني مزوجة وهاي سالفة شكليات بس همة اخذوها جد واجو مكان اهلي
دخلتناهم للاستقبال قدمتلهم خالة ضيافة ماخلتني اتحرك ابد كل شوية تدعيلي دعاء شكل
أنبني ضميري گبل لا اسوي الاريد اسوي بس گلبي يقسوة ومايتراجع اريد اوصلها لطريق مسدود
ديسم كلشي ولا كبرياءة واحترامة من تجي سالفة على ذني يعوف اكبر واحد مبين واني راح اخلي يعوفني بأرادتة
اريد اعيش بعيد عن الحب و سوالفة اشوف حياتي لخسرتها ومابقة منها شيء اريد ارجع لو جزء منها
ما مر هواي وقت سمعنة صوت سيارات باوعت من الشباك طبگن بيهن ٣ سيارات اول وحدة نزل منها ديسم
لابس قاط ولازم بيدة باقت ورد أحمر ..نزل وراه منان واكف گبالة ويعدلة بالرباط
وراهة نزلو زلم ماعرفهم بيهم اربعة ٣ لابسين قوط واحد لا معگل بس شنو نزاكة تقرة ألف
وهم ماننسة المشارك في كل المصائب و بكل عزة لطام جَسر ويا اخو يضحكون ويقلدون على ديسم
YOU ARE READING
التاسع من أكتوبر
ChickLitإنه أكتوبر الشهر الذي حرم من دفء الصيف وشاعرية الشتاء الشهر الذي تنتهي فيه أحلام الصيف الزاهية ، بينما آمال الشتاء الغامضة لم تولد بعد! الشهر الشبيه بهيكل عظمي يرتدي عباءته السوداء ويرتجف .. لو كان للهياكل العظمية أن ترتجف ..!..؟
