يقينِ (وماصبرٌ إلا بعده يقين)

الفصل الثانى عشر

الجنه💛💛💛💛

ببساطه تعملي بيت ليگي في الجنه من ركعات السنن وتقولي سبحان الله وبحمده فيبقي ليكي قدام بيتك نخل كتير متخيله.!
لو قرأتي قرآن كل حرف بحسنه والحسنه بعشره أمثالها.💛
ولو حوقلتي بتاخدي كنز من كنوز الجنه.
ولو صليتي علي رسولنا الكريم محمد ربنا بيصلي عليكي عشر مرات.💛
لو علمتي حد دينه صح وفضلتي تعلمي واحد ورا التاني بتاخدي كم حسنات متعدش لانك بتكوني داعيه لله.💛
ولما تعدي حد كبير الطريق بتاخدي حسانات.💛
لو عملتي جروب ومش لازم عدد البنات لأن ممكن بعد ما تموتي كلامك ينتشر الكلام لاكتر الناس.💛
لو سترتي نفسك باللبس الفضفاض ربنا هيسترك دنيا واخره.💛

ـــــــــــــــــــــــــــــــــــــــــــــــــــــــــــــــ
#الفصل_الثاني_عشر
#يقينِ
#عشق_إدريس

نبدأ....

فى صباح اليوم التالى ... باريس

إستيقظ زاك من نومة بكسل وذهب للإغتسال والإستعداد لعمله، خرج من الغرفة ونزل الى الأسفل وجد إريس نائم على الأريكة، نظر له بتعجب وتقدم نحوه ونظر الى ملابسة بتفحص متسائلا فى نفسه عن نومه بملابس مهماته، إستغرق بضع ثوانِ لفهم الأمر، رمقه بمكر وبسمة عابثة على محياه، وذهب الى المرحاض وأحضر سطل صغير مليئ بالماء، تقدم نحوه ببطئ وقام بسكب الماء وهو يضحك على منظر رفيقه الذى نهض فزعا مما يحدث وينظر بتشوش بسبب الماء، مسح وجهه بيده وهو ينظر اليه بغضب ويبادله الأخر بنظرة مرحه عابثة، قطرات الندى تتراقص على جبينه وهو يرمق رفيقه بغضب لكن ثوانِ تحولت ملامحه الى المكر وزاك ينظر اليه بقلق من نظراته وقال:-
ايه فى اى؟؟ ... بهزر يا رمضان مبتهزرش؟!!!!

إبتسم إبتسامة مصطنعة وتقدم نحوه ببطئ والأخر يتراجع للخلف برعب، عدل من ياقة قميصة وقال:-
بهزر يا حبيب رمضان بهزر..!!!

ظل يتراجع حتى خرج الى الحديقة متجهًا نحو المسبح وأردف بإرتباك ومرح مصطنع:-
اومال اى بسمة الشر دى يا جدع ..  خوفتنى!!

ضحك بشر وقال:-
سلامتك من الخوف يا حبيبى!

أردف "زاك" بمرح لكن من داخله خائف من ردة فعل صديقة الذى لن يُمرأ له هذا الأمر :-
يلا يا عم اتبسط خدتلك دش معتبر اهو..

نظر له بمكر و للمسبح الذى خلفه وقال:-
هناخد دش كلنا دلوقتى..!

_ لا يا عم انا لسة نازل و..... ااااه

قام بدفعه في المسبح بشر وهو ينظر له بإستمتاع وزاك ينظر اليه بغيظ وقال:-
يخربيت اللى يعرفك يا عم ..... عندى ميتنج مهم بوظتلى البدلة يا جاحد