الجزء الثالث
لازم قبل ما نمشى ونلف ضهرنا للماضى نقفل صفحاته وبيبانه لازم نقفل باب الماضى خالص عشان رياحه متتعبناش
مسكت نور التيلفون ولقت رسالة ازعجتها رمت التيلفون بعصبية فى الحيطة واتكسر ميت حته وصرخت صرخة وجع دخل على الصوت ياسر
ياسر بقلق : نور فى اى يا نور خير
نور مش بتتكلم بس بتضرب وشها بايدها وتعيط وتصرخ بس
ياسر خدها فى حضنه هداها وندى لاية تجبلها ماية تهدى
اية : قوم يا ياسر وانا هقعد اتكلم معاها واهديها شوية
سابها ياسر مع اية وهو خارج لقى التيلفون متكسر وواقع جنب الحيطة بص عليه وبص لحالة نور ومشى
اية بتحاول تهدى نور
وياسر فى اوضه فاتح اللاب امامه ولقى الرسالة ايلي جت لنور الرسالة ايلى خلتها منهاره كده بس مفهمهاش
باب الشقة خبط
اسمهان : ده اكيد بابا هروح افتحله
اية : يلا تعالى يا نور سلمي على بابا ده كان هيموت من القلق عليكي
نور : لا مش هقدر انا مش عارفة هقابله ازاى بقالى سنين مشفتوش
قاطعها دكتور عماد : بس انا عاوز اقابلك انا مصدقتش نفسي ومصدقتش ياسر لما قال انك رجعتى تانى وفتح دراعاته تعالى فى حضن بابا يا نور تعالى يانور شيلى عتمة قلبي ووجعه عليكي اترمت نور فى حضن باباها وفتحت فى العياط
ياسر : عشان تصدق ابنك لما اقولك رجعتها تبقى تصدقنى
اسمهان : الله الله يا سي بابا الحب كله رجع اهو ونسيتنا يلا يا اية يلا يا اختى نحضر السفرا احنا غلابة
عماد : طب يلا يا بكاشة منك ليها وانت يا حبيبة بابا ارتاحى لحد ما يحضروا
نور: لا يابابا انا هقوم اساعد معاهم واتونس بيهم لو تسمحولى يا بنات
اية واسمهان فى نفس واحد طبعا طبعا يلا ومسكوا ايديها وراحوا على المطبخ
قعد ياسر مع باباه وحكاله ايلى حصل مع نور وتيلفونها
ياسر : بس انا معرفش لي اتاثرت بسبب الصورة دى وحتى الاكونت ايلي بعتلها الصورة متفتحش تانى ومش معروف مين اكونت فيك
عماد: عامة متحاولش تضغط عليها الايام دى سيبها ترتاح واول ما تثق فينا ثقة كاملة هتعرفنا كل ايلي حصل معاها لوحدها
ياسر : امرك يا بابا هسيب حضرتك تغير هدومك واروح احضر معاهم
دخل ياسر عليهم المطبخ ها الاخوات التلاتة عاملين لنا اى غدا وياريت يكون صنف حلو ولا تحبوا تباتوا فى القسم
اسمهان وهى بتقرب منه وايدها ورى ضهرها : اخويا الوسيم عاوز صنف حلو عشان ميحبسناش يا بنات طب افتح بوقك وغمض عينك عشان تدوق احلى صنف بتحبه وبخف يد كبت عليه كوباية ماية وفضلت تضحك ونور ضحكت بصوت وضحكتها جميلة اوى قرب منها ياسر بكل حنية وقالها ضحكتك جميلة اوى يا نور ومسك اسمهان بهزار جامد وقلها معفية من الضرب عشان ضحكة نور القمر واستكمل كلامه هاه اساعدكوا فى اى فردت نور :
لا ارتاح انت وانا والبنات هجحز
اية : تؤتؤ احنا هنا م بندلع حد غير بابا يعني الاخ الكبير اخ كبير لان مسؤلياته كتير
نور : بجد انا افتكرتك مدلع عشان اية واسمهان بيخدموك
اسمهان : خدمة اى ده يخدم بلد ده ظابط ظابط
ياسر : طب يلا يا اختى منك ليها عاملين لنا اى جعان الشرطة جعانة
اية : الشعب عامل للشرطة مكرونة بشاميل وبطاطس
ياسر : طب يلا على السفرا يا فتيات
وفى وسط اجواء الفرح دى نور نسيت الرسالة وايلى بعتها بس صاحب الرسالة منسهاش
وفى فيلا فى نص الصحرا فى اكتوبر سيدة فى الثلاثينات من عمرها تتحدث فى الهاتف
: متقلقش هى اه الصورة تبان عادى بس هى اكيد فاهمة معناها وخفياها كويس
والجزء الجاى احنا كمان هنعرف معالم وخفايا الرسالة ومين دي
