الفصل الخامس والعشرون
انت سندي وامني واماني اخي انت حياتي بوجودك معي مطمئنة انت مصحح اخطائي وانت داعمي الاول .
اجتمع ياسر بإخوته وقال لهم .
ياسر : طبعاً نور فاكرة نفسها سبب كل حاجة وحشة بتحصل لنا الفترة الاخيرة وده مش صح يمكن هتتصدموا لما تعرفوا السبب الحقيقي وهو انا اخوكوا ايلي مفروض احميكوا .
نور : ازاي لا يا ياسر متقولش كده انت بتقول كده عشان محسش بالذنب صح ؟
يكمل ياسر حديثه : لا يا نور دي الحقيقة لما كنت لسه في ثانوي حبيت بنت واتعلقت بيها كانت ليا الام والاخت والحبيبة وكانت حد محترم لحد ما دخلنا الجامعة واتخرجنا هى اتخرجت من كلية علوم وانا من كلية الشرطة وخلاص باخد القرار اني اروح اتقدم لباباها اتوفى استنيت فترة وبعدها عرفت ان باباها كان بيشتغل في افعال مخالفة للاخلاق وهي من بعده كملت مشواره بحجة انها تفضل بنفس المستوى هي واخوها ولما سيبتها طبعا قررت تنتقم وانتوا كنتوا الانتقام اية بعتت اخوها وراها يرسم عليها الحب ويا عالم كان عمل فيها اي لولا اية رجعتلي اسمهان بعتت وراها بنت من ايلي مشغلاهم في القرف ده خلتها تسكر ومسكت عليها فيديو كان هيفصلها من الجامعة وكانت عاوزة تأذيها اكتر واكتر لولا ستر ربنا وان اسمهان وثقت في الاخوة ايلي بينا وجت عرفتي وقدرنا نوقعها والحمد لله الاتنين قدرت بفضل ربنا انقذهم من افعالها وهي دلوقتي بتاخد جزائها الا انت يا نور انا معرفش هي اذتك ازاي ولا مأذتكيش ولا حتى ووصلتلك ازاي حقك عليا انا اهملت في حقك اوي انت اكتر حد قلبي موجوع عليه .
تبكي نور وتنهار بين اخوتها يضمها الجميع ويطلب منها ان تخبرهم ان كان طالها اي اذى من تلك الافعى السامة لا تنطق نور بحرف وتظل صامتة باكية كيف ستفصح عما حدث لها وهي تعلم انها ستلحق الضرر بوالدتها فهي متعلقة بزوجها وتعشقه بجنون .
تفقد نور الوعي ولا يستطيع اخوتها افاقتها فيأخذوها إلى المشفى .
يحاول الطبيب افاقتها تستعيد وعيها وتجد الجميع جوارها ويتجادلون على من سيقضي الليلة معها وتطلب نور منهم ان يسمحوا لها بذالك القرار وتطلب من اية ان تظل معها ينصرف الجميع وتظل اية جوار نور تهتم بها وتطعمها .
تخبر نور اختها عما حدث لها وكيف هي كانت اول انتقام هاجر تنصدم اية وتبكي وتضم اختها . تنهار نور مجدداً وتهدئها اية بان كل شيء سيتحسن وان اخاها سيأخذ بثأرها من ذاك الوحش الذي يدعى زوج ,والدتها
